sangs rgyas kyi mdzod kyi chos kyi yi ge
当前为德格木刻版 169b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 169b
- 可引用原文
- 7 行
- 全文规模
- 全经 833 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 54 函 · 德格 169b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པའི་དགེ་སློང་གི་མྱ་ངན་འཁྲུག་པའི་མདའ་གཉིས་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ཕལ་དང་ཕྲད་ན། སེམས་ངན་པ་མི་འཐུན་ཞིང་བཏང་སྤངས་པར་རང་ཤེས་ཏེ། ངོ་ཚ་ཞིང་གནོད་སྲེལ་བས་ཕལ་གྱི་ནང་དུ་འཇུག་མི་ཕོད་དོ། །ཤཱ་རིའི་བུ་དེ་ལྟ་བུའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་གསུམ་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་མྱ་ངན་འཁྲུག་པའི་སེམས་བདོ་བས་བསྟན་བཅོས་སུ་མི་རུང་
སྟེ། མུར་འདུག་གི་ཆོས་ཀྱི་ཁྲིམས་ཀྱི་ཆོས་ཀྱང་མེད་ན། གཙང་མའི་ཚུལ་ཁྲིམས་མེད་པ་ལྟ་སྨོས་ཀྱང་ཅི་དགོས། ཚུལ་ཁྲིམས་ཞིག་པའི་རྒྱུ་རྐྱེན་ལྟ་བུ་སྤྱད་པས་མིས་མི་ཉེ་མི་བསྙེན། ཤཱ་རིའི་བུ་དེའི་མིང་ཚུལ་ཁྲིམས་ཞིག་པའི་དགེ་སློང་གི་མྱ་ངན་འཁྲུག་པའི་མདའ་བཞི་ཞེས་བྱ་སྟེ། ཡང་དག་པར་ལམ་ངན་པར་ལྟུང་ངོ་། །ཡང་ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་གིས་གཞན་གྱི་ནོར་རྫས་སྤྱོད་དེ་རང་གི་ལུས་གསོས་ན། ངས་བཤད་པ་ལ་མེད་དེ་ཁུར་ལྕི་བ་ཁྱེར་ཞེས་བྱའོ། །ཅིའི་ཕྱིར་ཞེ་ན། སྤྱོད་པའང་ཐོབ་པ་ནི་ཡོན་ལེན་པ་རིག་ཞེས་བྱ་ན།
ཚུལ་ཁྲིམས་ཞིག་པའི་དགེ་སློང་སྤྱོད་པ་ཡང་མ་ཡིན། ཐོབ་པ་ཡང་མ་ཡིན་པས་ན། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་བསྐལ་པ་གྲངས་བརྒྱ་སྟོང་ཁྲི་འབུམ་གྱི་བར་དུ་ལུས་ཀྱི་ཤ་བཅད་གཏུབས་ཏེ་སྦྱིན་བདག་ལ་འཇལ་ལོ། །ཕྱུགས་ཀྱི་ལུས་སུ་སྐྱེས་ན་ཡང་རྟག་ཏུ་ཁལ་ལྕི་བ་ཁྱེར་བར་འོང་ངོ་། །ཇི་ལྟ་ཞེས་བྱས་ན་སྐྲའི་ཉག་མ་གཅིག་གི་ཆུ་ཚལ་གཅིག་གི་སྟོང་གསུམ་གྱི་སྟོང་འབུམ་གྱི་ཤས་གཅིག་ཙམ་གྱི་ཡོན་ཡང་ཚུལ་ཁྲིམས་ཞིག་པའི་དགེ་སློང་གིས་ཞུ་བར་མི་ནུས་ན་གཞན་གྱི་གོས་དང་། ཁ་ཟས་དང་། མལ་ཆ་དང་། རྩི་སྨན་ཞུ་བར་མི་ནུས་པ་
ལྟ་སྨོས་ཀྱང་ཅི་དགོས། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་འཕྲུལ་གྱི་ཆོས་གོས་གྱོན་ཀྱང་གཙུག་ལག་ཁང་གི་ནང་དུ་གོམ་པ་གཅིག་ཀྱང་འགྲོ་བ་མི་རིགས་ན། ཆུ་རྔུབ་གཅིག་དང་ཁྲི་སྟན་ཡན་ཆད་ལ་འདུག་ཏུ་མི་དབང་བ་ལྟ་སྨོས་ཀྱང་ཅི་དགོས། ཅིའི་ཕྱིར་ཞེ་ན། ཤཱ་རིའི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D123
- 德格版页
- 169b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0123 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。