完整藏文原文 · 德格版页 当前仅加载第 49 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ནའང་སུས་ཀྱང་མ་མཐོང་སྟེ། །གང་ན་སུས་གང་མ་མཐོང་བ། །དེ་ལ་ཇི་ལྟར་རྣམ་པར་བསྒོམ། །རྐྱེན་དང་གཏན་ཚིགས་དཔེ་རྣམས་དང་། །དམ་འཆའ་བ་དང་རྒྱུ་རྣམས་ཀྱིས། །རྨི་ལམ་དྲི་ཟའི་འཁོར་ལོ་དང་། །སྨིག་རྒྱུ་ཉི་མ་ཟླ་བ་དང་། །{མྱི་,མི་}གུ་འོད་སོགས་དཔེ་རྣམས་ཀྱིས། །
D107.049.0161b01.01སྐྱེ་བ་དེ་དག་ངས་བཟློག་གོ། །འགྲོ་བ་རྨི་ལམ་སྒྱུ་མ་འདྲ། །སྟོང་པ་དང་ནི་བརྟགས་པ་སྟེ། །འཇིག་རྟེན་གསུམ་ལ་མི་གནས་ཤིང་། །ཕྱི་ནང་དུ་ཡང་དེ་བཞིན་ཏེ། །སྲིད་པ་མ་སྐྱེས་མཐོང་བས་ན། །མི་སྐྱེ་བཟོད་པ་འབྱུང་བར་འགྱུར། །སྒྱུ་མ་ལྟ་བུའི་ཏིང་ངེ་འཛིན། །ལུས་ཀྱང་སྒྱུ་
D107.049.0161b02.01མ་ལྟ་བུ་སྟེ། །མངོན་ཤེས་དབང་དང་སྟོབས་རྣམས་ཀྱང་། །དེ་ཡི་སེམས་ལ་སྣ་ཚོགས་འགྱུར། །གང་གི་དངོས་པོ་མ་སྐྱེས་པ། །སྟོང་པ་ཤིན་ཏུ་རང་བཞིན་མེད། །དེ་དག་ལ་ནི་རྐྱེན་རྣམས་ཀྱིས། །ནོར་བ་སྐྱེ་ཞིང་འགག་པར་འགྱུར། །ཕྱི་རོལ་སྣང་བའི་གཟུགས་ཅན་གྱིས། །སེམས་
D107.049.0161b03.01དང་སེམས་ནི་སྣང་བར་འགྱུར། །ཇི་ལྟར་བྱིས་པས་བརྟགས་པ་ལྟར། །མཐོང་བར་བྱ་བ་གཞན་མེད་དོ། །འབྲེལ་བ་རྣམས་དང་སངས་རྒྱས་གཟུགས། །འབྱུང་བ་རྣམས་ནི་འཇིག་པ་དང་། །ཤིན་ཏུ་བསླབས་པས་རྣམ་རིག་གིས། །འགྲོ་བ་སྣ་ཚོགས་བྱིན་གྱིས་རློབ། །ལུས་དང་གནས་
D107.049.0161b04.01དང་ལོངས་སྤྱོད་རྣམས། །གཟུང་བ་རྣམ་རིག་གསུམ་པོ་སྟེ། །ཡིད་དང་འཛིན་པའི་རྣམ་རིག་དང་། །རྣམ་པར་རྟོག་ནི་འཛིན་པ་གསུམ། །རྣམ་པར་རྟོག་དང་རྣམ་བརྟག་པ། །ཇི་སྲིད་ཡི་གེའི་སྤྱོད་ཡུལ་བ། །རྟོག་ཅན་རྟོག་གེས་ནོར་པའི་ཕྱིར། །དེ་སྲིད་ཡང་དག་མི་མཐོང་ངོ་། །གང་
D107.049.0161b05.01གི་ཚེ་ན་ཤེས་རབ་ཀྱིས། །དངོས་པོ་རང་བཞིན་མེད་པར་ཤེས། །དེ་ཡི་ཚེ་ན་རྣལ་འབྱོར་ཅན། །མཚན་མེད་གནས་ཤིང་ངལ་ཡང་བསོ། །བྱ་གག་སྣག་ཙས་བསྐུས་པ་ལ། །དེ་ཉིད་ཐི་བར་མི་ཤེས་འཛིན། །མི་ཤེས་པ་ཡི་བྱིས་པ་དག །ཐེག་པ་གསུམ་ལའང་དེ་བཞིན་ནོ། །འདི་ལ་
D107.049.0161b06.01ཉན་ཐོས་གང་ཡང་མེད། །རང་རྒྱལ་བ་དག་དེ་བཞིན་ཏེ། །ཉན་ཐོས་དང་ནི་རང་རྒྱལ་བའི། །གང་གཟུགས་འདི་དག་སྣང་བ་ནི། །བྱང་ཆུབ་སེམས་དཔའ་སྙིང་བརྩེ་ཅན། །དེ་དག་སྤྲུལ་པ་སྟོན་པའོ། །སྲིད་པ་གསུམ་ནི་རྣམ་རིག་ཙམ། །རང་བཞིན་གཉིས་ནི་བརྟགས་པ་སྟེ། །ཆོས་
D107.049.0161b07.01