完整藏文原文 · 德格版页 当前仅加载第 49 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་ཐ་དད་རྣམ་པ་དྲུག །རང་རྒྱལ་སྲས་པོ་རྣམས་ཀྱིས་ནི། །འབྱུང་བ་རྣམ་པ་བདུན་དུ་འགྱུར། །དུས་གསུམ་པོ་ཡང་ཡོད་མ་ཡིན། །རྟག་པ་དང་ནི་མི་རྟག་མེད། །བྱེད་དང་ལས་དང་འབྲས་བུ་རྣམས། །རྨི་ལམ་གྱི་ནི་བྱ་བ་བཞིན། །སངས་རྒྱས་ཉན་ཐོས་རྒྱལ་བའི་སྲས། །ཐོག་མ་ཐ་མར་འབྱུང་བ་
D107.049.0171a01.01མེད། །སེམས་ཀྱི་སྣང་དང་བྲལ་བ་སྟེ། །རྟག་ཏུ་སྒྱུ་མའི་ཆོས་དང་འདྲ། །རུམ་དང་འཁོར་ལོ་སྐྱེ་དེ་བཞིན། །འབྱུང་དང་དགའ་ལྡན་གྱི་གནས་དང་། །ཞིང་ཀུན་ཏུ་ནི་གཤེགས་པར་ཡང་། །སྣང་ཡང་མངལ་ནས་སྐྱེ་བ་མིན། །འཕོ་དང་རྒྱུ་དང་སེམས་ཅན་དང་། །དེ་བཞིན་སྟོན་དང་མྱ་ངན་འདས། །བདེན་པ་
D107.049.0171a02.01དང་ནི་ཞིང་རྟོགས་པ། །རྐྱེན་རྣམས་ཀྱིས་ནི་འཕངས་པ་ཡིན། །འཇིག་རྟེན་དང་ནི་ནགས་ཚལ་གླིང་། །མུ་སྟེགས་འཕོ་དང་བདག་མེད་དང་། །བསམ་གཏན་ཐེག་གནས་ཐོབ་པ་དང་། །འབྲས་བུའི་སྤྱོད་ཡུལ་བསམ་མི་ཁྱབ། །ཟླ་བ་སྐར་མའི་རིགས་རྣམས་དང་། །རྒྱལ་པོའི་རིགས་དང་ལྷ་ཡི་རྣམས། །
D107.049.0171a03.01གནོད་སྦྱིན་དྲི་ཟའི་རིགས་རྣམས་ནི། །ལས་ལས་སྐྱེས་ཤིང་སྲིད་ལས་བྱུང་། །བསམ་གྱིས་མི་ཁྱབ་འགྱུར་བ་ན། །ཤི་འཕོ་བག་ཆགས་ལྡན་པ་སྟེ། །ཤི་འཕོར་སྣང་བ་ཆད་ན་ནི། །ཉོན་མོངས་དྲ་བ་འགག་པར་འགྱུར། །བ་ལང་ལུག་དང་བྲན་རྣམས་དང་། །དེ་བཞིན་གླང་པོ་རྟ་ལ་སོགས། །ནོར་དང་འབྲུ་
D107.049.0171a04.01དང་གསེར་རྣམས་དང་། །ཞིང་གི་དངོས་པོར་རྣམ་པར་རྟོག །ཁྲི་དག་ལ་ཡང་ཉལ་མི་བྱ། །ས་ལ་ཡང་ནི་མི་བསྐུའོ། །གསེར་དང་དངུལ་དང་ཁར་བ་དང་། །ཟངས་ཀྱི་ལྷུང་བཟེད་མི་བཅང་ངོ་། །སྣམ་བུ་སྔོན་པོར་བཙོས་པ་དང་། །བ་ལང་ལྕི་བ་ངུར་སྨྲིག་དང་། །ས་དང་འབྲས་བུ་ལོ་མ་ཡིས། །རྣལ་འབྱོར་
D107.049.0171a05.01རྟག་ཏུ་དཀར་པོ་བསྒྱུར། །ལྕགས་དང་རྡོ་དང་ཁམ་པ་དང་། །དུང་དང་ཤེལ་ལས་བྱས་པ་ཡི། །མ་ག་དྷཱ་ཡི་བྲེ་གང་ཚད། །ལྷུང་བཟེད་རྣལ་འབྱོར་ཅན་གྱིས་བཅང་། །དགུ་པོ་གོས་དྲའི་གྲི་ཡང་ནི། །སོར་བཞི་པ་ཡི་ཚད་དུ་བྱ། །རྣལ་འབྱོར་གཞོལ་བའི་རྣལ་འབྱོར་པས། །བཟོ་ཡི་རིག་པ་མི་བསླབ་བོ། །
D107.049.0171a06.01རྣལ་འབྱོར་ཞུགས་པའི་རྣལ་འབྱོར་པས། །ཉོ་དང་བཙོང་བར་མི་བྱའོ། །ཀུན་དགའི་ཁྱིམ་པས་དེ་བྱས་ཏེ། །དེ་ནི་ཆོས་སུ་ངས་བཤད་དོ། །དབང་པོ་བསྡམས་ཤིང་དོན་ཤེས་པས། །མདོ་དང་འདུལ་ལ་དེ་བཞིན་ཏེ། །ཁྱིམ་པ་དང་ནི་མ་འདྲེས་པར། །རྣལ་འབྱོར་ཅན་ལ་དེ་ངས་བཤད། །སྟོང་པའི་ཁྱིམ་འམ་
D107.049.0171a07.01