完整藏文原文 · 德格版页 当前仅加载第 49 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
གཡེངས། །མཐར་ཕྱིན་པ་ནི་དེ་ལ་མེད། །ཕྱིར་ཡང་ལྡོག་པར་མི་འགྱུར་ཏེ། །ཏིང་ངེ་འཛིན་གྱི་ལུས་ཐོབ་ནས། །བསྐལ་པའི་བར་དུ་མི་སད་དོ། །བག་ཆགས་ཉོན་མོངས་པ་དང་འབྲེལ། །ཀུན་ནས་ལྡང་དང་རྣམ་པར་བྲལ། །དེ་དག་ཏིང་འཛིན་མྱོས་པས་མྱོས། །ཟག་མེད་པ་ཡི་དབྱིངས་ན་འཁོད། །
D107.049.0175b01.01ཇི་ལྟར་སྐྱེས་བུ་ར་རོ་བ། །ཆང་མེད་ནས་ནི་སངས་འགྱུར་ལྟར། །ང་ཡི་སངས་རྒྱས་ཆོས་ཀྱི་སྐུ། །དེ་དག་དེ་ཚེ་འཐོབ་པར་འགྱུར། །ཇི་ལྟར་གླང་པོ་འདམ་བྱིང་བ། །ཕན་ཚུན་དུ་ནི་མི་རྒྱུག་ལྟར། །ཏིང་ངེ་འཛིན་གྱི་འདམ་བྱིང་བའི། །ཉན་ཐོས་རྣམས་ནི་དེ་བཞིན་འཁོད། །མི་ཡི་དབང་པོ་
D107.049.0175b02.01བྱིན་རླབས་ལས། །དབང་བསྐུར་ཏིང་འཛིན་དག་ལ་སོགས། །སྨོན་ལམ་དག་གིས་རྣམ་སྦྱངས་པ། །དང་པོ་དང་ནི་བཅུ་པོར་འབྱུང་། །རི་བོང་རྭ་དང་ནམ་མཁའ་དང་། །མོ་ཤམ་བུ་ཡང་དེ་བཞིན་ཏེ། །མེད་བཞིན་ཚིག་ཏུ་བརྗོད་པ་ལྟར། །དངོས་ལ་རྟོག་པའང་དེ་བཞིན་ནོ། །འཇིག་རྟེན་
D107.049.0175b03.01བག་ཆགས་རྒྱུ་ལས་བྱུང་། །གང་ནའང་མེད་མིན་ཡོད་མེད་མིན། །བདག་མེད་ཆོས་མཁས་གང་དག་གིས། །མཐོང་ན་རྣམ་པར་གྲོལ་བར་འགྱུར། །མིང་ནི་བཏགས་པའི་རང་བཞིན་ཏེ། །གཞན་ལས་བྱུང་བ་དབང་ལས་སྐྱེས། །དེ་བཞིན་ཉིད་ནི་གྲུབ་པར་ངས། །མདོ་དང་མདོ་ལས་རྟག་ཏུ་བཤད། །
D107.049.0175b04.01ཚིག་དང་ཡི་གེ་མང་པོ་དང་། །མིང་དག་ལ་ཡང་བྱེ་བྲག་ཏུ། །བྱིས་པ་བློ་ངན་ཆགས་པ་ནི། །ཇི་ལྟར་འདམ་ལ་གླང་ཆེན་བཞིན། །ལྷ་ཡི་ཐེག་པ་ཚངས་ཐེག་དང་། །ཉན་ཐོས་ཀྱི་ཡང་དེ་བཞིན་དུ། །རང་རྒྱལ་དེ་བཞིན་གཤེགས་པའི་སྟེ། །ཐེག་པ་དེ་རྣམས་ངས་བཤད་དོ། །ཇི་སྲིད་
D107.049.0175b05.01སེམས་འཇུག་བར་དུ་ནི། །ཐེག་པ་རྣམས་ལ་ཐུག་པ་མེད། །སེམས་ནི་རབ་ཏུ་གྱུར་པ་ནི། །ཐེག་པ་མེད་ཅིང་འགྲོ་བའང་མེད། །སེམས་དང་རྣམ་རྟོག་རྣམ་རིག་དང་། །ཡིད་དང་རྣམ་ཤེས་ཉིད་ཀྱང་སྟེ། །ཀུན་གཞི་སྲིད་གསུམ་གཡོ་བ་རྣམས། །དེ་དག་སེམས་ཀྱི་རྣམ་གྲངས་ཡིན། །ཚེ་དང་
D107.049.0175b06.01དྲོད་དང་རྣམ་ཤེས་དང་། །ཀུན་གཞི་སྲོག་གི་དབང་པོ་དང་། །ཡིད་དང་ཡིད་ཀྱི་རྣམ་ཤེས་པ། །རྣམ་པར་རྟོག་པའི་བྱེ་བྲག་གོ། །སེམས་ཀྱིས་སུ་ནི་ལུས་འཛིན་ཏེ། །ཡིད་ནི་རྟག་ཏུ་རློམ་སེམས་བྱེད། །རྣམ་པར་ཤེས་པ་སེམས་ཡུལ་ལ། །རྣམ་ཤེས་བཅས་པས་བྱེ་བྲག་འབྱེད། །སྲེད་
D107.049.0175b07.01