完整藏文原文 · 德格版页 当前仅加载第 44 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་སྐྱོང་བ་རྣམས་ཀྱང་ཐལ་མོ་སྦྱོར་ཞིང་རྐང་པ་ལ་གཏུགས་ཏེ་ཕྱག་འཚལ་བར་འགྱུར་ན། ལྷ་གཞན་ཕྱག་འཚལ་བར་འགྱུར་བ་ལྟ་ཅི་སྨོས། འོད་སྲུང་དགེ་སློང་དག་ཆོས་གོས་ཀྱིས་ཆབ་ལ་མངོན་པར་བརྩོན་གྱི། རྣལ་འབྱོར་ལ་མི་བརྩོན་པ་ལུས་ཀྱི་རྒྱན་ལྷུར་ལེན། ཕྱི་རོལ་
D88.044.0173a01.01གྱི་གཙང་སྦྲ་སྤྱོད་པ། ནང་འདོད་ཆགས་དང་། ཞེ་སྡང་དང་། གཏི་མུག་གི་དྲི་མས་ཡོངས་སུ་གང་བ་དག་ནི་གོས་བཟང་པོ་ཇི་ཙམ་གྱོན་ཡང་འོད་སྲུང་དེ་དག་ལྷ་རྣམས་དགའ་བའི་གཟུགས་མ་ཡིན་ནོ། །དེ་ཅིའི་ཕྱིར་ཞེ་ན། ལྷ་རྣམས་ཀྱིས་ལུས་ཆ་བར་སྦྱོར་བ་ལ་བརྩོན་པ་དེ་དག་གི་སེམས་དང་སེམས་
D88.044.0173a02.01ལས་བྱུང་བ་རྣམས་ཤེས་ཏེ། ཤེས་ནས་ཀྱང་དེ་དག་རྒྱང་བསྲིངས་ཏེ་ཡོངས་སུ་སྤོང་བར་འགྱུར་རོ། །འོད་སྲུང་དགེ་ཚུལ་སྐུལ་བྱེད་མི་གཙང་བས་འབགས་པའི་ཕྱག་དར་ཁྲོད་པ་ཐོགས་ནས་བསོད་སྙོམས་བླངས་ཏེ་མཚོ་མ་དྲོས་པར་སོང་བ་དང་། དེ་དེར་སོང་བའི་ཚེ་མཚོ་མཆོག་དེ་ན་གནས་པའི་
D88.044.0173a03.01ལྷ་དེ་དག་གིས་རྒྱང་རིང་པོ་ནས་བསུ་སྟེ་རྐང་པ་ལ་མགོ་བོས་ཕྱག་འཚལ་ནས་གཙང་སྦྲ་སྤྱོད་པའི་ལྷ་དེ་དག་གིས་མི་གཙང་བས་འབགས་པའི་ཕྱག་དར་ཁྲོད་པ་དེ་བདག་ཉིད་ཀྱིས་བཀྲུས་ཏེ་དྲི་མ་མེད་པར་བྱས་ནས་བཀྲུས་པའི་ཆུ་དྲི་མ་ཅན་དེས་རང་གི་ལུས་ལ་སྐུད་དེ། སྐུལ་བྱེད་(གྱི་,ཀྱི་)ཚུལ་ཁྲིམས་ཀྱི་ཡོན་ཏན་
D88.044.0173a04.01ཡང་དག་པར་བླངས་པ་དང་། སྙོམས་པར་ཞུགས་པ་ཤེས་ནས་མཚོ་དེའི་ལྷ་རྣམས་ཡན་ལག་ལྔས་ཕྱག་འཚལ་ལོ། །ཀུན་དུ་རྒྱུ་རབ་ཏུ་བཟང་པོ་ཞེས་བྱ་བ་དེ་གོས་གཙང་མ་བགོས་ནས་བསོད་སྙོམས་བླངས་ཏེ་མཚོ་མ་དྲོས་པར་སོང་བ་དང་། མཚོ་དེ་ན་གནས་པའི་ལྷ་དེ་དག་གིས་དེ་མཚོ་
D88.044.0173a05.01མཆོག་འདིར་ཁ་ཟས་ཟོས་ནས་ལྷག་མ་བོར་ན་མཚོ་མཆོག་མི་གཙང་བར་བྱས་སུ་འོང་ཞེས་རྒྱང་གྲགས་གཅིག་ཁོ་ར་ཁོར་ཡུག་ཙམ་གྱི་ནང་དུ་འདར་མ་སྟེར་བ་ལ་ལྟོས། འོད་སྲུང་འཕགས་པའི་ཆོས་ཀྱི་ཡོན་ཏན་སྒྲུབ་པའི་ཁྱད་པར་དང་སྐུལ་བྱེད་ཀྱི་ཕྱག་དར་ཁྲོད་པ་བཀྲུས་པའི་ཆུ་དྲི་མ་ཅན་ལྷ་དག་
D88.044.0173a06.01རང་གི་ལུས་ལ་སྐུད་པ་དང་། ཀུན་དུ་རྒྱུ་རབ་ཏུ་བཟང་པོ་ནི་འགྲོར་ཡང་མ་སྟེར་བ་ལ་ལྟོས། འོད་སྲུང་དེ་ལྟ་བས་ན་དགེ་སློང་ཕྱག་དར་ཁྲོད་པ་པ་ཡོན་ཏན་གྱི་ཆོས་འདི་ལྟ་བུ་འདི་དག་འདོད་པ། ཞུམ་ཞུམ་པོར་མ་གྱུར་པ། འཕགས་པའི་རིགས་ལ་གནས་པས་མཆོད་རྟེན་གྱི་འདུ་ཤེས་དང་། སྟོན་
D88.044.0173a07.01