完整藏文原文 · 德格版页 当前仅加载第 44 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་ནི་རྩུབ་པའོ། །བདག་གིས་སྔོན་འདི་ལྟ་བུ་དང་མ་འགྲངས་པར་མ་ཟོས་སོ། །བདག་གི་བསོད་སྙོམས་ནི་སྐྱེ་བོ་མང་པོ་དང་ཐུན་མོང་དུ་བྱས་སོ། །བདག་གིས་ཉུང་ཞིག་ཟོས་ཏེ། བདག་མ་འགྲངས་པས་བདག་གི་ལུས་ཉམ་ཆུང་ངོ་ཞེས་བྱ་བ་སྟེ། འདི་ལྟར་འཁོང་བའི་མཚན་མ་གང་ཅི་ཡང་རུང་བ་འདི་
D88.044.0171b01.01ལྟ་བུ་འདི་ནི་སེམས་ཀྱི་ཚུལ་འཆོས་པ་ཞེས་བྱ་སྟེ། དགེ་སློང་བསོད་སྙོམས་སྤྱོད་པས་དེ་དག་ཐམས་ཅད་མི་བྱའོ། །གང་ལྷུང་བཟེད་དུ་འོངས་པ་ངན་ཀྱང་རུང་། བཟང་ཡང་རུང་། ཉུང་ཡང་རུང་། མང་ཡང་རུང་། གཙང་ཡང་རུང་། མི་གཙང་ཡང་རུང་སྟེ་དེ་བཟའ་བར་བྱའོ། །ཡོངས་སུ་གདུང་བ་མེད་པ་དང་། བསམ་
D88.044.0171b02.01པ་ཡོངས་སུ་དག་པ་དང་། ཆོས་ངེས་པར་སེམས་པ་མང་བ་དང་། ལུས་གསོ་བ་དང་། འཕགས་པའི་ལམ་ཉེ་བར་བརྟེན་པའི་ཕྱིར་དེས་བསོད་སྙོམས་བཟའ་བར་བྱའོ། །འོད་སྲུང་གལ་ཏེ་དགེ་སློང་བསོད་སྙོམས་སྤྱོད་པས་གྲོང་ངམ། གྲོང་ཁྱེར་རམ། གྲོང་རྡལ་དུ་བསོད་སྙོམས་བསླངས་ཏེ་མ་རྙེད་ལ། ཇི་ལྟར་
D88.044.0171b03.01ལྷུང་བཟེད་བཀྲུས་པ་བཞིན་དུ་ཕྱིར་བྱུང་ན། དེས་དེ་བཞིན་གཤེགས་པ་ཡིད་ལ་བྱ་སྟེ། དེ་བཞིན་གཤེགས་པ་བསོད་ནམས་ཀྱི་གཟི་བརྗིད་ཀྱིས་བརྗིད་པ། འཁོར་ལོས་སྒྱུར་བའི་རྒྱལ་སྲིད་སྤངས་ནས་རབ་ཏུ་བྱུང་བ། ལྷ་དང་། ཀླུ་དང་། གནོད་སྦྱིན་དང་། དྲི་ཟས་མཆོད་པ། མི་དགེ་བའི་ཆོས་ཐམས་ཅད་
D88.044.0171b04.01སྤངས་པ། དགེ་བའི་ཆོས་ཐམས་ཅད་དང་ལྡན་པ་ཉོན་མོངས་པ་ཐམས་ཅད་དང་བྲལ་བ་དེ་ཉིད་གྲོང་དུ་བསོད་སྙོམས་ཀྱི་ཕྱིར་གཤེགས་ན་ཡང་ཇི་ལྟར་ལྷུང་བཟེད་བཀྲུས་པ་བཞིན་དུ་སླར་གཤེགས་ན། བདག་ལྟ་བུ་བསོད་ནམས་ཆུང་བ་དང་། དགེ་བའི་རྩ་བ་མ་བསྐྱེད་པ་ཇི་ལྟར་ལྷུང་བཟེད་བཀྲུས་པ་བཞིན་དུ་
D88.044.0171b05.01ཕྱིར་བྱུང་བས་ཅིའི་ཕྱིར་ཡི་ཆད་པར་བྱ། དེ་ཅིའི་ཕྱིར་ཞེ་ན། དགེ་བའི་རྩ་བ་མ་བསྐྱེད་པས་ཁ་ཟས་བཟང་པོ་དག་མི་རྙེད་པའི་ཕྱིར་རོ། །གལ་ཏེ་བདུད་ཀྱི་ལས་སམ། བདུད་ཀྱི་བྱིན་གྱི་རླབས་ཀྱིས་བྲམ་ཟེ་དང་ཁྱིམ་བདག་དེ་དག་བདག་ལ་བསོད་སྙོམས་མི་སྟེར་ན། ཅི་ནས་བདུད་བཞི་ལས་ཡང་དག་པར་འདས་པ་
D88.044.0171b06.01དང་། ཉོན་མོངས་པ་ཐམས་ཅད་དང་བྲལ་བར་འགྱུར་བ་དེ་ལྟར་བྱའོ་སྙམ་དུ་བསམ་མོ། །དེ་ལྟར་ངའི་ནན་ཏན་ལ་གནས་པ་དེ་ལ་བདུད་དང་བདུད་ཀྱི་རིས་ཀྱི་ལྷ་རྣམས་ཀྱིས་གླགས་རྙེད་པར་མི་འགྱུར་ཏེ། འོད་སྲུང་དགེ་སློང་བསོད་སྙོམས་སྤྱོད་པས་དེ་ལྟར་འཕགས་པའི་རིགས་རྣམས་ཡོངས་སུ་སྦྱང་བར་
D88.044.0171b07.01