完整藏文原文 · 德格版页 当前仅加载第 44 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །དམ་ཆོས་འཛིན་དང་སྒྲོན་མ་སྦྱིན་པ་དང་། །དེ་བཞིན་ཐ་ན་འདྲིས་ལ་སྦྱིན་བྱེད་ཅིང་། །མཁས་པ་མ་རིག་ས་ལས་རྣམ་པར་འབྱེད། །འོད་སྲུང་ཆོས་བཞི་པོ་འདི་དག་ནི་བྱང་ཆུབ་སེམས་དཔའི་སྒྲིབ་པ་མེད་པའི་ཡེ་ཤེས་ཐོབ་པར་འགྱུར་བ་སྟེ། བཞི་
D87.044.0126a01.01གང་ཞེ་ན། འདི་ལྟ་སྟེ། དམ་པའི་ཆོས་སྦྱིན་པ་དང་། དམ་པའི་ཆོས་ཡོངས་སུ་འཛིན་པ་དང་། ཕྲག་དོག་མེད་པ་དང་། གཞན་དག་ལ་མི་བརྙས་པ་སྟེ། འོད་སྲུང་ཆོས་བཞི་པོ་དེ་དག་ནི་བྱང་ཆུབ་སེམས་དཔའ་སྒྲིབ་པ་མེད་པའི་ཡེ་ཤེས་ཐོབ་པར་འགྱུར་བའོ། །དེ་ལ་འདི་
D87.044.0126a02.01སྐད་ཅེས་བྱ་སྟེ། གང་དག་བྱང་ཆུབ་ལ་ནི་སྒྲིབ་བྱེད་པ། །སྡིག་པ་བཞི་པ་བཅུ་པོ་རྣམ་སྤངས་ནས། །མཁས་པས་དེ་བཞིན་བཅུ་གཉིས་གཞན་བསྟེན་ན། །འཆི་མེད་རེག་ནས་བྱང་ཆུབ་ཐོབ་པར་འགྱུར། །སེམས་ཅན་དམ་པ་གང་དག་ཆོས་ཚུལ་འདི། །འཛིན་ཏམ་ཀློག་གམ་
D87.044.0126a03.01རབ་ཏུ་སྟེན་བྱེད་པ། །དེ་དག་བསོད་ནམས་མཐའ་ཡས་རྒྱལ་བས་གསུངས། །དེ་ཡི་ཚད་ནི་རྒྱལ་བ་རྣམ་བརྗོད་དོ། །གང་གིས་ཞིང་ནི་གང་གཱའི་བྱེ་མ་སྙེད། །རིན་ཆེན་བཀང་སྟེ་རྒྱལ་ལ་ཕུལ་བ་བས། །གང་གིས་འདི་ལ་ཚིག་བཞིའི་ཚིགས་བཅད་ཀློག །བསོད་ནམས་འདི་ཡི་གྲངས་
D87.044.0126a04.01སུའང་མི་ཕོད་དོ། །འོད་སྲུང་བྱང་ཆུབ་སེམས་དཔའ་ནི་མིང་ཙམ་གྱིས་བྱང་ཆུབ་སེམས་དཔའ་ཞེས་མི་བྱའི་འོད་སྲུང་བྱང་ཆུབ་སེམས་དཔའ་ཆོས་སྤྱོད་པ་དང་། སྙོམས་པར་སྤྱོད་པ་དང་། དགེ་བ་སྤྱོད་པ་དང་། ཆོས་ལ་གནས་པ་དང་ལྡན་པ་ལ་བྱང་ཆུབ་སེམས་དཔའ་ཞེས་བྱའོ། །
D87.044.0126a05.01འོད་སྲུང་གཞན་ཡང་བྱང་ཆུབ་སེམས་དཔའ་ཆོས་སུམ་ཅུ་རྩ་གཉིས་དང་ལྡན་ན་བྱང་ཆུབ་སེམས་དཔའ་ཞེས་བྱ་སྟེ། སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་ཕན་པ་དང་། བདེ་བར་བྱ་བའི་ལྷག་པའི་བསམ་པ་དང་། ཐམས་ཅད་མཁྱེན་པའི་ཡེ་
D87.044.0126a06.01ཤེས་ལ་འཛུད་པ་དང་། བདག་ཅི་རེ་ཞེས་ཡོངས་སུ་འཇལ་ཞིང་གཞན་གྱི་ཤེས་པ་ལ་མི་སྨོད་པ་དང་། ང་རྒྱལ་མེད་པ་དང་། ལྷག་པའི་བསམ་པ་བརྟན་པ་དང་། བཅོས་མ་མ་ཡིན་པའི་བྱམས་པ་དང་། མཛའ་བ་དང་མི་མཛའ་བ་ལ་སེམས་སྙོམས་པ་དང་། མྱ་ངན་
D87.044.0126a07.01