完整藏文原文 · 德格版页 当前仅加载第 49 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་འབབ་པའི་རྒྱུན་དུ་འཐུན་པར་འཇུག་སྟེ། དེའི་ཕྱིར་དེ་བཞིན་གཤེགས་པ་རྣམས་གང་གཱའི་ཀླུང་གི་བྱེ་མ་དང་མཉམ་ཞེས་བྱའོ། །བློ་གྲོས་ཆེན་པོ་འགྲོ་བའི་དོན་འདི་ནི་དེ་བཞིན་གཤེགས་པ་རྣམས་ལ་མི་འཇུག་གོ། །བློ་གྲོས་ཆེན་པོ་འཇུག་པ་ནི་འགྲོ་བའི་དོན་ཡིན་ཏེ། བློ་གྲོས་
D107.049.0148b01.01ཆེན་པོ་འཁོར་བའི་ཐོག་མའི་མཐའ་ཤེས་པ་ཡང་མེད་དེ། མི་ཤེས་ན་ཇི་ལྟར་འགྲོ་བའི་དོན་དུ་བཤད། བློ་གྲོས་ཆེན་པོ་འགྲོ་བའི་དོན་ནི་ཆད་པ་ཡིན་ན། བྱིས་པ་སོ་སོའི་སྐྱེ་བོ་རྣམས་ཀྱིས་ནི་རབ་ཏུ་མི་ཤེས་སོ། །བློ་གྲོས་ཆེན་པོས་གསོལ་པ། བཅོམ་ལྡན་འདས་དེ་གལ་ཏེ།
D107.049.0148b02.01སེམས་ཅན་རྣམས་འཁོར་བའི་ཐོག་མའི་མཐའ་ཤེས་པ་ཡང་མེད་ན། དེ་ཇི་ལྟར་སྲོག་ཆགས་རྣམས་ཐར་པར་ཤེས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རང་གི་སེམས་སྣང་བ་ཕྱི་རོལ་གྱི་དོན་ཡོངས་སུ་ཤེས་པས་ཐོག་མ་མེད་པའི་དུས་ཀྱི་སྤྲོས་པ། གནས་
D107.049.0148b03.01ངན་ལེན་གྱི་རྣམ་པར་རྟོག་པའི་བག་ཆགས་ཀྱི་རྒྱུ་རྣམ་པར་ལོག་ཅིང་རང་གི་གནས་ཤིན་ཏུ་གྱུར་པ་ནི་ཐར་པ་ཡིན་ཏེ། བློ་གྲོས་ཆེན་པོ་འཇིག་པ་ནི་མ་ཡིན་ནོ། །དེ་བས་ན་བློ་གྲོས་ཆེན་པོ་མཐའ་མེད་པའི་གཏམ་ནི་ཅིར་ཡང་དགོས་པ་མ་ཡིན་ནོ། །བློ་གྲོས་ཆེན་པོ་མཐའ་མེད་པའི་མཐའ་ཞེས་
D107.049.0148b04.01བྱ་བ་འདི་ནི་རྣམ་པར་རྟོག་པའི་རྣམ་གྲངས་ཏེ། འདི་ལ་བློས་ཡོངས་སུ་བརྟགས་ན་རྣམ་པར་རྟོག་པ་ལས་ཕྱིའམ་ནང་གི་སེམས་ཅན་གཞན་གང་ཡང་མེད་དོ། །བློ་གྲོས་ཆེན་པོ་ཆོས་ཐམས་ཅད་ནི་ཤེས་པ་དང་ཤེས་པར་བྱ་བས་དབེན་པ་ཡིན་ཏེ། གཞན་དུ་ན་རང་གི་སེམས་སྣང་བའི་རྣམ་པར་
D107.049.0148b05.01རྟོག་པ་ཡོངས་སུ་མི་ཤེས་པའི་ཕྱིར་རྣམ་པར་རྟོག་པ་འཇུག་སྟེ། དེ་ཁོང་དུ་ཆུད་པས་ལྡོག་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། གང་གིས་གང་གཱའི་བྱེ་མཉམ་དུ། །འཇིག་མེད་ཚུལ་གྱི་མཐར་ཐུག་པ། །འདྲེན་པ་རབ་ཏུ་མཐོང་བ་ནི། །དེ་དག་འདྲེན་པ་མཐོང་བའོ། །གང་གཱའི་
D107.049.0148b06.01བྱེ་མ་ཇི་བཞིན་དུ། །ཉེས་པ་ཐམས་ཅད་རྣམ་སྤངས་ཏེ། །འབབ་ཕྱོགས་འཐུན་ཞིང་རྟག་པ་ལྟར། །དེ་བཞིན་སངས་རྒྱས་སངས་རྒྱས་ཉིད། །དེ་ནས་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་
D107.049.0148b07.01