完整藏文原文 · 德格版页 当前仅加载第 44 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཐམས་ཅད་ལ་འདོད་པ་མེད་པ་དང་། འཇིག་རྟེན་གྱི་ཆོས་བརྒྱད་པོ་རྙེད་པ་དང་མ་རྙེད་པ་དང་། གྲགས་པ་དང་མ་གྲགས་པ་དང་། བདེ་བ་དང་སྡུག་བསྔལ་བ་དང་། བསྟོད་པ་དང་། སྨད་པ་རྣམས་ལས་ཡང་དག་པར་འདས་པ་དང་། ས་དང་མཚུངས་པའི་སེམས་ཀྱིས་
D88.044.0153a01.01ཉེ་བར་བསྒྲུབས་ཏེ་གནས་པ་དང་། བདག་དང་གཞན་རྗེས་སུ་སྲུང་བ་དང་། འཁྲུལ་པ་མེད་པ་དང་། འཁྲུག་པ་མེད་པ་དང་། ཡང་དག་པར་ཞུགས་པ་དང་། ནམ་མཁའ་དང་མཚུངས་པའི་སེམས་ཀྱིས་ཉེ་བར་བསྒྲུབས་ཏེ་གནས་པ་དང་། མཚན་མ་ཐམས་ཅད་ལ་དེའི་སེམས་མི་ཆགས་མི་འཆིང་
D88.044.0153a02.01སྟེ་དཔེར་ན་ནམ་མཁའ་ལ་ལག་མཐིལ་བཞིན་དུ་མི་ཆགས་མི་འཆིང་བ་ཡིན་ཏེ། འོད་སྲུང་དགེ་སྦྱོང་གི་ཆོས་རྣམ་པ་དེ་ལྟ་བུ་དེ་དག་དང་ལྡན་ན་དགེ་སྦྱོང་དགེ་སྦྱོང་ཞེས་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟར་དེ་
D88.044.0153a03.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡང་དག་པའི་དགེ་སྦྱོང་གི་ཡོན་ཏན་འདི་དག་ཡང་དག་པར་རབ་ཏུ་བསྟན་པ་ནི་ངོ་མཚར་ཏོ། །བཅོམ་ལྡན་འདས་མ་མཆིས་པའི་དུས་ན་གང་དག་དེ་བཞིན་གཤེགས་པའི་བྱང་ཆུབ་བསྐལ་པ་གྲངས་མ་མཆིས་པར་ཡང་
D88.044.0153a04.01དག་པར་བསྒྲུབས་པ་ནུས་པར་བགྱིད་པ་དགེ་སྦྱོང་མ་ལགས་ལ་དགེ་སྦྱོང་དུ་མཆིད་ཀྱིས་འཆེ་ཞིང་། ཚངས་པར་སྤྱོད་པ་མ་ལགས་པར་ཚངས་པར་སྤྱོད་པར་མཆིད་ཀྱིས་འཆེ་བའི་དགེ་སློང་གང་ལ་ལ་དག་འབྱུང་བར་འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ང་
D88.044.0153a05.01དང་། ཁྱོད་དང་ཉན་ཐོས་ཆེན་པོ་འདི་དག་ཀྱང་ཡོངས་སུ་མྱ་ངན་ལས་འདས་ཤིང་། བྱང་ཆུབ་སེམས་དཔའ་འདི་དག་ཀྱང་སངས་རྒྱས་ཀྱི་ཞིང་གཞན་དུ་དོང་ནས་བསྟན་པ་འདི་རབ་ཏུ་འཇིག་པར་འགྱུར་བ་ནི་ཚིག་གིས་བསྟན་པར་མི་ནུས་སོ། །འོད་སྲུང་དེ་ལ་དགེ་སློང་ལུས་མ་བསྒོམས་པ། ཚུལ་
D88.044.0153a06.01ཁྲིམས་མ་བསྒོམས་པ། སེམས་མ་བསྒོམས་པ། ཤེས་རབ་མ་བསྒོམས་པ། བྱིས་པ་དམན་པ། གླེན་པ། རྨོངས་པ། རབ་ཏུ་མ་ཞི་བ། མ་དུལ་བ་ཁ་ཅིག་འབྱུང་བར་འགྱུར་ཏེ། དེ་དག་གི་གཡོ་དང་། སྒྱུ་དང་། མི་དྲང་བ་དང་། གྱ་གྱུ་དང་། དགེ་སྦྱོང་གི་དྲི་མ་དང་། དགེ་སྦྱོང་གི་སྐྱོན་
D88.044.0153a07.01