完整藏文原文 · 德格版页 当前仅加载第 44 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཡང་དག་པར་སྡུད་པའི་བརྩོན་འགྲུས་ཏེ། འོད་སྲུང་ཆོས་བཞི་པོ་དེ་དག་ནི་བྱང་ཆུབ་སེམས་དཔའི་དགེ་བའི་རྩ་བའི་ཆོས་ཐམས་ཅད་སྡུད་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། དགོན་པར་གནས་ཤིང་ཚུལ་འཆོས་རྣམ་པར་སྤོང་། །རྒྱལ་གསུངས་བསྡུ་བ་སེམས་ཅན་རྣམས་
D87.044.0125b01.01ལ་བྱེད། །དམ་ཆོས་ཡོངས་སུ་བཙལ་བ་བརྩམ་བྱས་ནས། །ལུས་དང་སྲོག་ཀྱང་ཡོངས་སུ་གཏོང་བར་བྱེད། །དགེ་བའི་རྩ་བ་ཤིན་ཏུ་མི་ཉུང་བ། །ཡང་དག་བསྒྲུབ་ཕྱིར་རྟག་ཏུ་ངོམས་མི་མྱོང་། །དགེ་བའི་ཆོས་རྣམས་ཡང་དག་བསྡུ་བའི་ཕྱིར། །ཆོས་བཞི་འདི་དག་བདེ་བར་
D87.044.0125b02.01གཤེགས་པས་གསུངས། །འོད་སྲུང་བཞི་པོ་འདི་དག་ནི་བྱང་ཆུབ་སེམས་དཔའི་བསོད་ནམས་ཀྱི་ཚོགས་དཔག་ཏུ་མེད་པ་སྟེ། བཞི་གང་ཞེ་ན། འདི་ལྟ་སྟེ། ཟང་ཟིང་མེད་པའི་སེམས་ཀྱིས་ཆོས་སྦྱིན་པ་དང་། ཚུལ་ཁྲིམས་འཆལ་པ་རྣམས་ལ་ཆེར་སྙིང་རྗེ་བ་དང་། སེམས་ཅན་
D87.044.0125b03.01ཐམས་ཅད་ལ་བྱང་ཆུབ་ཀྱི་སེམས་སྟོན་པ་དང་། ཉམ་ཆུང་བ་རྣམས་ལ་བཟོད་པ་སྟེན་པ་སྟེ། འོད་སྲུང་བཞི་པོ་དེ་དག་ནི་བྱང་ཆུབ་སེམས་དཔའི་བསོད་ནམས་ཀྱི་ཚོགས་དཔག་ཏུ་མེད་པའོ། །དེ་ལ་འདི་སྐད་ཅེས་བྱ་སྟེ། དག་ཅིང་ཟང་ཟིང་མེད་པའི་སེམས་ཀྱིས་སུ། །ཆོས་ཀྱི་
D87.044.0125b04.01སྦྱིན་བྱེད་རྒྱལ་བས་རབ་ཏུ་བསྔགས། །ཚུལ་ཁྲིམས་མི་ལྡན་པ་ལ་སྙིང་རྗེ་ཆེ། །གཞན་དག་བྱང་ཆུབ་ཕྱིར་ནི་སེམས་སྐྱེད་འཇུག །ཉམ་ཆུང་རྣམས་ལ་བཟོད་པས་དང་དུ་ལེན། །འདི་ནི་དགེ་ཆོས་སྡུད་པར་གསུངས་པ་སྟེ། །འདི་དག་བསྟེན་ན་རྒྱལ་བར་འགྱུར་བས་ན། །བྱང་
D87.044.0125b05.01ཆུབ་སེམས་དཔས་དེ་དག་རྟག་ཏུ་བསྟེན། །འོད་སྲུང་ཆོས་བཞི་པོ་འདི་དག་ནི་བྱང་ཆུབ་སེམས་དཔའི་མ་རིག་པའི་བག་ཆགས་ཀྱི་སའི་ཉོན་མོངས་པ་འཇོམས་པར་འགྱུར་བ་སྟེ། བཞི་གང་ཞེ་ན། འདི་ལྟ་སྟེ། ཚུལ་ཁྲིམས་ཀྱི་སྡོམ་པ་ཡང་དག་པར་འཛིན་པ་དང་། དམ་པའི་ཆོས་ཡོངས་
D87.044.0125b06.01སུ་འཛིན་པ་དང་། སྒྲོན་མ་སྦྱིན་པ་དང་། ཐ་ན་འདྲིས་པ་རྣམས་ལ་ཡང་སྦྱིན་པ་སྟེ། འོད་སྲུང་ཆོས་བཞི་པོ་འདི་དག་ནི་བྱང་ཆུབ་སེམས་དཔའི་མ་རིག་པའི་བག་ཆགས་ཀྱི་སའི་ཉོན་མོངས་པ་འཇོམས་པར་བྱེད་པའོ། །དེ་ལ་འདི་སྐད་ཅེས་བྱ་སྟེ། ཚུལ་ཁྲིམས་སྡོམ་པ་ཡང་དག་འཛིན་བྱེད་
D87.044.0125b07.01