完整藏文原文 · 德格版页 当前仅加载第 54 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ངན་པ་ཕྱུང་ངོ་། །དེ་ཙམ་གྱི་ཚེ་ཀུན་གྱིས་ཚུལ་ཁྲིམས་ལྕི་བས་བསྲུང་ཞིང་གཟུང་མི་ནུས་ཏེ་ཁོང་དུ་ཆུད་པ་མེད་དོ། །གཞུང་གི་བསོད་ནམས་བཤིག་སྟེ་ཆོས་སོ་ཅོག་མི་འགྱུར་ཞིང་ཉིད་ཀྱི་མཚན་སྟོང་པ་ལ་ཇི་ལྟ་བུར་བྱ་མི་ནུས་ཞེས་འཛེར་ཏོ། །རྩེད་མོ་བྱེད་པའི་མི་འདའ་རས་པ་བསྒྱུར་
D123.054.0199b01.01ཅིང་བསྟན་པ་མང་པོ་བྱས་ནས་ཅི་ཡང་ཤེས་པ་མེད་པར་མཐོང་ན་ཤིན་ཏུ་བགད་དོ། །ཅིའི་ཕྱིར་ཞེ་ན། རྩེད་མོའི་ཆོས་མི་ཤེས་པས་འཐབ་སྟེ་ངོ་མཚར་སྙམ་སྟེ། ཡོད་དཀོན་པའི་སེམས་སྐྱེས་ནས་དངངས་དོགས་ཏེ་ཆེར་བགད་དོ། །དེ་ལྟ་སྟེ་ཤཱ་རིའི་བུ་དེའི་ཚེ་ཡང་དག་པའི་བདེན་པའི་
D123.054.0199b02.01དགེ་སློང་གིས་སྟོང་པ་ཞི་བའི་ཆོས་འཆད་ན་སྲོག་གསོ་བའི་ཁེ་ཚོལ་བ་ཀུན་གྱིས་ཁྲེལ་ཏེ་བགད་དོ། །ཅིའི་ཕྱིར་ཞེ་ན། མི་དེས་སངས་རྒྱས་ཀྱི་ཆོས་ཀྱི་གཞུང་མ་རིག་པས་སྟོང་པའི་ཆོས་བཤད་པ་ཐོས་ནས་དངངས་དོགས་ཤིང་འཇིགས་སྐྲག་གོ། ཤཱ་རིའི་བུ་ཁྱོད་ཀྱིས་མི་འདི་ལ་ལྟོས་
D123.054.0199b03.01དང་། བདེ་སྐྱིད་པའི་གནས་ལ་རྒུད་པའི་མྱ་ངན་སྐྱེས་སོ། །རྒུད་པའི་མྱ་ངན་གྱི་གནས་ལ་ནི་བདེ་སྐྱིད་པའི་སེམས་སྐྱེས་ཏེ། མི་དེ་ཕྱིན་ཅི་ལོག་པས་དགེ་བའི་ཆོས་ནི་ལོག་པར་སྤྱད། ངན་པའི་ཆོས་ནི་མ་ལོག་པར་སྤྱད་དོ། །ཤཱ་རིའི་བུ་དེ་ལྟ་བུའི་མི་གཏི་མུག་ལ་སེར་སྣ་དང་། འདོད་
D123.054.0199b04.01ཆགས་དང་། ཞེ་སྡང་དང་། གཏི་མུག་མང་དུ་སྲེལ་ཏེ། ཆོ་ག་ཚང་ནས་མི་དགེ་བ་གསུམ་གྱི་རྩ་བ་སྤྱད་དོ། །ཤཱ་རིའི་བུ་ངས་ཚུལ་ཁྲིམས་འཛིན་པའི་དགེ་སློང་ལ་ཕན་བསོད་པ་བྱ་བའི་ཕྱིར་ཚུལ་ཁྲིམས་ཉིས་བརྒྱ་ལྔ་བཅུའི་ཆོས་ཡིག་བཤད་དོ། །དེ་ལྟ་བུའི་མི་གཏི་མུག་གིས་
D123.054.0199b05.01འཇིག་རྟེན་གྱི་རྒྱུ་རྐྱེན་ཆུང་ངུ་སྤྱད་དེ། ཁྱིམ་ན་འདུག་པ་ལ་བཤད་དེ་ཡི་གེར་ཡང་བྲིས་ནས་གོས་སྐྱ་བོ་ཅན་ལ་ཡང་བསྟན་ཏོ། །ཤཱ་རིའི་བུ་དེ་ལྟ་བུའི་མི་གཏི་མུག་གིས་བཤད་པ་ཆོས་སོ་ཅོག་སྟོང་པ་དང་། རང་གི་མཚན་མ་བྱ་ག་ལ་ནུས་ཞེས་འཛེར་ཏོ། །ཅིའི་ཕྱིར་ཞེ་ན། དེ་ལྟ་བུའི་མི་གཏི་
D123.054.0199b06.01མུག་གིས་འཇུག་པ་དང་། བརྐམ་པ་དང་། མྱ་ངན་འཁྲུག་ཡང་བསལ་མི་ནུས་ན། མ་རིག་པའོ་ཅོག་ཆོ་ག་མ་ནུས་པ་ལྟ་སྨོས་ཀྱང་ཅི་དགོས། ཤཱ་རིའི་བུ་དེའི་ཚེ་ཚུལ་ཁྲིམས་ལུགས་འཛིན་པའི་དགེ་སློང་དགེ་བ་སློབ་མི་ནུས་སོ། །ཆོས་སོ་ཅོག་སྟོང་པར་ཡང་ལེགས་པར་མི་སློབ་བོ། །མདོ་
D123.054.0199b07.01