完整藏文原文 · 德格版页 当前仅加载第 54 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། རི་རབ་དང་། ཆུ་བོ་དང་། རྩི་ཤིང་བཏེག་སྟེ། སེམས་ཅན་དེ་རྣམས་ཐམས་ཅད་སེམས་འཐུན་པར་དགའ་སྐྱིད་ཅིང་ཡིད་ལ་ཐ་དད་པ་མེད་པར་བྱ་ནུས་ན་དེ་ཁྱོད་ཀྱི་ཡིད་ལ་ཇི་སྙམ། ཡོད་དཀོན་ནམ་མི་དཀོན། བཅོམ་
D123.054.0155b01.01ལྡན་འདས་དཀོན་ལགས་སོ། །ཤཱ་རིའི་བུ་ཡང་དག་པར་གཤེགས་པས་བཤད་པ་ཆོས་སོ་ཅོག་ཀུན་ལ་སྐྱེ་བ་ཡང་མེད། འགོག་པ་ཡང་མེད། མཚན་མ་ཡང་མེད། བྱ་བ་ཡང་མེད་ན། མི་ཀུན་ཡིད་ཆེས་ཤིང་ཤེས་པར་བྱས་པ་ཕྱེད་ཀྱིས་ཡོད་དཀོན་ནོ། །ཤཱ་རིའི་བུ་ཡང་དག་
D123.054.0155b02.01པར་གཤེགས་པས་བཤད་པ་ཆོས་ཀུན་ལ་ངོ་བོ་ཉིད་མེད་དེ། སྟོང་པ་ཅི་ཡང་མེད་པས་འཇིག་རྟེན་ཐམས་ཅད་ཀྱིས་ཡིད་ཆེས་ཤིང་ཤེས་པར་དཀའོ། །ཅིའི་ཕྱིར་ཞེ་ན། ཤཱ་རིའི་བུ་ཆོས་དེ་ལ་འདུ་ཤེས་མེད་དེ་འདུ་ཤེས་སོ་ཅོག་དང་བྲལ་ལོ། །བསམ་པ་མེད་དེ་བསམ་པའོ་ཅོག་དང་བྲལ་ལོ། །བླང་
D123.054.0155b03.01བའང་མེད་དེ་དོར་བའང་མེད། འདྲན་ཏོར་ཡང་མེད། མྱ་ངན་ཚ་བའང་མེད། ཚུ་ལོགས་ཀྱི་འགྲམ་ཡང་མེད། ཕ་ལོགས་ཀྱི་འགྲམ་ཡང་མེད། སྐབས་ཀྱང་མེད། གཏི་མུག་མེད། རིག་པའང་མེད་དེ། ཚད་མེད་པའི་ཡེ་ཤེས་ཀྱིས་ན་གདོད་ཤེས་པར་རུང་སྟེ། བསམ་པས་ཤེས་
D123.054.0155b04.01པར་ནུས་པ་མ་ཡིན་ནོ། །སྤྱད་པ་ཡང་མེད། འདུ་ཤེས་ཀྱང་མེད། མྱ་ངན་ཚ་བའང་མེད། དེ་བསམ་པ་མེད་ན། བསམ་པ་ཀུན་ལས་འདས། སེམས་མེད་ན་སེམས་ཀུན་ལས་འདས། ཕྱོགས་པའང་མེད། ལོག་པའང་མེད། བཅིངས་པའང་མེད། བཀྲོལ་བ་ཡང་མེད།
D123.054.0155b05.01བདེན་པ་ཡང་མེད། མི་བདེན་པའི་ཆོས་ཀྱང་མེད། གཏི་མུག་ཀྱང་མེད། གཏི་མུག་གི་ཆོས་ཀྱང་མེད། གཏི་མུག་གི་དྲ་བ་ཡང་མེད། མིང་ཡང་མེད། ཚིག་མེད། བཤད་པ་མེད། མ་བཤད་པ་མེད། ཟད་པའང་མེད། མ་ཟད་པའང་མེད། སྤྱད་པའང་མེད། ལམ་ཡང་
D123.054.0155b06.01མེད། ལམ་གྱི་འབྲས་བུ་ཡང་མེད། བྲལ་བ་མེད་ན་བྲལ་བ་རྣམས་ལས་འདས་ཏེ། བསམ་པའང་མེད། གོ་འདུན་འདྲེས་པའང་མེད། བླང་བའང་མེད། དོར་བའང་མེད། ཐོབ་པའང་མེད། ཐོབ་པར་ཡང་མི་རུང་། བདེན་པ་རྣམས་ཀྱང་བསལ། འདོད་ཆགས་དང་། ཞེ་
D123.054.0155b07.01