完整藏文原文 · 德格版页 当前仅加载第 54 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་ན། མི་དེས་ཆོས་སོ་ཅོག་གི་ངོ་བོ་ཉིད་ཐོབ་པར་ནུས་ཏེ། རང་གི་ལུས་ཐོབ་པར་ནུས། བདག་ཏུ་ལྟ་བ་ཐོབ། གང་ཟག་ཐོབ་སྟེ། དེ་ནི་བདེན་པ་ཡོང་མེད་དོ། །ཆོས་ཀྱི་མཚན་མ་ཐ་དད། སྟོང་པ་ཐ་དད། སྟོང་པ་བསྟན་པའི་ཕྱིར་བསམ་པའི་གནས་བཤད་དོ། །
D123.054.0160a01.01གཞི་བསམ་པའི་གནས་ཀྱི་ངོ་བོ་ཉིད་ལ་ངོ་བོ་ཉིད་མེད། གནས་མེད། བསམ་པའང་མེད། བཤད་པའང་མེད། འདོད་ཆགས་ཀྱང་མེད་དོ། །སེམས་ཀྱི་ངོ་བོ་ཉིད་ཀྱང་མེད་ན་སེམས་ཀྱི་གནས་མེད་པ་ལྟ་སྨོས་ཀྱང་ཅི་དགོས། དེ་བས་ན་ཡང་དག་པར་གཤེགས་པས་མིང་སེམས་ཀྱི་
D123.054.0160a02.01གནས་ཞེས་བཤད་དོ། །ཤཱ་རིའི་བུ་ཆོས་སོ་ཅོག་ལ་ཡང་དག་པར་ངོ་བོ་ཉིད་དེ་སྐྲ་སྤུའི་ཉག་མ་བཅུ་ཚལ་གྱི་བརྒྱ་ཆ་གཅིག་ཙམ་ཞིག་ཡོད་དུ་ཟིན་ན་དེས་སངས་རྒྱས་ཀྱི་ཚིག་རྣམས་འཇིག་རྟེན་དུ་མི་འགྱུར་ཏེ། མཐར་ཆོས་སོ་ཅོག་གི་ངོ་བོ་ཉིད་སྟོང་པར་ཡང་མི་བཤད་དོ། །ཤཱ་རིའི་བུ་
D123.054.0160a03.01སངས་རྒྱས་ཀྱི་ཆོས་སོ་ཅོག་ནི་བདེན་པར་སྟོང་པ་སྟེ། ངོ་བོ་ཉིད་མེད་ཅིང་མཚན་མ་གཅིག་པུ་སྟེ། དེ་ནི་མཚན་མ་མེད་པར་ཡང་དག་པར་གཤེགས་པ་ཀུན་གྱིས་གཟིགས་སོ། །ཡང་དག་པར་གཤེགས་པ་དེའི་ཕྱིར་བསམ་པའི་གནས་ཡོད་ཅེས་བཤད་དོ། །ཤཱ་རིའི་བུ་བསམ་པའི་
D123.054.0160a04.01གནས་ནི་མིང་གནས་མེད། གནས་མེད་པའང་མེད་ཅེས་བྱའོ། །བསམ་པ་མེད། བསམ་པའི་ལས་ཀྱང་མེད། འདུ་ཤེས་མེད། རྣམ་པར་བརྟག་པའང་མེད། ཡིད་མེད། ཡིད་ཀྱི་ལས་ཀྱང་མེད། བསམ་པ་མེད། བསམ་པའི་ལས་ཀྱང་མེད། ཆོས་མེད། ཆོས་ཀྱི་མཚན་
D123.054.0160a05.01མའང་མེད། དེ་ཀུན་འདུས་ཀྱིས་མེད་པས་ན་མཛངས་ཤིང་འཕྲུལ་བའི་མིང་རྣམ་པར་བརྟགས་པ་མེད་ཅེས་བྱ་སྟེ། དེའི་མིང་བསམ་པའི་གནས་ཞེས་བྱའོ། །ཡང་དག་པར་གཤེགས་པས་དེའི་ཕྱིར་བསམ་པའི་གནས་ཡོད་ཅེས་བཤད་དོ། །ཅི་ཡང་མེད་པའི་ཕྱིར་བསམ་པའི་
D123.054.0160a06.01གནས་ཞེས་བྱའོ། །སངས་རྒྱས་བསམ་པའི་ཕྱིར་མིང་བསམ་པའི་གནས་ཞེས་བྱའོ། །ཤཱ་རིའི་བུ་ཇི་ལྟར་ན་མིང་སངས་རྒྱས་བསམ་པ་ཞེས་བྱ། ཅི་ཡང་མེད་པར་མཐོང་བ་ནི་མིང་སངས་རྒྱས་བསམ་པ་ཞེས་བྱའོ། །ཤཱ་རིའི་བུ་སངས་རྒྱས་ཀུན་ནི་དཔག་ཏུ་མེད། བསམ་
D123.054.0160a07.01