完整藏文原文 · 德格版页 当前仅加载第 44 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཀྱི་སྙིང་པོ་ལ་འདུག་སྟེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ནམ་ཡང་མི་འགྱུར་རོ། །དེ་ལ་འདི་སྐད་ཅེས་བྱ་སྟེ། དཔེར་ན་ལྷ་དང་བཅས་པའི་འཇིག་རྟེན་གྱིས། །མཆིང་བུའི་ནོར་བུ་བྱི་དོར་བྱས་ཀྱང་ནི། །མཆིང་བུ་དག་སྟེ་
D87.044.0137b01.01བཻདཱུརྱ་མི་འགྱུར། །འདི་འདྲ་དེ་ཉིད་དེའི་རང་བཞིན་ཡིན། །དེ་བཞིན་ཉན་ཐོས་ཁྲིམས་དང་ཐོས་པ་དང་། །བསམ་གཏན་ལྡན་ཞིང་སྦྱངས་པ་ཀུན་ལྡན་ཡང་། །བྱང་ཆུབ་སྙིང་པོར་འདུག་སྟེ་བདུད་བཏུལ་ནས། །བྱང་ཆུབ་རེག་སྟེ་བདེ་གཤེགས་འགྱུར་བ་མེད། །
D87.044.0137b02.01འོད་སྲུང་འདི་ལྟ་སྟེ། དཔེར་ན་ནོར་བུ་རིན་པོ་ཆེ་བཻདཱུ་རྱ་བྱི་དོར་བྱས་ན་དེ་ཀཱར་ཥ་པཱ་ཎ་བརྒྱ་སྟོང་མང་པོ་འབྱུང་བའི་སྒོར་འགྱུར་རོ། །འོད་སྲུང་དེ་བཞིན་དུ་བྱང་ཆུབ་སེམས་དཔའི་ཡོན་ཏན་བྱི་དོར་བྱས་ན་དེ་ཉན་ཐོས་དང་རང་སངས་རྒྱས་བརྒྱ་སྟོང་མང་པོ་འབྱུང་བའི་སྒོར་འགྱུར་རོ། །དེ་ལ་
D87.044.0137b03.01འདི་སྐད་ཅེས་བྱ་སྟེ། རིན་ཆེན་བཻདཱུརྱ་སྦྱང་བྱས་ན། ཀཱར་ཥ་པཱ་ཎ་མང་པོ་འབྱུང་བར་འགྱུར། །དེ་བཞིན་སངས་རྒྱས་སྲས་ཀྱིས་སྦྱང་བྱས་ན། །ཉན་ཐོས་མང་པོ་འབྱུང་བའི་སྒོར་འགྱུར་རོ། །དེ་ནས་ཡང་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བཀའ་
D87.044.0137b04.01སྩལ་པ། འོད་སྲུང་ཡུལ་གང་དུ་སྲིན་བུ་རྔ་མོ་དུད་ཀ་ཞེས་བྱ་བ་མགོ་ནག་གན་རྐྱལ་དུ་ཉལ་བ་བྱུང་ན་ཡུལ་དེ་འཇིགས་པ་དང་བཅས། འཚེ་བ་དང་བཅས། ཉེ་བའི་ཉོན་མོངས་པ་དང་བཅས། འཁྲུག་པ་དང་བཅས་པར་འགྱུར་རོ། །འོད་སྲུང་གལ་ཏེ་ཡུལ་དེར་བྱང་ཆུབ་
D87.044.0137b05.01སེམས་དཔའི་བྱུང་ན་ཡུལ་དེ་འཇིགས་པ་མེད་པ་དང་། འཚེ་བ་མེད་པ་དང་། ཉེ་བའི་ཉོན་མོངས་པ་མེད་པ་དང་། འཁྲུག་པ་མེད་པར་འགྱུར་རོ། །འོད་སྲུང་དེ་ལྟ་བས་ན་བྱང་ཆུབ་སེམས་དཔའ་སེམས་ཅན་གྱི་དོན་ལ་བརྩོན་པར་བྱ་སྟེ། དེས་དགེ་བའི་རྩ་བ་ཐམས་ཅད་
D87.044.0137b06.01ཡང་དག་པར་བསྒྲུབ་པར་བྱའོ། །དགེ་བའི་རྩ་བ་ཐམས་ཅད་ཡང་དག་པར་བསྒྲུབས་ནས་སེམས་ཅན་ཐམས་ཅད་ལ་གཏང་བར་བྱའོ། །ཡེ་ཤེས་ཀྱི་སྨན་གང་ཚོལ་བ་དེས་ཕྱོགས་བཞིར་སོང་སྟེ་སེམས་ཅན་རྣམས་ལ་ཡང་དག་པའི་གསོ་བ་བྱའོ། །ཡང་དག་པའི་གསོ་བས་
D87.044.0137b07.01