完整藏文原文 · 德格版页 当前仅加载第 54 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་དང་། ཡོན་ལེན་དུའང་མ་གནང་ངོ་། །ཤཱ་རིའི་བུ་མི་ལ་ལ་ཞིག་དེ་ལྟ་བུར་མི་དགེ་བའི་འདོད་ཆགས་ཀྱི་དོན་བསལ་བཏང་བ་ནི་ངའི་ཆོས་ཀྱི་ནང་དུ་ཁྱིམ་ནས་འབྱུང་ཞིང་ཆོས་ལ་མ་ཚོལ་ཏེ། མྱ་ངན་ལས་འདས་པར་ཡང་མི་སེམས། མྱ་ངན་ལས་འདས་པའི་སེམས་ཀྱང་མི་བྱེད། མྱ་ངན་
D123.054.0156b01.01ལས་འདས་པ་ལའང་མ་ཆགས་ཏེ། མཐའ་ཡུན་དུ་སྟོང་པའི་ཆོས་ཀྱིས་མ་དངངས། མ་སྐྲག་པ་དེ་ལྟ་བུའི་མི་ཡང་ཆོས་ཀུན་འཆད་པའི་ཕྱིར་བརྩོན་འགྲུས་པ་ལ་སྤྱོད་ན། མི་དགེ་བ་ལ་འདོད་ཆགས་པ་དེ་ལྟ་བུའི་ལྟ་སྨོས་ཀྱང་ཅི་དགོས། བདག་ཏུ་ལྟ་བ་ལ་ཆགས་པ་དང་། སེམས་ཅན་ལ་ཆགས་པ་དང་། གང་ཟག་ལ་
D123.054.0156b02.01ཆགས་པ་དང་། ཆོས་ལ་ཆགས་པ་དེ་ལྟ་བུའི་མིས་འདོད་ཆགས་རྣམས་བཅད་པའི་ཕྱིར་མཚན་མ་མེད་པའི་ཏིང་ངེ་འཛིན་འགྲུབ་པར་སྤྱད་སྦྱངས་ཏེ། མཚན་མ་མེད་པའི་ཏིང་ངེ་འཛིན་ལ་ཡང་མཚན་མ་མི་ལེན་ཏེ། མི་དེས་ཆོས་སོ་ཅོག་ཐམས་ཅད་ཀྱི་མཚན་ཉིད་གཅིག་ཡིན་པར་ཁོང་དུ་ཆུད་དེ།
D123.054.0156b03.01དེ་ནི་མཚན་ཉིད་མེད་པའོ། །ཤཱ་རིའི་བུ་དེ་ལྟ་བུ་ནི་མིང་འཕྲུལ་གྱི་ཆོས་ཀྱིས་མཉེན་དུལ་བའི་ཆོས་ཀྱི་བཟོད་པ་ཞེས་བྱའོ། །མཉེན་དུལ་བའི་ཆོས་ཀྱི་བཟོད་པ་དེ་ལྟ་བུ་ཐོབ་ན། གདོད་མིང་ངའི་སློབ་མ་ཡིན་ཏེ། ཡོན་ཕུལ་བའང་ཞུ་བར་བྱ་ནུས་ལ་ལུང་སྟོན་པར་མ་མནོས་སོ། །ཅིའི་ཕྱིར་ཞེ་
D123.054.0156b04.01ན་བྱས་ན། ཤཱ་རིའི་བུ་ངའི་ཡང་དག་པའི་བདེན་པའི་མཚན་མའི་ཆོས་འདི་ལ་འཇུག་ཏུའང་མི་རུང་། བླང་དུའང་མི་རུང་། དོར་དུའང་མི་རུང་། ཆགས་སུའང་མི་རུང་། བཤད་དུའང་མི་རུང་། སྨྲ་བའི་ཚིག་གི་ལམ་ཆད། དགའ་བའང་མེད། གཞའ་བའང་མེད། འདོད་ཅིང་དགའ་
D123.054.0156b05.01བའི་སེམས་ཀྱང་ཆད་དེ། རྐྱེན་རྣམས་ཚོགས་པ་མེད། རྐྱེན་རྣམས་དང་བྲལ་བས་ཀྱང་ལམ་མེད། ལམ་ཆད། ལམ་མེད་པ་ལ་ཐུག་པར་སྨྲ་བའི་ཚིག་རྣམས་དང་། བརྗོད་ཅིང་འགྲོ་བ་དང་། སྒྲ་སྐད་ཀུན་ཆད། དེ་གཟུགས་ཀྱང་མེད། ཁ་དོག་ཀྱང་མེད། བླང་བའང་མེད། ཆགས་
D123.054.0156b06.01པའང་མེད། སྤྱད་པའང་མེད། བདེན་པའང་མེད། {བརྫུན་,རྫུན་}པའང་མེད། མུན་པའང་མེད། སྣང་བའང་མེད། ཞིག་པའང་མེད། རྩོད་པའང་མེད། འདུས་པའང་མེད། གྱེས་པའང་མེད། གཡོ་བའང་མེད། སེམས་པའང་མེད། རྣམ་པར་རྟོག་པའང་མེད། ཐོབ་པར་
D123.054.0156b07.01