完整藏文原文 · 德格版页 当前仅加载第 44 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ལས་ཀྱི་མཐའ་ལ་མངོན་པར་བརྩོན་པ་དང་། ཁྱིམ་པ་དང་མཚུངས་པའི་སེམས་དང་ལྡན་པས་བདེ་བ་དག་གིས་ཀྱང་བདེ་ཞིང་སྡུག་བསྔལ་དག་གིས་ཀྱང་སྡུག་བསྔལ་བ་དང་། རྗེས་སུ་ཆགས་པ་དང་ཁོང་ཁྲོ་བས་བཅོམ་པ་ཡིན་ཏེ། དེའི་དགེ་སྦྱོང་གི་ཆོ་ག་དང་།
D88.044.0162a01.01སྤྱོད་ལམ་ཐམས་ཅད་དང་སེམས་དང་སེམས་ལས་བྱུང་བའི་ཆོས་ཐམས་ཅད་ནི་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་གཞོལ་བ་ཡིན་ཞིང་དགེ་སྦྱོང་གི་རིན་ཐང་དང་། རི་བ་དང་། དགེ་སྦྱོང་གི་སྲང་ཁ་དང་མི་མཉམ་པ་སྟེ། འོད་སྲུང་འདི་
D88.044.0162a02.01ནི་དགེ་སྦྱོང་ལྟར་བཅོས་པ་ཞེས་བྱའོ། །འོད་སྲུང་དེ་ལ་ཇི་ལྟར་ན་དགེ་སློང་གཟི་འཕྲོགས་པ་ཡིན་ཞེ་ན། འོད་སྲུང་འདི་ལྟ་སྟེ་དཔེར་ན་སྐྱེས་པ་འམ། བུད་མེད་དམ། ཁྱེའུ་འམ། བུ་མོ་གང་ལ་ལ་ཞིག་མི་མ་ཡིན་པས་མདངས་ཕྲོགས་པར་གྱུར་ན། དེ་དབང་ཆུང་བར་གྲགས་ཤིང་མདོག་
D88.044.0162a03.01ངན་ལ་མི་སྡུག་པར་འགྱུར་ཏེ། དེ་ལྟར་ན་མདངས་ཕྲོགས་པ་རྣམས་ལ་ནི་སྨན་ཏམ། གསང་སྔགས་སམ། རིག་སྔགས་རྣམས་ཀྱིས་མི་སློན་ཏེ། དེ་འཆི་བར་འགྱུར་བ་མ་གཏོགས་པར་ཐ་མར་གཞན་དུ་མི་འགྱུར་རོ། །འོད་སྲུང་དེ་བཞིན་དུ་དགེ་སློང་གང་ལ་ཚུལ་ཁྲིམས་ཀྱི་གཟི་
D88.044.0162a04.01མེད་པ་དང་། ཏིང་ངེ་འཛིན་གྱི་གཟི་མེད་པ་དང་། ཤེས་རབ་ཀྱི་གཟི་མེད་པ་དང་། རྣམ་པར་གྲོལ་བའི་གཟི་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བའི་གཟི་མེད་པ་དང་། བྱམས་པའི་གཟི་མེད་པ་དང་། སྙིང་རྗེའི་གཟི་མེད་པ་དང་། དགའ་བའི་གཟི་མེད་པ་དང་།
D88.044.0162a05.01བཏང་སྙོམས་ཀྱི་གཟི་མེད་པ་དང་། སྦྱིན་པ་དང་ཡང་དག་པར་སྡོམ་པ་དང་ངེས་པའི་གཟི་མེད་པ་དང་། དགེ་སྦྱོང་གི་ཡོན་ཏན་གྱི་གཟི་མེད་པ་དང་། འཕགས་པའི་རིགས་ལ་གནས་པའི་གཟི་མེད་པ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པའི་གཟི་མེད་པ་དང་། ལུས་དང་ངག་དང་སེམས་
D88.044.0162a06.01ཡོངས་སུ་དག་པའི་གཟི་མེད་པ་འདི་ནི་འོད་སྲུང་དགེ་སློང་གཟི་ཕྲོགས་པ་ཞེས་བྱ་སྟེ། འོད་སྲུང་གཟི་ཕྲོགས་པ་དེ་ལྟ་བུ་རྣམས་ལ་ནི་དེ་བཞིན་གཤེགས་པས་སྦྱར་བའི་སྨན་གྱིས་མི་ཚུགས་ཏེ། འདི་ལྟ་སྟེ། འདོད་ཆགས་ལ་མི་སྡུག་པའི་སྨན་དང་། ཞེ་སྡང་ལ་བྱམས་པ་དང་།
D88.044.0162a07.01