完整藏文原文 · 德格版页 当前仅加载第 54 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དེ་ལྟ་བུའི་མི་ངན་པ་ནི་ལྷའི་ནང་ན་ཡང་དགྲ་ཆེན་པོ་ཡིན་ཞེས་བྱ་སྟེ། འཇིག་རྟེན་ཐམས་ཅད་ཀུན་གྱིས་ཀྱང་བསྲིངས་སྤང་བའི་རིགས་སོ། །དེ་ལྟ་བུར་སུན་བྱུང་བའི་མི་ནི་ཀུན་གྱི་དགྲ་ཡིན་ནོ། །ཡང་དག་པར་གཤེགས་པས་འཇིག་རྟེན་ཐམས་ཅད་ངའི་
D123.054.0170a01.01ཐད་དུ་འོང་བར་གནང་ན། ཚུལ་ཁྲིམས་ཞིག་པའི་མི་ནི་ཡང་དག་པར་གཤེགས་པས་ཕྱག་གིས་བཀབ་སྟེ། ངའི་སློབ་མ་ཡིན་ན་ཉིན་གཅིག་ངའི་ཆོས་ཀྱི་ནང་ན་མི་འཇུག་པ་ལྟ་སྨོས་ཀྱང་ཅི་དགོས། ཤཱ་རིའི་བུ་དཔེར་ན་མི་ཤི་བ་དང་། སྦྲུལ་ཤི་བ་དང་། ཁྱི་ཤི་བ་ནི་ནང་ན་མནམ་སྨེ་
D123.054.0170a02.01བ་སྟེ། གཙང་གདང་བའི་ལྷ་རྣམས་རྩེན་ཅིང་དགོད་པའི་ཚེ་མཐོང་དུ་མི་རུང་ངོ་། །མཐོང་དུ་ཟིན་ཀྱང་བསྲིང་ངོ་། །འདི་ལྟ་སྟེ། ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ནི་རོ་དེ་གསུམ་མནམ་སྨེ་བ་དང་མཚུངས་ཏེ་མི་གཙང་བས་ཤེས་རབ་ཅན་གྱིས་བསྲིངས་སྤངས་ཏེ། ལྷན་ཅིག་
D123.054.0170a03.01ཏུ་གསོ་སྦྱིན་རང་གསང་བ་མི་བྱེད་དོ། །ཤཱ་རིའི་བུ་ཚུལ་ཁྲིམས་ཞིག་པའི་དགེ་སློང་ནི་ངའི་ཆོས་ཀྱི་ནང་ན་མི་ཤེས་པ་མ་ཡིན་ཞེས་བྱ་སྟེ། ཚུལ་ཁྲིམས་འཛིན་པའི་དགེ་སློང་གིས་ཚུལ་ཁྲིམས་བཤིག་པ་འདི་ལྟ་བུ་མཐོང་ན་མོད་བཞིན་རིང་དུ་སྤངས་སོ། །ཅིའི་ཕྱིར་ཞེ་ན། ཚུལ་ཁྲིམས་
D123.054.0170a04.01ཞིག་པའི་དགེ་སློང་གིས་ལག་གིས་རེག་པའི་རྫས་བླངས་སོ་ཅོག་ཚུལ་ཁྲིམས་འཛིན་པའི་ངན་དུག་པར་གྱུར་ཏེ། ཤཱ་རིའི་བུ་རོ་གསུམ་མནམ་སྨེ་བས་གང་བ་དེའི་ནང་ན་ངའི་ཆོ་ག་བཞིན་སྤྱོད་པ་ནི་ཕོད་ཀྱི། ཚུལ་ཁྲིམས་ཞིག་པའི་དགེ་སློང་འདི་དང་སྐད་ཅིག་ལྷན་ཅིག་འདུག་ན་ནི་
D123.054.0170a05.01མི་ཕོད་དོ། །ཅིའི་ཕྱིར་ཞེ་ན། ཤཱ་རིའི་བུ་དེ་ནི་དགེ་སྦྱོང་གི་ནང་ན་ངན་པ་ཐ་མ་སྟེ། དགེ་སྦྱོང་གི་ནང་ན་རུལ་ཞིགས་ལ་ངན་པ་ཐ་མའོ། །དགེ་སྦྱོང་གི་ནང་ན་ཕུབ་མ་ཤིན་པའོ། །དགེ་སྦྱོང་གི་ནང་ན་དྲི་མའོ། །དགེ་སྦྱོང་གི་ནང་ན་རྙོག་པའོ། །དགེ་སྦྱོང་གི་ནང་ན་གོས་པའོ། །
D123.054.0170a06.01དགེ་སྦྱོང་གི་ནང་ན་འཁོར་བའོ། །དགེ་སྦྱོང་གི་ནང་ན་རྫིང་བའོ། །དགེ་སྦྱོང་གི་ནང་ན་འཕྲུལ་གྱི་ལམ་སྟོར་བ་སྟེ། དེ་ལྟ་བུ་ལ་སོགས་པའི་མིས་ངའི་ཆོས་ཀྱི་ནང་དུ་ཁྱིམ་ནས་བྱུང་སྟེ་ལམ་བཙལ་ན་སྡིག་ལྕི་བ་ཐོབ་བོ། །ཤཱ་རིའི་བུ་དེ་ལྟ་བུའི་མི་ནི་ངའི་ཆོས་ཀྱི་ནང་ན་ལོག་པའི་དགྲ་ཞེས་
D123.054.0170a07.01