完整藏文原文 · 德格版页 当前仅加载第 44 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་ལ་མི་གུས་པ་དགེ་སྦྱོང་གི་དྲི་མ་སྟེ། འོད་སྲུང་སུམ་ཅུ་རྩ་གཉིས་པོ་དེ་དག་ནི་དགེ་སྦྱོང་གི་དྲི་མ་སྟེ། དེ་དག་སྤངས་ན་དགེ་སྦྱོང་དགེ་སྦྱོང་ཞེས་བྱའོ། །འོད་སྲུང་བརྒྱད་པོ་འདི་དག་ནི་དགེ་སྦྱོང་གི་ཆོས་ཀྱི་སྒྲིབ་པ་སྟེ། བརྒྱད་གང་ཞེ་ན་འདི་ལྟ་སྟེ། བླ་མ་རྣམས་ལ་མི་གུས་པ་དང་།
D88.044.0154a01.01ཆོས་རྣམས་ལ་རིམ་གྲོ་མེད་པ་དང་། ཚུལ་བཞིན་མ་ཡིན་པ་ཡིད་ལ་བྱེད་པ་དང་། མ་ཐོས་པའི་མདོ་སྡེ་སྤོང་བ་དང་། བདག་མེད་པ་སེམས་ཅན་མེད་པ། སྲོག་མེད་པ། གང་ཟག་མེད་པའི་ཆོས་ཀྱིས་སྐྲག་པ་དང་། འདུས་མ་བྱས་ཀྱི་ཆོས་བསྟན་པ་ལ་མི་འཇུག་པར་འདུས་བྱས་ཉིད་ཀྱི་རྗེས་སུ་
D88.044.0154a02.01སྙེགས་པ་དང་། འདུ་བྱེད་རྣམས་མ་སྐྱེས་པ་ཞེས་ཐོས་ན་སྐྲག་པ་དང་། ཆོས་ཐམས་ཅད་རང་བཞིན་གྱིས་མ་སྐྱེས་པ་ཞེས་ཐོས་ན་གཡང་ས་ཆེན་པོར་ལྟུང་བ་བཞིན་དུ་ལྟུང་བ་སྟེ། འོད་སྲུང་བརྒྱད་པོ་དེ་དག་ནི་དགེ་སྦྱོང་གི་ཆོས་ཀྱི་སྒྲིབ་པ་སྟེ། རབ་ཏུ་བྱུང་བས་དེ་དག་ཡོངས་སུ་སྤང་བར་བྱའོ། །
D88.044.0154a03.01འོད་སྲུང་དགེ་སྦྱོང་ནི་ཁ་དོག་དང་རྟགས་ཀྱི་དབྱིབས་ཀྱིས་དགེ་སྦྱོང་ཞེས་ང་མི་འཆད་ཀྱི། ཡོན་ཏན་གྱི་ཆོས་ལ་ནན་ཏན་བྱེད་པའི་དགེ་སྦྱོང་ནི་དགེ་སྦྱོང་ངོ་ཞེས་ངས་བཤད་དོ། །འོད་སྲུང་དགེ་སྦྱོང་གིས་ནི་རྙོག་པ་མེད་པའི་སེམས་ཀྱིས་ལུས་ལ་ངུར་སྨྲིག་དག་བཅང་བར་བྱའོ། །དེ་ཅིའི་ཕྱིར་ཞེ་ན།
D88.044.0154a04.01འོད་སྲུང་རྙོག་པ་མེད་པ་ལ་ངས་ངུར་སྨྲིག་གནང་གི །འོད་སྲུང་གང་རྙོག་པ་དང་བཅས་པས་ལུས་ལ་ངུར་སྨྲིག་དག་འཆང་བ་དེ་དག་ཐམས་ཅད་ནི་ངུར་སྨྲིག་ཚིག་པའོ་ཞེས་བཤད་དེ། བསམ་པས་མོས་པ་རྣམས་ནི་མ་གཏོགས་སོ། །དེ་ཅིའི་ཕྱིར་ཞེ་ན། དེ་ནི་འཕགས་པ་རྣམས་ཀྱི་རྒྱལ་མཚན་
D88.044.0154a05.01ཡིན་པའི་ཕྱིར་ཏེ། སྐྱོ་ཞིང་འདོད་ཆགས་དང་བྲལ་བར་སྤྱོད་པ་རྣམས་ཀྱི་གོས་འདི་དག་ནི་ཉེ་བར་ཞི་བའི་རྗེས་སུ་འཐུན་པ་བྱམས་པའི་རྗེས་སུ་ཞུགས་པའོ། །འོད་སྲུང་དེ་ལ་འཕགས་པ་རྣམས་ཀྱི་རྒྱལ་མཚན་གང་ཞེ་ན། འོད་སྲུང་བཅུ་གཉིས་པོ་འདི་དག་ནི་འཕགས་པ་རྣམས་ཀྱི་རྒྱལ་མཚན་ཏེ། བཅུ་གཉིས་
D88.044.0154a06.01གང་ཞེ་ན། འོད་སྲུང་ཚུལ་ཁྲིམས་འཕགས་པ་རྣམས་ཀྱི་རྒྱལ་མཚན་དང་། ཏིང་ངེ་འཛིན་འཕགས་པ་རྣམས་ཀྱི་རྒྱལ་མཚན་དང་། ཤེས་རབ་འཕགས་པ་རྣམས་ཀྱི་རྒྱལ་མཚན་དང་། རྣམ་པར་གྲོལ་བ་འཕགས་པ་རྣམས་ཀྱི་རྒྱལ་མཚན་དང་། རྣམ་པར་གྲོལ་བའི་ཡེ་ཤེས་མཐོང་བ་འཕགས་
D88.044.0154a07.01