完整藏文原文 · 德格版页 当前仅加载第 44 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །འོད་སྲུང་དེ་བཞིན་དུ་བྱང་ཆུབ་སེམས་དཔའི་ཤེས་རབ་ཀྱང་སེམས་ཅན་ཐམས་ཅད་ཀྱི་དཀར་པོའི་ཆོས་ཐམས་ཅད་ཡོངས་སུ་སྨིན་པར་བྱེད་དོ། །དེ་ལ་འདི་སྐད་ཅེས་བྱ་སྟེ། དཔེར་ན་མེ་ནི་རྩྭ་དང་སྨན་རྣམས་དང་། །ལོ་ཏོག་ཐམས་ཅད་ཡོངས་སུ་སྨིན་
D87.044.0128a01.01པར་བྱེད། །དེ་བཞིན་བདེ་གཤེགས་སྲས་ཀྱི་ཤེས་རབ་ཀྱང་། །སྐྱེ་བོ་རྣམས་ཀྱི་དགེ་བའི་ཆོས་སྨིན་བྱེད། །འོད་སྲུང་འདི་ལྟ་སྟེ། དཔེར་ན་རླུང་གི་ཁམས་ནི་སངས་རྒྱས་ཀྱི་ཞིང་ཐམས་ཅད་རྣམ་པར་སྒྲུབ་བོ། །འོད་སྲུང་དེ་བཞིན་དུ་བྱང་ཆུབ་སེམས་དཔའི་ཐབས་མཁས་པ་ཡང་
D87.044.0128a02.01སེམས་ཅན་ཐམས་ཅད་ལ་སངས་རྒྱས་ཀྱི་ཆོས་ཐམས་ཅད་རྣམ་པར་སྒྲུབ་བོ། །དེ་ལ་འདི་སྐད་ཅེས་བྱ་སྟེ། དཔེར་ན་རླུང་ནི་སངས་རྒྱས་དགོངས་པ་བཞིན། །རྣམ་པ་སྣ་ཚོགས་ཞིང་རྣམས་རྣམ་པར་སྒྲུབ། །དེ་བཞིན་རྒྱལ་སྲས་རྣམས་ཀྱི་ཐབས་མཁས་ཀྱང་། །བདེ་གཤེགས་
D87.044.0128a03.01གསུངས་པའི་ཆོས་མཆོག་རྣམ་པར་སྒྲུབ། །འོད་སྲུང་འདི་ལྟ་སྟེ་དཔེར་ན་བདུད་སྡིག་ཅན་གྱི་དཔུང་གི་ཚོགས་ཡན་ལག་བཞི་པ་ནི་འདོད་པ་ན་སྤྱོད་པའི་ལྷ་ཐམས་ཅད་ཀྱི་ཟིལ་གྱིས་གནོན་པ་འམ། ཡོངས་སུ་ཟད་པར་བྱ་བར་མི་ནུས་སོ། །འོད་སྲུང་དེ་བཞིན་དུ་བྱང་ཆུབ་སེམས་དཔའ་
D87.044.0128a04.01བསམ་པ་དག་པ་ཡང་བདུད་ཐམས་ཅད་ཀྱི་ཟིལ་གྱིས་གནོན་པ་འམ། ཡོངས་སུ་ཟད་པར་བྱ་བར་མི་ནུས་སོ། །འོད་སྲུང་འདི་ལྟ་སྟེ། དཔེར་ན་ཟླ་བ་ཡར་གྱི་ངོ་ལ་ཟླ་བའི་དཀྱིལ་འཁོར་སྐྱེ་ཞིང་གང་བར་འགྱུར་རོ། །འོད་སྲུང་དེ་བཞིན་དུ་བྱང་ཆུབ་སེམས་དཔའ་བསམ་པ་དག་པ་ཡང་
D87.044.0128a05.01དཀར་པོའི་ཆོས་ཐམས་ཅད་ཀྱིས་རྫོགས་ཤིང་རྒྱས་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། དཔེར་ན་ཟླ་བའི་དཀྱིལ་འཁོར་ཡར་ངོ་ལ། །སྐྱེ་ཞིང་ཡོངས་སུ་གང་འགྱུར་འབྲི་མི་འགྱུར། །དེ་བཞིན་བསམ་དག་བྱང་ཆུབ་སེམས་དཔའ་ཡང་། །དཀར་པོའི་ཆོས་ཀྱིས་རྟག་ཏུ་རྒྱས་
D87.044.0128a06.01པར་འགྱུར། །འོད་སྲུང་འདི་ལྟ་སྟེ། དཔེར་ན་ཉི་མའི་དཀྱིལ་འཁོར་ལས་ལས་ལན་ཅིག་བྱུང་བའི་འོད་ཟེར་རྣམས་ཀྱིས་སེམས་ཅན་ཐམས་ཅད་ལ་སྣང་བར་བྱེད་དོ། །འོད་སྲུང་དེ་བཞིན་དུ་བྱང་ཆུབ་སེམས་དཔའ་རྣམས་ཀྱིས་ལན་ཅིག་བྱུང་བའི་ཤེས་རབ་ཀྱི་འོད་ཟེར་རྣམས་ཀྱིས་ཀྱང་སེམས་ཅན་
D87.044.0128a07.01