完整藏文原文 · 德格版页 当前仅加载第 44 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་ང་རྒྱལ་མེད་པའི་ཕྱིར་སེམས་ཁྱི་དང་འདྲ་བ་ཡིན། ཆོས་ཀྱི་རྙེད་པས་ཆོག་པར་འཛིན་ཏེ། ལོག་པས་འཚོ་བ་ཐམས་ཅད་ཡོངས་སུ་སྤངས་ཤིང་འཕགས་པའི་རིགས་ཀྱིས་ཆོག་པར་འཛིན་པ་ཡིན། གཞན་དག་གི་ལྟུང་བ་བྱུང་བ་དང་མ་བྱུང་བ་མི་གླེང་ཞིང་གཞན་དག་གི་
D87.044.0121b01.01འཁྲུལ་པ་གཞན་དང་གཞན་མི་ཚོལ་བ་ཡིན། སངས་རྒྱས་ཀྱི་ཆོས་ཟབ་མོ་གང་དག་དེའི་བློས་མི་རྟོགས་པ་དེ་ལ་སངས་རྒྱས་ཀྱི་བྱང་ཆུབ་ནི་མཐའ་ཡས་ཤིང་སེམས་ཅན་མོས་པ་ཐ་དད་པ་རྣམས་ལ་དེ་བཞིན་གཤེགས་པ་རྣམས་ཀྱི་ཆོས་བསྟན་པ་འཇུག་སྟེ། དེ་བཞིན་གཤེགས་
D87.044.0121b02.01པ་ཉིད་ཀྱིས་མཁྱེན་ཀྱི་བདག་གིས་ནི་མི་ཤེས་ཏེ། དེ་བཞིན་གཤེགས་པས་མངོན་སུམ་མོ་ཞེས་བྱས་ནས་མི་སྤོང་བ་སྟེ། འོད་སྲུང་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་ཁྱད་པར་དུ་འགྲོ་བས་ཡོངས་སུ་མི་ཉམས་པའི་ཆོས་ཅན་དུ་འགྱུར་རོ། །དེ་ལ་འདི་སྐད་ཅེས་བྱ་སྟེ།
D87.044.0121b03.01དེ་ནི་རྟག་ཏུ་ཕ་རོལ་ཕྱིན་རྣམས་དང་། །ཐབས་ལ་མཁས་དང་བྱང་ཆུབ་སྡེ་སྣོད་བརྩོན། །ང་རྒྱལ་མེད་པས་ཁྱི་འདྲའི་སེམས་ཀྱིས་སུ། །སེམས་ཅན་ཀུན་ལ་ང་རྒྱལ་བཅག་པ་ཡིན། །ཆོས་དང་འཐུན་པའི་རྙེད་པས་ཆོག་སེམས་ཤིང་། །འཚོ་བ་ཡོངས་དག་འཕགས་པའི་
D87.044.0121b04.01རིགས་ལ་གནས། །གཞན་གྱི་འཁྲུལ་པ་ཚོལ་བར་མི་བྱེད་ཅིང་། །གཞན་གྱི་ལྟུང་བ་གླེང་བར་མི་བྱེད་དོ། །གང་ལ་དེ་ཡི་བློས་ནི་མི་རྟོགས་པ། །དེ་ལ་དེ་བཞིན་གཤེགས་པ་མངོན་སུམ་སྟེ། །བདེ་གཤེགས་བཤད་པའི་བྱང་ཆུབ་མཐའ་ཡས་པས། །རྒྱལ་བས་མཁྱེན་གྱི་བདག་གིས་
D87.044.0121b05.01མི་ཤེས་སོ། །ཆོས་བཞི་འདི་དག་རིག་པར་གྱུར་པ་ནི། །ཡེ་ཤེས་ཁྱད་པར་འཕགས་མཆོག་ཉམས་མི་འགྱུར། །ཆོས་འདི་དག་ལ་རབ་ཏུ་གནས་པ་ནི། །རྒྱལ་བས་བསྔགས་པའི་བྱང་ཆུབ་རྙེད་མི་དཀའ། །འོད་སྲུང་ཆོས་བཞི་པོ་འདི་དག་ནི་གྱ་གྱུ་ཅན་གྱི་སེམས་བསྐྱེད་པ་སྟེ།
D87.044.0121b06.01དེ་དག་བྱང་ཆུབ་སེམས་དཔས་ཡོངས་སུ་སྤང་བར་བྱའོ། །བཞི་གང་ཞེ་ན། འདི་ལྟ་སྟེ། སངས་རྒྱས་ཀྱི་ཆོས་རྣམས་ལ་སོམ་ཉི་དང་ཡིད་གཉིས་དང་ཐེ་ཚོམ་ཟ་བ་དང་། སེམས་ཅན་རྣམས་ལ་ང་རྒྱལ་དང་། རྒྱགས་པ་དང་། འཆབ་པ་དང་། ཁྲོ་བ་དང་། གནོད་པར་
D87.044.0121b07.01