sangs rgyas kyi mdzod kyi chos kyi yi ge
当前为德格木刻版 166b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 166b
- 可引用原文
- 7 行
- 全文规模
- 全经 833 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 54 函 · 德格 166b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནང་དུ་ཕྱིན་ནས་སྤྲེའུ་བསྟན་ཏེ། ཁྱེད་ལ་སོགས་པས་སུམ་ཅུ་རྩ་གསུམ་གྱི་ལྷ་ཡིན་གྱི་ལྷ་འདི་རྣམས་ལ་ལྟོས་ཤིག་བྱས་ན། མི་ཕལ་ཀུན་ན་རེ་སུམ་ཅུ་རྩ་གསུམ་གྱི་ལྷ་མ་ཡིན་གྱི། འདི་ནི་སྤྲེའུ་ཡིན་ཏེ་ཚལ་གྱི་ནང་དུ་འདུག་པ་ལ་སྲེད་དོ། །ཁྱེད་གཏི་མུག་ཕྱིན་ཅི་ལོག་པས་སྤྲེའུ་མི་ཤེས་པའི་སྟེང་དུ་སུམ་ཅུ་རྩ་གསུམ་གྱི་ལྷ་རྣམས་ཀྱང་མ་ཤེས་སོ། །ཤཱ་རིའི་བུ་མི་དེས་ཕལ་མོའི་སྟོང་རྡབ་ཏུ་ཚལ་དེའི་ནང་དུ་ཕྱིན་ཏོ། །འདི་ལྟ་སྟེ། ཤཱ་རིའི་བུ་ད་དུང་མ་འོངས་པའི་དུས་ན། དགེ་སློང་ཞིག་ཡོད་པ་གོས་སྐྱ་བོ་ཅན་གྱི་ཁྱིམ་དུ་ཕྱིན་ཏེ། ཚིག་འདི་སྐད་བྱས་སོ། །ཁྱོད་སངས་རྒྱས་དང་འཕྲུལ་གྱི་དགེ་འདུན་མཐོང་ཞིང་སངས་རྒྱས་
ཀྱི་ཆོས་ཉན་པར་འདོད་དམ། མི་འདོད་ཅེས་བྱས་ན། གོས་སྐྱ་བོ་ཅན་དེའི་ནང་ན་སངས་རྒྱས་ཀྱི་ཆོས་ལ་ཡིད་ཆེས་པ་ཡོད་པ་རྣམས་ཀུན་ན་རེ་མཐོང་བར་འདོད་ཀྱིས། སངས་རྒྱས་ཀྱི་ཆོས་མཉན་ཅིང་མནོས་ཞེས་ཟེར་ཏོ། །ཤཱ་རིའི་བུ་དེའི་ནང་ན་གོས་སྐྱ་བོ་ཅན་སྨྲ་བའི་ཚིག་ལ་ཆགས་ཤིང་སྲེད་པ་ཡོད་དོ། །མཆོད་རྟེན་དང་གཙུག་ལག་ཁང་གི་ནང་དུ་ཕྱིན་ན་དགེ་སློང་དག་ཅིག་ཡོད་པ་ཚིག་གིས་བཤད་ཅིང་ཡི་གེ་རྣམས་ལ་མཁས་པར་ཤེས་ཏེ། སྨྲ་བའི་ཚིག་རྟེན་ཅིང་ཡི་གེ་རི་མོ་ལ་སྲེད་པ་ཡང་ཡོད་ནས། དགེ་སློང་དེ་གཞན་ཡང་དེ་བཞིན་དུ་འཆད་དེ། ཡང་དེ་དག་པའི་ལམ་ཡིན་སྙམ་སྟེ། དགེ་འདུན་གྱི་གྲངས་སུ་ཞུགས་སོ། །མི་
ཕྱུགས་རྫི་དང་མཚུངས་ཏེ་ཆོས་(གྱི་,ཀྱི་)ཡི་གེ་ཀློག་པ་ལ་སྲེད་དུ་ཟད་ཀྱི་ཡང་དག་པའི་དབྱིངས་སུ་མི་འཇུག་སྟེ། མི་ཡིད་དགའ་ཞིང་མིང་སྙན་པར་རིན་ཆེར་འཛིན་དུ་ཟད་དོ། །འཇིག་རྟེན་གྱི་དོན་ལ་བཟོ་མཁས་ཀྱི་ཆོས་འཆད་པ་མི་གཙང་ངོ་། །བཟོའི་ཚིག་ལ་མཁས་པས་འཇིག་རྟེན་གྱི་ལམ་སྤྱད་དུ་ཟད་ཀྱི། ལེགས་པའི་བརྗིད་མེད་དོ། །མྱ་ངན་ལས་འདས་པའི་རྒྱུ་བཤིག་པ་ལས་རྒྱུ་བཏང་སྟེ། ཁ་རོག་ནས་བསམ་གཏན་ཐུབ་པ་ལ་མ་དད་དེ། ཉིན་མཚན་དུ་རྟག་པར་བཤད་ཅིང་བརྗོད་པ་དང་། འཐབ་རྩོད་པ་དང་། ཐུལ་བ་དང་། སྟན་སྟུག་པོར་ཉལ་སྲེད་དེ། བསམ་གཏན་ཐུབ་པ་བཞིན་པའི་སེམས་ཀྱང་སྐད་ཅིག་མེད་ན། དགེ་
སྦྱོང་གི་འབྲས་བུར་གྲུབ་པར་ཐོབ་པ་མི་ནུས་པ་ལྟ་སྨོས་ཀྱང་ཅི་དགོས། མི་དེ་གཉིད་ཀྱིས་ལོག་ན་ཡང་རྟག་པར་ཐ་མལ་པའི་སེམས་དང་འཐུན་ཏེ། སྲོད་དང་ཐོ་རངས་ལ་མི་འགལ་བའི་བཟོད་པ་མི་སྤྱོད་ཀྱི་མ་རབས་ཀྱི་ཆོས་ལ་སྲེད་ན། མི་དེ་ལྟ་བུས་ཀྱང་ཡོན་གོས་དང་ཁ་ཟས་མང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D123
- 德格版页
- 166b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0123 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。