完整藏文原文 · 德格版页 当前仅加载第 44 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཚུལ་བཞིན་ལ་ཞུགས་པ་དེ་སེམས་རྩེ་གཅིག་ཏུ་འགྱུར་ཞིང་དྲན་པ་དང་ལྡན་ལ། ཤེས་བཞིན་དང་ལྡན་པས་བསམ་གཏན་དང་པོ་བསྐྱེད་པའི་གནས་གང་ཡིན་པ་དེ་ཡོད་པར་འགྱུར་ཏེ། དེས་བསམ་གཏན་ཐོབ་ནས་བསམ་གཏན་གྱི་བདེ་བ་འདོད་པ་ན་ཉི་མ་གཅིག་གམ། ཉི་མ་གཉིས་
D88.044.0171a01.01སམ། ཉི་མ་གསུམ་ནས་ཉི་མ་བདུན་གྱི་བར་དུ་བསམ་གཏན་གྱི་བདེ་བའི་ཟས་ཀྱིས་གནས་སོ། །གལ་ཏེ་འདི་ལྟར་རྣལ་འབྱོར་ལ་ཞུགས་པ་བསམ་གཏན་བསྐྱེད་པར་མི་ནུས་ན། དེ་ལྟར་བརྩོན་ཞིང་རྣལ་འབྱོར་སྤྱོད་པའི་དགེ་སློང་ཆོས་ལ་གནས་པ་དེ་ལ་མངོན་པར་ཤེས་པ་མངོན་པར་ཤེས་པའི་ལྷ་དང་།
D88.044.0171a02.01ཀླུ་དང་། གནོད་སྦྱིན་དག་ཁ་ཟས་འབུལ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ནི་རྣལ་འབྱོར་སྤྱོད་པ་རྣམས་ཀྱི་རྒྱུ་འཐུན་པ་སྟེ། དེ་ལྷས་ཡོངས་སུ་བཟུང་བ་རྙེད་པའི་ཕྱིར་རོ། །འོད་སྲུང་གལ་ཏེ་སྤྲིན་འདུས་ཤིང་ཆར་འབབ་སྟེ་བསོད་སྙོམས་སྤྱོད་པའི་དགེ་སློང་ལ་བསོད་སྙོམས་ལ་འཇུག་མི་ནུས་པའི་དུས་ཀྱི་ཚེ་
D88.044.0171a03.01བྱམས་པའི་ཟས་ཀྱི་གོ་བགོས་ཏེ། ཆོས་སེམས་པ་ཡིད་ལ་བྱེད་པ་ལ་གནས་ནས། ཞག་གཉིས་སམ། ཞག་གསུམ་ཞིག་ཟན་ཆད་ན། འདི་ལྟར་{ཡི་དགས་,ཡི་དྭགས་}གཤིན་རྗེའི་འཇིག་རྟེན་པ་ཉེས་པར་བྱེད་པའི་ལས་བྱས་པ་གང་དག་ལོ་བརྒྱར་ཡང་མཆིལ་མ་ཐལ་བ་འགའ་བཟར་མ་རྙེད་པ་དག་ཀྱང་ཡོད་དེ། དེ་
D88.044.0171a04.01ལྟ་བས་ན་བདག་ཚུལ་བཞིན་དུ་ཆོས་སེམས་པ་ལ་གནས་པས་ལུས་ཉམ་ཆུང་བའམ། སེམས་ཉམ་ཆུང་བ་བསྐྱེད་པར་མི་བྱ་སྟེ། བཀྲེས་པ་དང་སྐོམ་པས་ཇི་མི་སྙམ་པར་བྱའོ། །འཕགས་པའི་ལམ་བསྒོམ་པར་བྱ་བ་ལ་བརྩོན་འགྲུས་རྒྱུན་མི་འཆད་པར་བྱའོ་སྙམ་དུ་འདུ་ཤེས་བསྐྱེད་པར་བྱའོ། །འོད་སྲུང་དགེ་
D88.044.0171a05.01སློང་བསོད་སྙོམས་སྤྱོད་པས་ཁྱིམ་འདྲིས་པ་དང་། སྐྱེས་པ་འདྲིས་པ་དང་། བུད་མེད་འདྲིས་པ་དང་། ཁྱེའུ་འདྲིས་པ་དང་། བུ་མོ་འདྲིས་པར་མི་བྱའོ། །ཁྱིམ་གང་ན་བསོད་སྙོམས་གཙང་མ་བྱེད་པའི་ཁྱིམ་དེར་སྟན་ལ་འདུག་སྟེ་བསོད་སྙོམས་གཙང་མ་བྱེད་པ་ཟིན་གྱི་བར་དུ་ཆོས་ཀྱི་གཏམ་བརྗོད་པར་བྱའོ། །དེ་ནས་
D88.044.0171a06.01བསོད་སྙོམས་དེ་བླངས་ལ་སྟན་ལས་ལངས་ཏེ་འགྲོ་བར་བྱའོ། །འོད་སྲུང་བསོད་སྙོམས་སྤྱོད་པའི་དགེ་སློང་གིས་འཁོང་བར་མི་བྱ། ཁ་གསག་མི་བྱ། ཚུལ་བཅོས་པར་མི་བྱའོ། །དེ་ལ་འཁོང་བ་གང་ཞེ་ན། གང་གཞན་དག་ལ་ཚིག་འདི་སྐད་སྨྲ་བ་སྟེ། བདག་གི་བསོད་སྙོམས་ནི་ངན་པའོ། །བདག་གི་བསོད་
D88.044.0171a07.01