完整藏文原文 · 德格版页 当前仅加载第 54 函德格 208b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གིས་ཡིད་ཆེས་པར་མི་ནུས་ན་འགྲུས་པར་སྤྱོད་མི་ནུས་པ་ལྟ་སྨོས་ཀྱང་ཅི་དགོས། དགའ་བོ་ཡང་དག་པར་གཤེགས་པའི་བྱ་བ་ཡོད་པའི་ཆོས་ཀྱི་ཤེས་རབ་ཡོད་དོ་ཅོག་རང་སངས་རྒྱས་དང་། དགྲ་བཅོམ་པ་ཐམས་ཅད་ལ་སོགས་པ་གོ་ཞིང་ཤེས་པར་མི་ནུས་སོ། །དགའ་བོ་ཡང་དག་
D123.054.0208b01.01པར་གཤེགས་པས་མཁྱེན་ཏོ་ཅོག་གི་ཆོས་ཁྱོད་ལ་བཤད་དུ་ཟིན་ན་ཁྱོད་བསླད་ཅིང་རྨོངས་སུ་རུང་ན་ཡིད་ཆེས་པར་མི་རུང་བ་ལྟ་སྨོས་ཀྱང་ཅི་དགོས། ཡང་དག་པར་གཤེགས་པས་དེ་ལྟར་དེ་ལྟ་བུའི་ཆོས་ཡིག་བཤད་པ་ནི། དེའི་ཚེ་མི་གཏི་མུག་གིས་ཡིད་ཀྱང་མི་ཆེས་ན་ཡིད་ཆེས་ཤིང་གཏི་མུག་གི་ལན་
D123.054.0208b02.01བཤད་མི་ནུས་པ་ལྟ་སྨོས་ཀྱང་ཅི་དགོས། དགའ་བོ་ཆོས་ཀྱིས་དེ་བཞིན་པའི་རིགས་ཏེ། བདག་གི་ལུས་དང་བ་ཡིན་ན་གཞན་ལ་ཡང་ངན་ཅེས་ཟེར་རོ། །ད་ལྟར་གྱི་བར་དུ་ལེ་ལོའི་དགེ་སློང་ལ་དེ་ཙམ་གྱི་ཚེ་རབས་ཀྱི་བར་དུ་བརྩོན་འགྲུས་པའི་དགེ་སློང་གིས་ཐུབ་པར་མི་ནུས་སོ། །ཚུལ་ཁྲིམས་
D123.054.0208b03.01འཛིན་ཏོ་ཅོག་དང་། ཤེས་རབ་བསྐྲུན་དུ་མི་རུང་ངོ་། །ཡང་དག་པར་གཤེགས་པས་མི་དེ་ཉེས་པ་ངན་པ་བྱས་སོ་ཅོག་བཤད་དུ་ཟིན་ན་ལུས་གྱུར་ཅིང་མནོས་སོ་ཅོག་མི་དེས་ཡིད་མི་ཆེས་ཏེ། སྡིག་ལྕི་བ་གཡོ་བར་འགྱུར་རོ། །ཁྱོད་ལ་སོགས་ཡང་འཇིགས་སྐྲག་སྟེ། དེས་ངན་པ་མནོས་སོ་ཅོག་ནི་
D123.054.0208b04.01དཔག་ཏུ་མི་ནུས་སོ། །དགའ་བོ་ཡང་དག་པར་གཤེགས་པས་ཟབ་མོའི་ཆོས་ནོད་པ་ནི་དཀའོ། །ཁྱོད་ཀྱི་ཡིད་ལ་ཇི་སྙམ། ཁྲི་སྟན་བཟང་པོ་ལ་ཕག་གུ་སྲེད་དམ་མི་སྲེད། བཅོམ་ལྡན་འདས་མི་སྲེད་ལེགས་སོ། །དགའ་བོ་ངའི་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཀྱི་ཆོས་འདི་ཟབ་མོ་དམ་པ་སྟེ།
D123.054.0208b05.01ཤེས་རབ་ཅན་སྲེད་པ་ནི་མི་དེས་ཡིད་ཆེས་ཤིང་ཤེས་ལ་ཁོང་དུ་ཆུབ་པ་མ་ནུས་པས། ཁྱིམ་ནས་བྱུང་ཟིན་པ་དང་། རང་ན་རེ་དགེ་སྦྱོང་ཞེས་ཟེར་ཏེ། བདེན་པ་བཞིན་དུ་བསྟན་བསླབས་པ་མནོད་མ་ནུས་སོ། །ཆོས་འདི་ལ་སེམས་བཅོས་མ་ནུས་སོ། །ཞིམ་པོའི་རོ་མ་ཐོབ་སྟེ། ལག་པ་བརྡབས་ནས་སོང་སྟེ།
D123.054.0208b06.01ལམ་ངན་པར་ལྷུང་ཞིང་འདུག་པ་ནི་དཔེར་ཕག་གུས་ཁྲི་སྟན་བཟང་པོ་བཏང་བ་དང་མཚུངས་སོ། །ཅིའི་ཕྱིར་ཞེ་ན། དགའ་བོ་ངའི་བླ་ན་མེད་པ་གཡུང་དྲུང་རྫོགས་པའི་བྱང་ཆུབ་ཤིན་ཏུ་གཙང་གདང་བ་བསྟན་དཀའ་བས་ཡིད་ཆེས་ཤིང་ཤེས་པར་ནུས་པ་མ་ཡིན་ཏེ། གདུལ་བ་གདབ་དཀའ་བ་དང་། ཤེས་རབ་
D123.054.0208b07.01