完整藏文原文 · 德格版页 当前仅加载第 44 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་དགེ་སྦྱོང་གདོལ་པ་ལྟ་བུའི་སེམས་ཀྱང་བདེ་འགྲོར་འགྲོ་བར་བྱ་བའི་ཕྱིར་མི་གནས་ཤིང་། དེའི་འཇིག་རྟེན་ཕ་རོལ་རྣམ་པར་ཞི་གསལ། དེ་ངན་འགྲོ་གསུམ་དུ་གནས་པར་སྒྲིབ་པ་མེད་དེ། འོད་སྲུང་འདི་ནི་དགེ་སྦྱོང་གདོལ་པ་ལྟ་བུ་ཞེས་བྱའོ། །འོད་སྲུང་དེ་ལ་དགེ་སྦྱོང་རུལ་པ་གང་
D88.044.0159b01.01ཞེ་ན། འོད་སྲུང་འདི་ལྟ་སྟེ་དཔེར་ན་རྒྱལ་པོ་ལ་འོས་པའི་བཏུང་བའི་རོ་མཆོག་དང་ལྡན་པ་ལས་གང་སྙིང་ཁུའི་མཆོག་བཅུས་པ་དེའི་ལྷག་མ་ནི་རུལ་ཅིང་མི་གཙང་བར་གྱུར་པ་སྟེ་མྱང་བར་བྱ་བ་མ་ཡིན་ནོ། །འོད་སྲུང་དེ་བཞིན་དུ་དགེ་སྦྱོང་རུལ་པ་ཡང་ཆོས་ཀྱི་མཆོག་གི་སྙིང་ཁུའི་རོ་བྲོ་བ་དང་
D88.044.0159b02.01བྲལ་བ་ཡིན་ཏེ། དྲི་ང་བ་དང་། ཡོངས་སུ་སྤང་བར་བྱ་བའི་འོས་ཡིན། ཉོན་མོངས་པ་དང་། གཡོ་སྒྱུ་འཛིན་པ་དང་། འཆལ་པའི་ཚུལ་ཁྲིམས་ཀྱི་དྲི་མི་ཞིམ་པ་དང་ལྡན་ཞིང་ཚུལ་ཁྲིམས་ཀྱི་དྲི་དང་བྲལ་བ་ཡིན། ཉོན་མོངས་པའི་དྲིས་བསྒོས་པ་ཡིན་ཏེ། དེ་གང་དང་གང་དུ་
D88.044.0159b03.01འགྲོ་བ་དེ་དང་དེ་ཉིད་དུ་ཡང་བདག་ལ་ཕན་པའི་ཕྱིར་ཞུགས་ཀྱི་གཞན་ལ་ཕན་པའི་ཕྱིར་མ་ཡིན་ཏེ། འོད་སྲུང་འདི་ནི་དགེ་སྦྱོང་རུལ་པ་ཞེས་བྱའོ། །འོད་སྲུང་འདི་ལྟ་སྟེ་དཔེར་ན་རུལ་པ་ཞེས་བྱ་བ་ནི་གང་ཟོས་པ་དང་འཐུངས་པ་དང་། འཆོས་པ་གཟགས་པ་དེ་ནི་རུལ་ཞིང་དྲི་ང་བ་ཡིན་ཏེ། སྐྱེ་བོ་ཡ་རབས་ཐམས་ཅད་ཀྱིས་
D88.044.0159b04.01ཡོངས་སུ་སྤང་བར་བྱ་བའི་འོས་ཡིན་ནོ། །འོད་སྲུང་དེ་བཞིན་དུ་དགེ་སྦྱོང་རུལ་པ་ཡང་གཟགས་པ་དང་མཚུངས་ཏེ། ལུས་དང་ངག་དང་སེམས་ཀྱི་ཀུན་ཏུ་སྤྱོད་པ་ཡོངས་སུ་མ་དག་པས་འཕགས་པའི་སྐྱེ་བོས་ཡོངས་སུ་སྤང་བར་བྱ་བ་ཡིན་ཏེ། འདི་ནི་དགེ་སྦྱོང་རུལ་པ་ཞེས་བྱའོ། །འོད་སྲུང་འདི་
D88.044.0159b05.01ལྟ་སྟེ། དཔེར་ན་ས་བོན་རུལ་པ་གང་ཡིན་པ་དེ་ནི་ས་ཆེན་པོ་ལས་སྐྱེར་མི་རུང་ངོ་། །འོད་སྲུང་དེ་བཞིན་དུ་དགེ་སྦྱོང་རུལ་པ་ཡང་སངས་རྒྱས་ཀྱི་བསྟན་པ་འདི་ལ་མི་སྐྱེ་ཞིང་འཕགས་པའི་ཆོས་རྣམ་པར་གྲོལ་བའི་ས་བོན་ནུས་པ་མ་ཡིན་ལ་འབྲས་བུ་ཐོབ་པར་མི་འགྱུར་ཏེ། འོད་སྲུང་འདི་ནི་དགེ་
D88.044.0159b06.01སྦྱོང་རུལ་པ་ཞེས་བྱའོ། །འོད་སྲུང་དེ་ལ་དགེ་སྦྱོང་ཟ་མ་ཏོག་ལྟ་བུ་གང་ཞེ་ན། འོད་སྲུང་འདི་ལྟ་སྟེ་དཔེར་ན་ཟ་མ་ཏོག་ཕྱི་རོལ་ཤིན་ཏུ་བྱི་དོར་བྱས་ལ་ནང་མི་གཙང་བ་སྣ་ཚོགས་ཀྱིས་གང་བ་ཞིག་ཡོད་པ་དེ་བཞིན་དུ་འོད་སྲུང་དགེ་སྦྱོང་ཟ་མ་ཏོག་ལྟ་བུ་ཡང་དགེ་སྦྱོང་ལྟར་བཅོས་ཤིང་ཕྱི་རོལ་གཙང་སྦྲ་
D88.044.0159b07.01