完整藏文原文 · 德格版页 当前仅加载第 44 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པར་གྱུར་ལ། ནང་འདོད་ཆགས་དང་། ཞེ་སྡང་དང་། གཏི་མུག་གིས་ཡོངས་སུ་གང་བ་ཡིན་ཏེ། འོད་སྲུང་འདི་ནི་དགེ་སྦྱོང་ཟ་མ་ཏོག་ལྟ་བུ་ཞེས་བྱའོ། །འོད་སྲུང་དེ་ལ་དགེ་སྦྱོང་ཀུ་ར་ཎ་ཌཱ་ཀ་ལྟ་བུ་གང་ཞེ་ན། འོད་སྲུང་འདི་ལྟ་སྟེ་དཔེར་ན་ཀུ་ར་ཎ་ཌཱ་ཀ་ཞེས་བྱ་བའི་མེ་ཏོག་
D88.044.0160a01.01ནི་ཁ་དོག་བལྟ་ན་སྡུག་ལ་རེག་ན་རྩུབ་པ་ལྕི་བའི་སྦྲང་མའི་དྲི་མ་ནམ་ཞིང་ཤི་ལ་བར་ཀའི་རྩ་བའི་དྲི་མ་ནམ་སྟེ། མཁས་པ་མཛངས་པ་རྣམས་ནི་མེ་ཏོག་དེ་ལྟ་བུ་ལ་མི་རེག །མི་ལེན་མི་སྣོམ་གྱི། གང་དག་བྱིས་པའི་རང་བཞིན་ཅན་དུ་གྱུར་པ་དེའི་སྐྱོན་མི་ཤེས་པ། དེ་དག་ནི་མེ་ཏོག་དེ་ལྟ་
D88.044.0160a02.01བུ་ལེན་ཅིང་སྣོམ་མོ། །འོད་སྲུང་དེ་བཞིན་དུ་དགེ་སྦྱོང་ཀུ་ར་ཎ་ཌཱ་ཀ་ལྟ་བུ་ཡང་དགེ་སྦྱོང་གི་ཁ་དོག་དང་། གཟུགས་དང་ལྡན་པར་གྱུར་ཀྱང་མི་དེས་པ་ཡིན། ཚིག་བརླང་བ་ཡིན། འཆལ་པའི་ཚུལ་ཁྲིམས་ཀྱི་དྲི་མི་ཞིམ་པ་ཡིན། འཚོ་བ་ཉམས་པ་ཡིན། སྤྱོད་པ་ཉམས་པ་
D88.044.0160a03.01ཡིན། ལྟ་བ་ཉམས་པ་ཡིན་ཏེ། མཛངས་པ་མཁས་པ་རྣམས་ནི་ཀུ་ར་ཎ་ཌཱ་ཀ་ལྟ་བུའི་དགེ་སྦྱོང་དེ་ལྟ་བུ་ལ་སྟེན་པའམ། སྙེན་པའམ། བསྙེན་བཀུར་མི་བྱེད་ཀྱི། དེའི་ཚུལ་རིག་པས་ཐག་རིང་པོ་བས་ཀྱང་རིང་པོར་ཡོངས་སུ་སྤོང་ངོ་། །གང་དག་བྱིས་པའི་རང་བཞིན་ཅན་དུ་གྱུར་
D88.044.0160a04.01པ་དེ་དག་ནི་ཀུ་ར་ཎ་ཌཱ་ཀ་ལྟ་བུའི་དགེ་སྦྱོང་དེ་ལྟ་བུ་ལ་སྟེན་ཅིང་སྙེན་ལ་བསྙེན་བཀུར་བྱེད་དེ། ཀུ་ར་ཎ་ཌཱ་ཀའི་མེ་ཏོག་བྱིས་པའི་ལག་ན་འདུག་པ་བཞིན་དུ་དེ་དང་འཐུན་པ་ཉིད་དུ་འགྱུར་ཏེ། འོད་སྲུང་འདི་ནི་ཀུ་ར་ཎ་ཌཱ་ཀ་ལྟ་བུའི་དགེ་སྦྱོང་ཞེས་བྱའོ། །འོད་སྲུང་དེ་ལ་ཆོམ་རྐུན་ལྟ་བུའི་དགེ་སྦྱོང་
D88.044.0160a05.01གང་ཞེ་ན། འོད་སྲུང་འདི་ལྟ་སྟེ་དཔེར་ན། མི་གཡོ་ཅན་གྱི་རང་བཞིན་ཅན། རྟག་ཏུ་བརྐམ་པ། ཆགས་པའི་ཟིལ་གྱིས་ནོན་པ། བདག་གི་རྙེད་པས་ཆོག་པར་མི་འཛིན་པ། གཞན་གྱི་ནོར་ལ་རེ་བ། དྲག་ཤུལ་ཅན། དབྱུག་པ་དང་། མཚོན་ཆ་དང་དགྲ་ཆ་ཐོགས་པ། ངོ་ཚ་མེད་པ།
D88.044.0160a06.01སྙིང་རྗེ་མེད་པ། རྟག་ཏུ་གདུག་ཅིང་རབ་ཏུ་གདུག་པའི་སེམས་དང་ལྡན་པ་ནི་དེ་གང་གི་ཚེ་གྲོང་བར་རམ། གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་དུ་འཇུག་པ་དེའི་ཚེ་དེ་འདི་སྙམ་དུ་གཞན་དག་གི་ནོར་གྱི་ཕུང་པོ་གང་ཡིན་པ་དེ་བདག་གིར་གྱུར་ན་རེ་སྟེས་སྙམ་དུ་སེམས་
D88.044.0160a07.01