完整藏文原文 · 德格版页 当前仅加载第 44 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་པ་དང་། གཞན་གྱི་རྙེད་པ་རྣམས་ལ་ཕྲག་དོག་དང་སེར་སྣ་བྱེད་པ་དང་། བྱང་ཆུབ་སེམས་དཔའ་རྣམས་ལ་བསྔགས་པ་མ་ཡིན་པ་དང་། མི་སྙན་པ་དང་། བརྗོད་པ་མ་ཡིན་པའི་སྒྲས་ཚིགས་སུ་བཅད་པ་འབྱིན་པ་སྟེ། འོད་སྲུང་བཞི་པོ་དེ་དག་ནི་གྱ་གྱུ་ཅན་
D87.044.0122a01.01གྱི་སེམས་བསྐྱེད་པ་སྟེ། དེ་དག་བྱང་ཆུབ་སེམས་དཔས་ཡོངས་སུ་སྤང་བར་བྱའོ། །དེ་ལ་འདི་སྐད་ཅེས་བྱ་སྟེ། ཆོས་རྣམས་ལ་ནི་སོམ་ཉི་ཡིད་གཉིས་བྱེད། །སེམས་ཅན་རྣམས་ལ་ང་རྒྱལ་རྒྱགས་ཁྲོ་སྟེན། །གཞན་གྱི་རྙེད་ལ་སེར་སྣ་ཕྲག་དོག་བྱེད། །རྒྱལ་བ་ལ་ནི་ནམས་ཀྱང་
D87.044.0122a02.01དད་མི་བྱེད། །མི་མཁས་རྟག་ཏུ་བྱང་ཆུབ་སེམས་དཔའ་ལ། །བསྔགས་པ་མིན་དང་བརྗོད་མིན་མི་སྙན་བརྗོད། །གྱ་གྱུ་ཅན་གྱི་སེམས་བཞི་རྣམ་པར་སྤང་། །བྱང་ཆུབ་སེམས་དཔས་རྟག་ཏུ་སེམས་ཅན་བསྟེན། །འོད་སྲུང་བཞི་པོ་འདི་དག་ནི་བྱང་ཆུབ་སེམས་དཔའ་དྲང་པོའི་དྲང་བའི་
D87.044.0122a03.01མཚན་ཉིད་ཡིན་ཏེ་བཞི་གང་ཞེ་ན། འདི་ལྟ་སྟེ། ལྟུང་བ་བྱུང་བ་རྣམས་མི་འཆབ་ཅིང་རྗོད་དེ་རྣམ་པར་འབྱེད་པ་དང་། འཆགས་པས་ཀུན་ནས་ལྡང་བ་མེད་པ་ཡིན། དེའི་བདེན་པའི་ཚིག་གང་གིས་རྒྱལ་སྲིད་སྟོར་བ་འམ། ནོར་ཡལ་བ་འམ། སྲོག་གི་བར་ཆད་དུ་འགྱུར་ཡང་བདེན་པའི་ཚིག་
D87.044.0122a04.01མི་མཁྱུད་ཅིང་གཞན་ནས་གཞན་དུ་སྒྱུར་བའི་ཚིག་མི་སྨྲ་བ་ཡིན། གཞན་གྱིས་གནོད་པར་བྱ་བ་སྐུར་པ་དང་། མཚང་འདྲུ་བ་དང་། སྨོད་པ་དང་། བཤུང་བ་དང་། སྡིགས་པ་དང་། རྡེག་པ་དང་། གསོད་པ་དང་། འཆིང་བར་བྱེད་པའི་ཉེས་པ་ཐམས་ཅད་ལ་བདག་གིས་ཉེས་པར་
D87.044.0122a05.01སེམས་ཤིང་ལས་ཀྱི་རྣམ་པར་སྨིན་པ་ལ་རྟོན་པས་གཞན་དག་ལ་མི་འཁྲུག་ཅིང་འཁོན་དུ་འཛིན་པ་མེད་པ་ཡིན། དེ་དད་པ་ལ་རབ་ཏུ་གནས་པ་ཡིན་ཏེ། བསམ་པ་ཡོངས་སུ་དག་པའི་ཕྱིར་ཐམས་ཅད་དད་པར་མི་འགྱུར་བའི་སངས་རྒྱས་ཀྱི་ཆོས་ལ་མངོན་པར་དད་པ་སྟེ། འོད་སྲུང་བཞི་
D87.044.0122a06.01པོ་དེ་དག་ནི་བྱང་ཆུབ་སེམས་དཔའ་དྲང་པོའི་དྲང་བའི་མཚན་ཉིད་ཡིན་ནོ། །དེ་ལ་འདི་སྐད་ཅེས་བྱ་སྟེ། ལྟུང་བ་བྱུང་བ་འཆབ་པར་མི་བྱེད་ཀྱི། །རྗོད་ཅིང་རྣམ་པར་འབྱེད་དེ་ཉེས་པར་འདོད། །ནོར་དང་རྒྱལ་སྲིད་ཕྱིར་དང་སྲོག་ཕྱིར་ཡང་། །འདུ་ཤེས་བསྒྱུར་ཏེ་{བརྫུན་,རྫུན་}པའི་ཚིག་མི་སྨྲ། །
D87.044.0122a07.01