完整藏文原文 · 德格版页 当前仅加载第 44 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཆར་འབབ་པའི་རྒྱུ་མེད་དོ། །འོད་སྲུང་དེ་བཞིན་དུ་བྱང་ཆུབ་སེམས་དཔའ་ཐོས་པ་ཉུང་བ་ལ་ཡང་དམ་པའི་ཆོས་ཀྱི་ཆར་འབབ་པའི་རྒྱུ་མེད་དོ། །དེ་ལ་འདི་སྐད་ཅེས་བྱ་སྟེ། དཔེར་ན་སྤྲིན་མེད་ནམ་ཐང་ནམ་མཁའ་ལ། །ཆར་འབབ་རྒྱུ་ནི་ནམས་ཀྱང་མི་དམིགས་སོ། །དེ་བཞིན་
D87.044.0129b01.01བྱང་ཆུབ་སེམས་དཔའ་ཐོས་ཉུང་ལ། །ཆོས་སྟོན་ནམ་ཡང་དམིགས་པར་མི་འགྱུར་རོ། །འོད་སྲུང་འདི་ལྟ་སྟེ་དཔེར་ན་སྤྲིན་ཆེན་པོ་ལས་བྱུང་བའི་ཆར་གྱི་རྒྱུན་ནི་ལོ་ཏོག་ཐམས་ཅད་ལ་མངོན་པར་འབབ་བོ། །འོད་སྲུང་དེ་བཞིན་དུ་བྱང་ཆུབ་སེམས་དཔའི་སྙིང་རྗེ་ཆེན་པོ་དང་མང་དུ་ཐོས་པའི་
D87.044.0129b02.01ཆོས་ཀྱི་སྤྲིན་ལས་བྱུང་བའི་དམ་པའི་ཆོས་ཀྱི་ཆར་ཡང་སེམས་ཅན་ཐམས་ཅད་ལ་མངོན་པར་འབབ་བོ། །དེ་ལ་འདི་སྐད་ཅེས་བྱ་སྟེ། དཔེར་ན་སྤྲིན་ཆེན་གློག་དང་བཅས་པ་ལས། །ཆར་པ་འབབ་པས་ལོ་ཏོག་ངོམས་པར་བྱེད། །དེ་བཞིན་བྱང་ཆུབ་སེམས་དཔའ་དམ་ཆོས་ཀྱི། །སྤྲིན་བྱུང་ཆོས་
D87.044.0129b03.01རྒྱུན་སེམས་ཅན་ཚིམ་པར་བྱེད། །འོད་སྲུང་འདི་ལྟ་སྟེ་དཔེར་ན་འཁོར་ལོས་སྒྱུར་བའི་རྒྱལ་པོ་གང་དུ་བྱུང་བ་དེར་རིན་པོ་ཆེ་སྣ་བདུན་ཡང་འབྱུང་ངོ་། །འོད་སྲུང་དེ་བཞིན་དུ་བྱང་ཆུབ་སེམས་དཔའ་གང་དུ་བྱུང་བ་དེར་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་པོ་དག་ཀྱང་འབྱུང་ངོ་། །དེ་ལ་འདི་
D87.044.0129b04.01སྐད་ཅེས་བྱ་སྟེ། འཁོར་ལོས་སྒྱུར་བའི་རྒྱལ་པོ་གར་བྱུང་བ། །དེར་ནི་དེ་ཡི་རིན་ཆེན་སྣ་བདུན་འབྱུང་། །བྱང་ཆུབ་སེམས་དཔའ་གང་དུ་བྱུང་གྱུར་པ། །དེར་དེའི་བྱང་ཆུབ་ཡན་ལག་བདུན་པོ་འབྱུང་། །འོད་སྲུང་འདི་ལྟ་སྟེ་དཔེར་ན་གང་ན་ནོར་བུ་རིན་པོ་ཆེ་བཻདཱུརྱ་འབྱུང་བའི་སྒོ་ཡོད་པ་
D87.044.0129b05.01དེ་ན་ཀཱར་ཥ་པཱ་ཎ་བརྒྱ་སྟོང་མང་པོ་འབྱུང་པའི་སྒོ་ཡོད་དོ། །འོད་སྲུང་དེ་བཞིན་དུ་གང་ན་བྱང་ཆུབ་སེམས་དཔའ་འབྱུང་བའི་སྒོ་ཡོད་པ་དེ་ན་ཉན་ཐོས་དང་། རང་སངས་རྒྱས་འབུམ་ཕྲག་མང་པོ་འབྱུང་བའི་སྒོ་ཡོད་དོ། །དེ་ལ་འདི་སྐད་ཅེས་བྱ་སྟེ། དཔེར་ན་གང་དུ་ནོར་བུ་རིན་ཆེན་འབྱུང་། །དེར་
D87.044.0129b06.01ནི་ཀཱར་ཥ་པཱ་ཎ་མང་འབྱུང་ལྟར། །གང་དུ་རྫོགས་པའི་བྱང་ཆུབ་སེམས་འབྱུང་བ། །དེར་ནི་ཉན་ཐོས་མང་པོ་འབྱུང་བར་འགྱུར། །འོད་སྲུང་འདི་ལྟ་སྟེ། དཔེར་ན་སུམ་ཅུ་རྩ་གསུམ་པའི་ལྷ་འདྲེས་པའི་ཚལ་དུ་ཞུགས་པ་རྣམས་ཀྱི་ལོངས་སྤྱོད་དང་ཡོངས་སུ་སྤྱད་པ་རྣམས་ནི་མཚུངས་པར་
D87.044.0129b07.01