完整藏文原文 · 德格版页 当前仅加载第 44 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་དེའི་དགེ་སློང་བརྒྱད་བརྒྱ་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །སྲོག་ཆགས་སུམ་ཁྲི་ཉིས་སྟོང་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ །དེ་ནས་བྱང་ཆུབ་སེམས་དཔའ་སེམས་
D87.044.0149a01.01དཔའ་ཆེན་པོ་ཀུན་ཏུ་སྣང་བ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་
D87.044.0149a02.01འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་འདི་ལ་སློབ་པར་འཚལ་བའི་བྱང་ཆུབ་སེམས་དཔས་ཇི་ལྟར་བསླབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཚར་གཅད་ཅིང་ཚར་བཅད་
D87.044.0149a03.01ནས་ཆོས་ཀྱི་རྣམ་གྲངས་འདིར་བསླབ་པ་བསྟན་ཏེ། ཆོས་ཀྱི་རྣམ་གྲངས་འདི་ནི་སྐྱེས་བུ་དམ་པ་ནན་ཏན་སྙིང་པོར་བྱེད་པ་རྣམས་ཀྱི་དོན་ཆེན་པོར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་མི་ལ་ལ་ཞིག་ཁམ་པའི་གྲུར་ཞུགས་ཏེ། གང་གཱའི་ཀླུང་ཆེན་པོ་རྒལ་བར་འདོད་པར་གྱུར་
D87.044.0149a04.01ན་རིགས་ཀྱི་བུ་འདི་ཇི་སྙམ་དུ་སེམས། མི་དེས་ཅི་འདྲ་བའི་བརྩོན་འགྲུས་ཀྱིས་གྲུ་དེ་བཙལ་བར་བྱ། གསོལ་པ། བཅོམ་ལྡན་འདས་སྟོབས་དང་ལྡན་པའི་བརྩོན་འགྲུས་ཀྱིས་བགྱིའོ། །དེ་ཅིའི་སླད་དུ་ཞེ་ན། བདག་ནི་ཆུ་བོ་ཆེན་པོའི་ནང་དུ་ཞུགས་ཀྱི་བདག་འགྲམ་དུ་མ་ཕྱིན་པར་
D87.044.0149a05.01བར་མ་དོར་གྲུ་ཞིག་ཏུ་འོང་ངོ་སྙམ་དུ་སེམས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་ཏུ་སྣང་བ་དེ་ལྟར་བྱང་ཆུབ་སེམས་དཔས་དེ་བས་ཆེས་སྟོབས་དང་ལྡན་པའི་བརྩོན་འགྲུས་ཀྱིས་ཆོས་ཀྱི་རྣམ་གྲངས་འདི་ལ་བསླབ་པར་བྱ་སྟེ། སྟོབས་ཆེན་པོ་དང་ལྡན་པའི་
D87.044.0149a06.01བརྩོན་འགྲུས་ཀྱིས་སངས་རྒྱས་ཀྱི་ཆོས་ཐམས་ཅད་ཡང་དག་པར་བསྒྲུབ་པར་བྱའོ། །ཀྱེ་མའོ་ལུས་འདི་ནི་མི་རྟག་པ་སྟེ་བདག་གིས་སྙིང་པོ་མ་བླངས་པར་བར་མ་དོར་འཆི་བའི་དུས་བྱས་སུ་འོང་ངོ་ཞེས་ཡིད་ལ་བྱེད་པ་དེ་ལྟ་བུས་བདག་ནི་ཆུ་བོ་ཆེན་པོར་ཞུགས་ཀྱིས་ཆུ་བོ་བཞིར་ཞུགས་པའི་སེམས་
D87.044.0149a07.01