完整藏文原文 · 德格版页 当前仅加载第 49 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཐར། །ཚུལ་བཞིན་མ་ཡིན་རྣམ་རྟོག་པས། །སྣ་ཚོགས་རྣམ་པ་བརྒྱད་དམ་དགུར། །རྣམ་པར་ཤེས་པ་འཇུག་འགྱུར་ཏེ། །ཇི་ལྟར་རྒྱ་མཚོའི་རླབས་བཞིན་ནོ། །རྟག་ཏུ་བག་ཆགས་དག་གིས་བསྐྱེད། །རྩ་བ་ཟུག་ཅིང་གནས་ཀྱང་བརྟན། །སྤྱོད་ཡུལ་དག་ཏུ་སེམས་
D107.049.0159b01.01འཁྱམ་སྟེ། །ཁབ་ལོང་གིས་ནི་ལྕགས་བཞིན་ནོ། །སེམས་ཅན་ཀུན་ལ་གནས་པ་སྟེ། །རིགས་ཀྱི་ས་ནི་རྟོག་པ་སྤངས། །ཤེས་རབ་ཤེས་བྱ་རྣམ་སྤངས་ཤིང་། །བྱེད་ལས་གྲོལ་ན་རྣམ་པར་ལྡོག །ས་བཅུ་ལས་ནི་རྣམ་བྱུང་བ། །སྒྱུ་མ་ལྟ་བུའི་ཏིང་འཛིན་དང་། །འདུ་
D107.049.0159b02.01ཤེས་རྣམ་ཤེས་སྤངས་པ་ཡི། །སེམས་ཀྱི་རྒྱལ་པོ་བལྟ་བར་བྱ། །སེམས་ནི་ནམ་ཞིག་གྱུར་པ་ན། །པད་མོ་འདྲ་བའི་གཞལ་མེད་ཁང་། །སྒྱུ་མའི་སྤྱོད་ཡུལ་འབྱུང་བ་ན། །དེ་ཡི་ཚེ་ན་ཐེར་ཟུག་གནས། །དེ་ན་གནས་པར་གྱུར་ནས་ནི། །ལྷུན་གྱིས་གྲུབ་པའི་སྤྱོད་རིག་
D107.049.0159b03.01པས། །སྣ་ཚོགས་གཟུགས་ཀྱི་ནོར་བུ་བཞིན། །སེམས་ཅན་ཀུན་གྱི་དོན་བྱེད་དོ། །རྣམ་པར་རྟོག་ལས་གུད་ན་ནི། །འདུས་བྱས་འདུས་མ་བྱས་མེད་ན། །མོ་ཤམ་རྨི་ལམ་བུ་བཞིན་ནོ། །བྱིས་པ་ཕྱོགས་བསླད་འཛིན་པར་བྱེད། །རང་བཞིན་མེད་དང་མི་སྐྱེ་དང་། །གང་
D107.049.0159b04.01ཟག་དང་ནི་ཕུང་པོའི་རྒྱུད། །རྐྱེན་དང་ཁམས་དང་ཤེས་བྱ་དང་། །སྟོང་པ་སྲིད་དང་མི་སྲིད་རྣམས། །ངས་ནི་ཐབས་སུ་བཤད་པ་སྟེ། །ང་ནི་མཚན་ཉིད་མི་འཆད་ན། །མཚན་གྱི་གཞི་དང་མཚན་ཉིད་དུ། །བྱིས་པ་རྣམས་ནི་དངོས་པོར་འཛིན། །ཐམས་ཅད་མཁྱེན་
D107.049.0159b05.01ཀྱང་ཐམས་ཅད་མཁྱེན་པ་མིན། །ཐམས་ཅད་ཀྱི་ཡང་དབུས་ལ་ཐམས་ཅད་མེད། །བྱིས་པ་འཇིག་རྟེན་སངས་རྒྱས་འདི་ཞེས་རྟོག །ཤེས་པར་མི་བྱེད་སྟོན་པར་ཡང་མི་བྱེད། །བཏགས་པ་འདི་ནི་མིང་ཙམ་སྟེ། །མཚན་ཉིད་ཀྱིས་ནི་མེད་པའོ། །གང་ལ་དེ་ནི་རྣམ་
D107.049.0159b06.01བརྟག་པའི། །ཕུང་པོ་སྐྲ་ཤད་འཛིངས་པ་འདྲ། །མེད་ལས་འབྱུང་བ་{ཆུང་ཟད་,ཅུང་ཟད་}མེད། །རྐྱེན་རྣམས་ཀྱིས་ནི་འཇིག་མི་འགྱུར། །ནམ་མཁའི་མེ་ཏོག་མོ་ཤམ་བུ། །དེ་ལྟར་འདུས་བྱས་ནམ་མཐོང་བ། །དེ་ཚེ་གཟུང་དང་འཛིན་པ་ནི། །ནོར་བར་མཐོང་ནས་ལྡོག་པར་འགྱུར། །
D107.049.0159b07.01