完整藏文原文 · 德格版页 当前仅加载第 49 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཤིང་ཁྲོད་ན་གནས་ཤིང་རྣལ་འབྱོར་རབ་དང་འབྲིང་དང་ཐ་མ་ལ་རྣལ་འབྱོར་པ་རྣམས་ཀྱིས་རང་གི་སེམས་ཀྱི་རྣམ་པར་རྟོག་པ་སྣང་བའི་རྒྱུད་མཐོང་བ་དང་། ཞིང་མཐའ་ཡས་པའི་རྒྱལ་བ་རྣམས་ཀྱིས་དབང་བསྐུར་བ་དང་། དབང་དང་། སྟོབས་དང་། མངོན་པར་ཤེས་པ་དང་།
D107.049.0073a01.01ཏིང་ངེ་འཛིན་རྣམས་ཀྱང་ཐོབ་པར་ནུས་སོ། །བློ་གྲོས་ཆེན་པོ་དགེ་བའི་བཤེས་གཉེན་གྱི་སྐྱེ་བོ་ལ་རི་མོར་བྱས་པ་རྣམས་ཀྱིས་སེམས་དང་། ཡིད་དང་ཡིད་ཀྱི་རྣམ་པར་ཤེས་པ་རང་གི་སེམས་སྣང་བའི་རང་བཞིན་གྱི་སྤྱོད་ཡུལ་རྣམ་པར་རྟོག་པའི་འཁོར་བ་སྲིད་པའི་རྒྱ་མཚོ་ལས་དང་། སྲེད་པ་དང་།
D107.049.0073a02.01མི་ཤེས་པའི་རྒྱུ་ལས་བྱུང་བ་ལས་རྒལ་བར་ནུས་སོ། །བློ་གྲོས་ཆེན་པོ་དེའི་ཕྱིར་རྣལ་འབྱོར་ཅན་གྱིས་དགེ་བའི་བཤེས་གཉེན་གྱི་སྐྱེ་བོ་དང་བསྟེན་པའི་ནན་ཏན་བརྩམ་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ཇི་ལྟར་རྒྱ་མཚོའི་དབའ་
D107.049.0073a03.01རླབས་རྣམས། །རླུང་གི་རྐྱེན་གྱིས་བྱུང་བ་དག །གར་ཅིང་རབ་ཏུ་འབྱུང་བ་ནི། །རྒྱུན་ཡང་རྣམ་པར་འཆད་པ་མེད། །ཀུན་གཞི་ཆུ་བོ་དེ་བཞིན་དུ། །རྟག་ཏུ་ཡུལ་གྱི་རླུང་གིས་བསྐྱོད། །སྣ་ཚོགས་རྣམ་ཤེས་དབའ་རླབས་རྣམས། །གར་ཅིང་རབ་ཏུ་འབྱུང་བར་འགྱུར། །
D107.049.0073a04.01སྔོན་པོ་དམར་པོ་ལན་ཚྭ་དང་། །མར་དང་འོ་མ་ཁ་ར་དང་། །བསྐ་བའི་འབྲས་བུ་མེ་ཏོག་དང་། །ཇི་ལྟར་ཉི་ཟླའི་འོད་ཟེར་དང་། །རྒྱ་མཚོ་ཡི་ནི་དབའ་རླབས་དག །མི་གཅིག་ཐ་དད་མིན་པར་ཤེས། །དེ་བཞིན་རྣམ་ཤེས་བདུན་པོ་ཡང་། །སེམས་དང་ལྷན་ཅིག་ལྡན་པའོ། །རྒྱ་མཚོ་ཡོངས་སུ་
D107.049.0073a05.01གྱུར་པ་ནི། །དབའ་རླབས་སྣ་ཚོགས་དེ་དག་སྟེ། །རྣམ་པར་ཤེས་ཞེས་བྱ་བ་ནི། །ཀུན་གཞི་དེ་བཞིན་སྣ་ཚོགས་འབྱུང་། །སེམས་དང་ཡིད་དང་རྣམ་ཤེས་པ། །མཚན་ཉིད་དོན་དུ་རབ་ཏུ་བརྟག །བརྒྱད་པོ་ཐ་དད་མ་ཡིན་མཚན། །མཚན་གྱི་གཞི་དང་མཚན་ཉིད་མེད། །རྒྱ་མཚོ་དང་ནི་དབའ་
D107.049.0073a06.01རླབས་རྣམས། །ཇི་ལྟར་ཁྱད་པར་མེད་པ་བཞིན། །སེམས་དང་རྣམ་ཤེས་དེ་བཞིན་དུ། །ཡོངས་སུ་གྱུར་པ་མི་རྙེད་དོ། །སེམས་ནི་ལས་རྣམས་སོགས་པར་བྱེད། །ཡིད་ཀྱང་རྣམ་པར་སོགས་པ་སྟེ། །རྣམ་པར་ཤེས་པས་རྣམ་པར་རིག །ལྔ་པོ་སྣང་ལ་རྟོག་པར་བྱེད། །སྔོན་པོ་དམར་
D107.049.0073a07.01