完整藏文原文 · 德格版页 当前仅加载第 54 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
རང་གིས་བརྗོད་པ་བཙུགས་ཏེ་གཅིག་གིས་གཅིག་མཐོང་བར་མི་དགའ་ན། བསྟན་པ་མནོད་མི་ནུས་པ་ལྟ་སྨོས་ཀྱང་ཅི་དགོས། ཤཱ་རིའི་བུ་ཡང་དག་པར་གཤེགས་པ་འཇིག་རྟེན་ན་བཞུགས་པའི་ཚེ་ན་དཀོན་མཆོག་གསུམ་རོ་གཅིག་ན། ང་མེད་པར་འདས་པའི་ཕྱི་ན་བགོས་ཏེ་སྡེ་ལྔར་བྱས་
D123.054.0174b01.01སོ། །ཤཱ་རིའི་བུ་བདུད་ངན་པ་ད་རུང་ལུས་སྦས་ཏེ། ལྷ་སྦྱིན་ལ་བསྒྲོགས་བསྟངས་ནས། ངའི་ཆོས་དང་དགེ་འདུན་བཤིག་གོ། །ཡང་དག་པར་གཤེགས་པ་ཡེ་ཤེས་ཆེན་པོ་ད་ལྟར་འཇིག་རྟེན་ན་བཞུགས་བཞིན་པས་ན། བདུད་ངན་པ་ཆེན་པོས་འབྱོར་བར་མི་ནུས་སོ། །མ་འོངས་པའི་
D123.054.0174b02.01དུས་ན་བདུད་ངན་པས་ལུས་བསྒྱུར་ལ་དགེ་སྦྱོང་གི་གཟུགས་སུ་བྱས་ཏེ། དགེ་འདུན་གྱི་ནང་དུ་ཞུགས་ནས་ཡོན་པོ་རྣམ་པ་མང་པོ་བཤད་དེ། སེམས་ཅན་མང་དུ་ཡོན་པོ་མཐོང་བར་འཇུག་པར་བྱས་ནས། དེ་ལ་ཡོན་པོའི་ཆོས་བཤད་དེ་འབྱི་ལེའུ་དཔལ་ག་པ་ལ་དོན་གྱིས་འདྲན་ཏོ་ཞེས་ཟེར་
D123.054.0174b03.01ཏེ། ཤེས་ལྔའི་དོན་བསམས་བཞིན་དུ་ཞི་བའི་དོན་ཡོད་པ་ཐམས་ཅད་ཀྱི་དོན་ཡང་ཡོད་པའི་དོན་ཐོབ་པར་ཡོད་དོ་ཅོག་གི་དོན་ཏོ། །དེའི་ཚེ་བདུད་ངན་པས་འདི་ལྟ་བུ་ལ་སོགས་པ་ཡོན་པོ་འདོད་ཆགས་པའི་དོན་བཤད་དེ། དེ་ལྟ་བུའི་དོན་ནི་སངས་རྒྱས་རྣམས་དང་སངས་རྒྱས་ཀྱི་སློབ་མས་བཤད་པ་མ་ཡིན་ནོ། །དེའི་
D123.054.0174b04.01ཚེ་མི་ངན་པ་རྣམས་བདུད་ཀྱིས་བསླད་པས་སོ་སོར་ཇི་མཐོང་བ་ལ་ཆགས་ཏེ། བདག་གི་ཡིན། ཕའི་བུ་མ་ཡིན་ཞེས་ཟེར་རོ། །ཤཱ་རིའི་བུ་ཡང་དག་པར་གཤེགས་པས་སྔ་ནས་ད་དུང་མ་འོངས་པའི་དུས་ཀྱི་ནང་ན་དེ་ལྟ་བུ་ལ་སོགས་པ། ཆོས་འཇིག་པའི་དོན་ཡོད་པ་མཐོང་བས་ན་ཆེད་ཀར་
D123.054.0174b05.01ཆོས་ཟབ་མོ་འདི་བཤད་དེ། བདུད་ངན་པར་ཆགས་པར་བྱས་པའི་དོན་རྣམས་ཀུན་བཅད་དོ། །ཤཱ་རིའི་བུ་དེ་ཙམ་གྱི་ཚེ་ན་ཡང་འཛམ་བུའི་གླིང་གི་ནང་ན་ལེ་ལོ་ཡར་སྐྱེ་བའི་མི་དེ་མང་སྟེ། དགེ་བ་ལེགས་པ་ཆུང་ཞིག་བྱས་པས་ཀྱང་ཐལ་བྱུང་ཆོས་ལམ་ཐོབ་བོ་ཞེས་ཟེར་ཏེ། ཚེ་ཟད་པའི་འོག་
D123.054.0174b06.01ཏུ་ལམ་ངན་པར་ལྟུང་ངོ་། །དེ་ཅིའི་ཕྱིར་ཞེ་ན། མི་དེ་ཉིད་མཚན་དུ་བདག་གིས་ཀྱང་ལམ་ཐོབ་ཅེས་ཟེར། མི་གཞན་གྱིས་ཀྱང་ལམ་ཐོབ་བོ་ཞེས་ཟེར་བ་བརྗོད་ཅིང་བཤད་དེ། འཕྲུལ་གྱི་མིས་ཡོན་ཕུལ་བ་ཐུགས་ཐུབ་པར་ལེན་ཏེ། དེ་ལྟ་བུའི་མི་ནི་ལྷ་དང་མི་དང་འཇིག་རྟེན་ཐམས་ཅད་ཀྱི་དགྲ་
D123.054.0174b07.01