完整藏文原文 · 德格版页 当前仅加载第 49 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཡི་གེའི་ཚོགས་ནི་འདི་ལྟ་སྟེ། ཐུང་དུ་འདྲེན་པ་དང་། རིང་དུ་འདྲེན་པ་དང་། ཡི་གེའི་མཇུག་གོ། །དེ་ལ་བློ་གྲོས་ཆེན་པོ་ཚིག་གི་ཚོགས་ནི་གླང་པོ་ཆེ་དང་། རྟ་དང་། མི་དང་། {རི་དགས་,རི་དྭགས་}དང་། བ་ལང་དང་། མ་ཧེ་དང་། ལུག་དང་། ཕྱུགས་ལ་སོགས་པ་གང་ས་ལ་འགྲོ་བ་རྣམས་ནི་ཚིག་གི་
D107.049.0100b01.01ཚོགས་ཞེས་བྱ་བའི་མིང་འཐོབ་བོ། །ཡང་བློ་གྲོས་ཆེན་པོ་མིང་དང་། ཡི་གེ་ནི་ཕུང་པོ་གཟུགས་མེད་པ་བཞི་རྣམས་མིང་གིས་བརྗོད་པའི་ཕྱིར་མིང་ངོ་། །ཡི་གེ་ནི་རང་གི་མཚན་ཉིད་ཀྱིས་སྣང་བར་བྱེད་པས་ན་ཡི་གེའོ། །བློ་གྲོས་ཆེན་པོ་དེ་ནི་མིང་དང་། ཚིག་དང་། ཡི་གེའི་ཚོགས་རྣམས་ཀྱི་
D107.049.0100b02.01མིང་དང་ཚིག་བརྗོད་པའི་མཚན་ཉིད་དེ། དེ་ལ་ཁྱོད་ཀྱིས་འདྲིས་པར་བྱའོ། །དེ་ལ་འདི་སྐད་ཅེས་བྱ་སྟེ། ཚིག་དང་ཡི་གེའི་ཚོགས་རྣམས་དང་། །མིང་ལའང་རྣམ་པའི་བྱེ་བྲག་ཏུ། །མི་ཤེས་བྱིས་པ་ཆགས་པ་ནི། །གླང་པོ་ཆེན་པོ་རྫབ་སོང་བཞིན། །གཞན་ཡང་བློ་གྲོས་ཆེན་པོ་མ་འོངས་
D107.049.0100b03.01པའི་དུས་ན། མི་མཁས་པ་ལ་ལོག་པའི་རྟོག་གེ་པ་དག་ལ་མཁས་པ་དག་གིས་དྲིས་ཏེ། གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པར་ལྟ་བའི་མཚན་ཉིད་ལས་རྣམ་པར་གྲོལ་བ། མཐའ་གཉིས་ཀྱི་ཚུལ་དྲིས་ན། རིགས་པ་དང་། རྒྱུ་དང་། བློ་མེད་པས་འདི་ནི་དྲི་བ་མ་
D107.049.0100b04.01ཡིན་ཏེ། ཚུལ་བཞིན་མ་ཡིན་ནོ་ཞེས་དེ་སྐད་ཅེས་ཟེར་རོ། །འདི་ལྟ་སྟེ། གཟུགས་ལ་སོགས་པ་དང་། མི་རྟག་པ་གཅིག་གམ་ཐ་དད་ཅེས་བྱ་བ་དང་། དེ་བཞིན་དུ་འདུ་བྱེད་ལས་མྱ་ངན་ལས་འདས་པ་དང་། མཚན་ལས་མཚན་གྱི་གཞི་དང་། ཡོན་ཏན་ལས་ཡོན་ཏན་ཅན་དང་། འབྱུང་བ་དང་།
D107.049.0100b05.01འབྱུང་བ་ལས་གྱུར་པ་དང་། སྣང་བ་ལས་མཐོང་བ་དང་། རྡུལ་ལས་རྡུལ་ཕྲ་མོ་དང་། ཡེ་ཤེས་ལས་རྣལ་འབྱོར་ཅན་རྣམས་དང་། དེ་དག་ལ་སོགས་པ་གཅིག་ནས་གཅིག་ཏུ་{གོ་རིམས་ཀྱི་,གོ་རིམ་གྱི་}མཚན་ཉིད་ཀྱི་ཚུལ་གྱིས་ལུང་བསྟན་པ་རྣམས་དྲིས་ན་འདི་ནི་གཞག་པ་སྟེ། བཅོམ་ལྡན་འདས་ཀྱིས་ལུང་
D107.049.0100b06.01མ་བསྟན་ཏོ་ཞེས་ཟེར་རོ། །སྐྱེས་བུ་གཏི་མུག་པ་དེ་དག་ནི་ཇི་ལྟར་ཉན་པ་རྣམས་བློ་དང་མི་ལྡན་པའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སེམས་ཅན་རྣམས་ཀྱི་སྐྲག་པའི་གནས་སྤང་བའི་ཕྱིར་ལུང་མི་བསྟན་པ་རྣམས་ལུང་མི་སྟོན་ཏོ། །དེ་ནི་བློ་གྲོས་ཆེན་
D107.049.0100b07.01