完整藏文原文 · 德格版页 当前仅加载第 49 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དབྱངས་ཀྱིས་གླུ་བླངས་པ། །བཅོམ་ལྡན་འདས་ནི་དགུང་བདུན་ཏེ། །ཆུ་སྲིན་གནས་ཀྱི་རྒྱ་མཚོ་ཡི། །རྒྱ་མཚོའི་དབང་པོའི་གནས་ནས་ནི། །སླད་དུ་བྱུང་སྟེ་འགྲམ་ན་བཞུགས། །སངས་རྒྱས་བཞུགས་མ་ཐག་ཏུ་ཡང་། །ནེ་ཙོ་ས་ར་ནས་བརྒྱན་པའི། །
D107.049.0057a01.01གནོད་སྦྱིན་རྣམ་པ་མང་པོ་དང་། །འབོད་འགྲོགས་ལྷ་མོ་ལྷན་ཅིག་ཏུ། །མགོན་པོ་གང་ན་བཞུགས་པ་ཡི། །ལམ་དེར་འཕྲུལ་གྱིས་སོང་ནས་ནི། །མེ་ཏོག་བཞོན་ལས་བབས་ནས་ཀྱང་། །དེ་བཞིན་གཤེགས་ལ་མཆོད་ཕྱག་འཚལ། །རྒྱལ་བའི་དབང་པོས་བྱིན་བརླབས་ནས། །
D107.049.0057a02.01དེ་ལ་མངོན་པར་མི་བསྙད་པ། །བདག་ནི་འབོད་འགྲོགས་མགྲིན་བཅུ་སྟེ། །སྲིན་པོའི་དབང་པོ་འདིར་མཆིས་སོ། །གྲོང་རྡལ་འདི་ན་སུ་གནས་དང་། །བདག་གི་ལང་ཀ་རྗེས་སུ་ཟུང་། །རྫོགས་པའི་སངས་རྒྱས་སྔ་མས་ཀྱང་། །སོ་སོ་རང་རིག་སྤྱོད་ཡུལ་ནི། །རྩེ་མོ་རིན་ཆེན་བརྒྱན་
D107.049.0057a03.01པ་ཡི། །གྲོང་རྡལ་དབུས་སུ་རབ་ཏུ་བཤད། །བཅོམ་ལྡན་གྱིས་ཀྱང་དེ་ཉིད་ཀྱི། །རྩེ་མོ་རིན་ཆེན་བརྒྱན་པ་ལ། །རྒྱལ་བའི་སྲས་ཀྱིས་ཡོངས་བསྐོར་ཅིང་། །རྡུལ་མེད་ཆོས་ནི་བཤད་དུ་གསོལ། །གང་རྣམས་ལང་ཀར་གནས་པ་དང་། །བདག་ཅག་དེ་རིང་ཉན་པར་འཚལ། །
D107.049.0057a04.01བཤད་པའི་ཚུལ་ལས་རྣམ་གྲོལ་བ། །སོ་སོ་རང་རིག་སྤྱོད་ཡུལ་ཏེ། །ལང་ཀར་གཤེགས་པའི་མདོ་སྡེ་ནི། །སངས་རྒྱས་སྔ་མས་གསུངས་པའོ། །རྒྱལ་བའི་སྲས་ཀྱིས་ཡོངས་བསྐོར་ཅིང་། །སྔོན་གྱི་སངས་རྒྱས་དག་གིས་ཀྱང་། །མདོ་སྡེ་འདི་ནི་བཤད་པར་དྲན། །
D107.049.0057a05.01བཅོམ་ལྡན་འདས་ཀྱིས་བཤད་དུ་གསོལ། །མ་འོངས་དུས་ན་འབྱུང་བ་ཡི། །སངས་རྒྱས་སངས་རྒྱས་སྲས་དག་ཀྱང་། །འཕྲུལ་གྱི་ཚུལ་ཏེ་འདི་ཉིད་ནི། །རྩེ་མོ་རིན་ཆེན་བརྒྱན་པ་ལ། །གནོད་སྦྱིན་རྣམས་ལ་ཐུགས་བརྩེ་ཕྱིར། །འདྲེན་པ་རྣམས་ནི་སྟོན་པར་འགྱུར། །འཕྲུལ་
D107.049.0057a06.01གྱི་ལང་ཀའི་གྲོང་རྡལ་འདི། །མདངས་དགའ་རིན་ཆེན་སྣ་ཚོགས་དང་། །ཐེལ་སྡིངས་རྡོ་སྟེངས་དགའ་བ་དང་། །རིན་ཆེན་དྲ་བའི་བླ་རེས་བརྒྱན། །རྣལ་འབྱོར་ཉེས་དང་རྣམ་བྲལ་བ། །སོ་སོ་རང་རིག་སེམས་པ་ཡི། །བཅོམ་ལྡན་འདི་ན་གནོད་སྦྱིན་དག །སངས་རྒྱས་སྔ་མས་
D107.049.0057a07.01