完整藏文原文 · 德格版页 当前仅加载第 44 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ཀྱི་རྒྱལ་མཚན་དང་། བདེན་པ་ལ་འཇུག་པ་འཕགས་པ་རྣམས་ཀྱི་རྒྱལ་མཚན་དང་། རྟེན་ཅིང་འབྲེལ་པར་འབྱུང་བ་ལ་འཇུག་པ་འཕགས་པ་རྣམས་ཀྱི་རྒྱལ་མཚན་དང་། བསམ་གཏན་བཞི་འཕགས་པ་རྣམས་ཀྱི་རྒྱལ་མཚན་དང་། ཚད་མེད་པ་བཞི་འཕགས་པ་རྣམས་
D88.044.0154b01.01ཀྱི་རྒྱལ་མཚན་དང་། གཟུགས་མེད་པའི་སྙོམས་པར་འཇུག་པ་བཞི་འཕགས་པ་རྣམས་ཀྱི་རྒྱལ་མཚན་དང་། སྐྱོན་མེད་པ་ལ་འཇུག་པ་འཕགས་པ་རྣམས་ཀྱི་རྒྱལ་མཚན་དང་། ཟག་པ་ཟད་པ་འཕགས་པ་རྣམས་ཀྱི་རྒྱལ་མཚན་ཏེ། འོད་སྲུང་བཅུ་གཉིས་པོ་དེ་དག་ནི་འཕགས་པ་
D88.044.0154b02.01རྣམས་ཀྱི་རྒྱལ་མཚན་ནོ། །འོད་སྲུང་གང་ལ་ལ་རྒྱལ་མཚན་འདི་དག་དང་མི་ལྡན་པར་འཕགས་པའི་རིགས་གོས་ངུར་སྨྲིག་དག་འཆང་བ་དེ་ནི་ནོར་པའི་ཆོས་ལ་ཞུགས་པའོ་ཞེས་ངས་བཤད་དོ། །ཆོས་དང་འགལ་བར་གནས་པ་ཞེས་བཤད་དོ། །དེ་བཞིན་གཤེགས་པའི་བསྟན་པ་ལས་
D88.044.0154b03.01རིང་དུ་གནས་པ་ཞེས་བཤད་དོ། །མྱ་ངན་ལས་འདས་པའི་ཕྱོགས་ཀྱི་མི་འཐུན་པའི་ཕྱོགས་ལ་གནས་པ་ཞེས་བཤད་དོ། །འཁོར་བའི་ཕྱོགས་དང་འཐུན་པ་ཞེས་བཤད་དོ། །ང་རྒྱལ་གྱི་མཆིལ་པས་ཟིན་པ་ཞེས་བཤད་དོ། །སྙིང་པོ་མ་བླངས་པ་ཞེས་བཤད་དོ། །ཆོས་ལས་ཉམས་པ་
D88.044.0154b04.01ཞེས་བཤད་དོ། །ཉམ་ང་བའི་ལམ་ལ་གནས་པ་ཞེས་བཤད་དོ། །འོད་སྲུང་དེ་ལྟ་བས་ན་དགེ་སྦྱོང་གིས་ལུས་ལ་ངུར་སྨྲིག་དག་འཆང་བ་ན་རྙོག་པ་མེད་པའི་སེམས་སུ་བྱའོ། །གལ་ཏེ་དེས་འབྲས་བུ་ཐོབ་པར་མ་གྱུར་ན་དེས་གུས་པ་བརྒྱད་ཀྱིས་ལུས་ལ་ངུར་སྨྲིག་དག་བཅང་བར་བྱ་སྟེ། བརྒྱད་
D88.044.0154b05.01གང་ཞེ་ན། མཆོད་རྟེན་གྱི་འདུ་ཤེས་དང་། སྟོན་པའི་འདུ་ཤེས་དང་། ཉེ་བར་ཞི་བའི་འདུ་ཤེས་དང་། བྱམས་པའི་འདུ་ཤེས་དང་། སངས་རྒྱས་ལ་གུས་པའི་འདུ་ཤེས་དང་། ངོ་ཚ་ཤེས་པའི་འདུ་ཤེས་དང་། ཁྲེལ་ཡོད་པའི་འདུ་ཤེས་དང་། རྙོག་པ་མེད་པར་བྱའོ་སྙམ་པ་སྟེ། དགེ་སྦྱོང་
D88.044.0154b06.01གི་ཚུལ་དང་འཐུན་པའི་ཕྱིར་གུས་པ་བརྒྱད་པོ་དེ་དག་གིས་ལུས་ལ་ངུར་སྨྲིག་དག་བཅང་བར་བྱའོ། །འོད་སྲུང་གང་དག་ལྷོད་ཅིང་ཡང་དག་པར་མ་སྡོམ་པ་དང་། དགེ་སྦྱོང་གི་ཡོན་ཏན་གྱི་ཆོས་འདི་དག་ལས་ཉམས་པར་ལུས་ལ་ངུར་སྨྲིག་དག་འཆང་བ་རྣམས་ནི་གུས་པ་འདི་དག་མི་སྐྱེད་
D88.044.0154b07.01