完整藏文原文 · 德格版页 当前仅加载第 44 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཡང་འཁྲུགས་པར་མི་འགྱུར་ཞིང་བཟོད་པ་ཡོངས་སུ་རྫོགས་པར་གྱུར་ཏེ། རྣམ་གྲངས་དེས་ཀྱང་སེམས་ཅན་རྣམས་ཀྱི་དོན་བྱས་པ་ཡིན་ནོ། །གང་གི་ཚེ་ལྷས་བྱིན་གྱིས་དེ་བཞིན་གཤེགས་པ་དགྲོངས་པའི་ཕྱིར། གཤེད་མ་པའི་མི་དག་རྦད་པ་དང་། དེ་
D82.044.0069b01.01བཞིན་གཤེགས་པ་བཀྲོངས་པའི་ཕྱིར་གླང་པོ་ཆེ་གདུག་པ་ནོར་སྐྱོང་རྦད་པ་དང་། དེ་བཞིན་གཤེགས་པ་དགྲོངས་པའི་ཕྱིར། དེ་བཞིན་གཤེགས་པ་ལ་རྡོ་འཕངས་པ་གང་ཡིན་པ་དེ་ཡང་དེ་བཞིན་གཤེགས་པའི་ཐབས་ལ་མཁས་པ་ཡིན་པར་བལྟ་བར་བྱའི། ལས་
D82.044.0069b02.01ཀྱི་སྒྲིབ་པའི་ཉེས་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཐབས་ལ་མཁས་པ་དེ་ལ་བརྟེན་ནས་སེམས་ཅན་དཔག་ཏུ་མེད་པ་དག་གི་དོན་མཛད་པའི་ཕྱིར་ཏེ། རིགས་ཀྱི་བུ་མདོར་ན་ལྷས་བྱིན་དེ་ནི་ངའི་སྟོན་པ་ཕན་པར་འདོད་པ་ཡིན་ནོ། །ལས་ཀྱི་རྒྱུད་བཅུ་པོ་
D82.044.0069b03.01ཐམས་ཅད་ཀྱང་དེ་བཞིན་གཤེགས་པའི་ཐབས་ལ་མཁས་པ་ཡིན་པར་བལྟ་བར་བྱའི། ལས་ཀྱི་སྒྲིབ་པའི་ཉེས་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་ལས་ཀྱི་བྱ་བ་དང་། རྣམ་པར་སྨིན་པ་ཆུད་གཟོན་པ་རྣམས་ལས་ཀྱི་བྱ་བ་དང་། རྣམ་པར་
D82.044.0069b04.01སྨིན་པ་ལ་འཇུག་པར་བྱ་བའི་ཕྱིར། དེ་བཞིན་གཤེགས་པས་ཐབས་ལ་མཁས་པས་སེམས་ཅན་རྣམས་ལ་ལས་ཆེ་གེ་མོ་ཞིག་གི་རྣམ་པར་སྨིན་པ་ནི་འདི་ཡིན་ནོ། །ལས་ཆེ་གེ་མོ་ཞིག་གི་རྣམ་པར་སྨིན་པ་ནི་འདི་ཡིན་ནོ། །ཞེས་ལས་ཀྱི་རྒྱུད་ཀུན་ཏུ་བསྟན་ཏེ།
D82.044.0069b05.01དེ་ཐོས་ནས་སེམས་ཅན་རྣམས་མི་དགེ་བའི་ལས་ཀྱི་སྒྲིབ་པ་དང་། དགེ་བའི་ལས་ཀྱི་སྒྲིབ་པ་དང་། དགེ་བའི་ལས་མངོན་པར་འདུ་བྱ་བ་ལ་མི་གཡེལ་བར་སྤྱོད་པར་འགྱུར་བའི་ཕྱིར་རོ། །རིགས་ཀྱི་བུ་ཐབས་ལ་མཁས་པ་བསྟན་པ་བཤད་པ་འདི་ནི་གསང་བར་བྱ་བ་
D82.044.0069b06.01ཡིན་ཏེ། སེམས་ཅན་དམན་པ་དགེ་བའི་རྩ་བ་ཆུང་ངུ་རྣམས་ཀྱི་མདུན་དུ་བརྗོད་པར་མི་བྱ། བསྟན་པར་མི་བྱ། བཤད་པར་མི་བྱ། བཀླག་པར་མི་བྱའོ། །དེ་ཅིའི་ཕྱིར་ཞེ་ན། བསྟན་པ་འདི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཡང་མ་ཡིན་
D82.044.0069b07.01