完整藏文原文 · 德格版页 当前仅加载第 49 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྱུ་མ་འདྲ། །དྲི་ཟ་འདྲ་དང་སྨིག་རྒྱུ་དང་། །ཆུ་ཡི་ཟླ་བ་འདྲ་བ་ཡང་། །ཅི་ཡི་སླད་དུ་བདག་ལ་གསུངས། །བྱང་ཆུབ་ཡན་ལག་ཇི་ལྟར་མཆིས། །བྱང་ཆུབ་ཕྱོགས་རྣམས་ཅི་ལས་འབྱུང་། །ཡུལ་འཁྲུག་པ་དང་ཁྲག་འཁྲུག་དང་། །ཇི་ལྟར་འབྱུང་བར་ལྟ་བར་
D107.049.0065a01.01འགྱུར། །མ་སྐྱེས་པ་དང་མ་འགགས་པ། །ཇི་ལྟར་ནམ་མཁའི་མེ་ཏོག་འདྲ། །འཇིག་རྟེན་ཇི་ལྟར་ཐུགས་སུ་ཆུད། །ཡི་གེ་མེད་པར་ཇི་ལྟར་གསུང་། །ཅི་ཡིས་རྣམ་པར་མི་རྟོག་འགྱུར། །ཇི་ལྟར་ནམ་མཁའ་འདྲ་བ་ལགས། །དེ་བཞིན་ཉིད་ནི་རྣམ་པ་དུ། །སེམས་དང་ཕ་རོལ་
D107.049.0065a02.01ཕྱིན་པ་དུ། །གང་གིས་ས་ཡི་རིམ་པར་གྱུར། །སྣང་མེད་རྒྱུ་བ་གང་ཞིག་ལགས། །གང་གིས་བདག་མེད་རྣམ་པ་གཉིས། །ཤེས་བྱ་ཇི་ལྟར་རྣམ་པར་འདག །མགོན་པོ་ཡེ་ཤེས་རྣམ་པ་དང་། །ཚུལ་ཁྲིམས་སེམས་ཅན་འབྱུང་གནས་དུ། །ནོར་བུ་མུ་ཏིག་གསེར་འབྱུང་བའི། །རིགས་
D107.049.0065a03.01རྣམས་སུ་ཡིས་རབ་ཏུ་བྱུང་། །སེམས་ཅན་དངོས་པོའི་སྣ་གྲངས་དང་། །མངོན་པར་བརྗོད་པ་སུ་ཡིས་བསྐྱེད། །རིག་པའི་གནས་དང་བཟོ་ཡི་རྣམས། །གང་གིས་ཇི་ལྟར་རབ་ཏུ་བཤད། །ཚིགས་སུ་བཅད་པ་རྣམ་པ་དུ། །ཚིགས་བཅད་རྐྱང་པ་ཇི་ལྟ་བུ། །རིགས་པ་རྣམ་པ་དུ་ཞིག་མཆིས། །
D107.049.0065a04.01བཤད་པ་དག་ཀྱང་ཇི་ལྟར་འགྱུར། །སྐོམ་དང་ཁ་ཟས་སྣ་ཚོགས་དང་། །ཇི་ལྟར་འཁྲིག་པ་འབྱུང་བར་འགྱུར། །རྒྱལ་པོ་འཁོར་ལོས་སྒྱུར་བ་དང་། །ཁམས་ཀྱི་བདག་པོ་ཇི་ལྟར་ལགས། །ཇི་ལྟར་རྒྱལ་སྲིད་སྲུང་བར་འགྱུར། །ལྷ་ཡི་རིགས་ལ་རྣམ་པ་དུ། །ས་དང་སྐར་ཚོགས་ཅི་ལས་
D107.049.0065a05.01གྱུར། །ཉི་ཟླ་གཉིས་ཀྱང་ཇི་ལྟ་བུ། །ཐར་པ་རྣམ་པ་དུ་ཞིག་མཆིས། །རྣལ་འབྱོར་ལྡན་པ་རྣམ་པ་དུ། །སློབ་མ་རྣམ་པ་དུ་ཞིག་མཆིས། །སློབ་དཔོན་དུ་ཡང་ཇི་ལྟར་འགྱུར། །སངས་རྒྱས་རྣམ་པ་དུ་ཞིག་ལགས། །སྐྱེས་པའི་རབས་ལ་རྣམ་པ་དུ། །བདུད་ལ་རྣམ་པ་དུ་ཞིག་
D107.049.0065a06.01མཆིས། །ཡ་མཚན་ཅན་ཡང་རྣམ་པ་དུ། །ཁྱོད་ཀྱི་རང་བཞིན་རྣམ་པ་དུ། །རི་མོ་རྣམ་པ་དུ་ཞིག་མཆིས། །བཏགས་པ་ཙམ་ཡང་ཇི་ལྟ་བུ། །སྨྲ་བའི་མཆོག་གིས་བདག་ལ་གསུངས། །ནམ་མཁའི་སྤྲིན་རླུང་ཅི་ལས་གྱུར། །དྲན་དང་ཡིད་གཞུངས་ཇི་ལྟར་འབྱུང་། །ཤིང་གི་འཁྲི་
D107.049.0065a07.01