完整藏文原文 · 德格版页 当前仅加载第 44 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་དུ་ཕྱིན་པ་དང་། ཚོང་དཔོན་དེ་ལ་བུ་མོ་དཔལ་ཡོན་ཅན་གྱི་མཆོག་ཅེས་བྱ་བ་ཕྱུག་ཆུང་ཞིག་ཡོད་པར་གྱུར་པ་ཁང་{བཟངས་ཀྱི་,བཟང་གི་}སྟེང་ན་འདུག་པ་དེས་དགེ་སློང་དེའི་སྐད་ཐོས་ནས་བསོད་སྙོམས་ཐོགས་ཏེ་བྱང་ཆུབ་སེམས་དཔའ་དགའ་བྱེད་ག་ལ་བ་དེར་སོང་ངོ་། །དེ་ནས་བུ་མོ་དཔལ་
D82.044.0040b01.01ཡོན་ཅན་གྱི་མཆོག་གིས་བྱང་ཆུབ་སེམས་དཔའ་དགའ་བྱེད་མཐོང་མ་ཐག་ཏུ་འདོད་ཆགས་ཀྱིས་ཀུན་ནས་དཀྲིས་པའི་སེམས་ཀྱིས་དཔེ་བྱད་ལས་བྱད་བཞིན་དང་སྒྲ་སྐད་དང་། ཁ་དོག་གི་མཚན་མ་གཟུང་བ་དང་། དེ་འདོད་ཆགས་ཀྱིས་ཀུན་ནས་དཀྲིས་པའི་སེམས་དང་། འདོད་
D82.044.0040b02.01ཆགས་ཀྱིས་ཀུན་ནས་བསླང་བའི་སེམས་དང་། འདོད་ཆགས་ཀྱིས་ཡོངས་སུ་གཏུགས་པའི་སེམས་དང་། འདོད་ཆགས་ཀྱིས་ཡོངས་སུ་གདུངས་པའི་སེམས་ཀྱིས་བསྲེགས་པས་ལུས་རྔུལ་བར་གྱུར་ནས་འགྲེང་བཞིན་དུ་འཆི་བའི་དུས་བྱས་པར་གྱུར་ཏོ། །བྱང་ཆུབ་སེམས་
D82.044.0040b03.01དཔའ་དགའ་བྱེད་ཀྱང་བུ་མོ་དཔལ་ཡོན་ཅན་གྱི་མཆོག་མཐོང་ནས་ཚུལ་བཞིན་མ་ཡིན་པ་ཡིད་ལ་བྱེད་པའི་རྣམ་པར་རྟོག་པ་འདི་ལྟ་སྟེ། འདོད་ཆགས་དང་བཅས་པའི་སེམས་སྐྱེས་པར་གྱུར་ནས་ཡུད་ཙམ་ཞིག་ན་དེ་ལ་དྲན་པ་འདི་ལྟ་བུ་སྐྱེས་པར་གྱུར་ཏེ། ཆོས་གང་ལ་ཆགས་
D82.044.0040b04.01པར་གྱུར་པའི་ཆོས་དེ་གང་ཡིན། ཅི་མིག་མིག་ལ་ཆགས་སམ། མིག་ནི་ཆགས་པ་མི་ཡིན་ཏེ། གཡོ་བ་མེད་པ། བྱེད་པ་མེད་པ། སེམས་པ་མེད་པ། འདུས་བྱས་པ། རིམ་པ་བདུན་པ། ཤའི་རི་ལུ་ཡིན་ཏེ། མིག་དེ་ནི་རང་བཞིན་གྱིས་སྟོང་པའི་ཕྱིར་སེམས་པར་མི་
D82.044.0040b05.01བྱེད། ཚོར་བར་མི་བྱེད་དོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། པགས་པ་དང་། མདོག་དང་། ཤ་ཡང་དེ་དང་འདྲ་སྟེ། དེས་རྐང་མཐིལ་ཡན་ཆད་{གླད་པ་,ཀླད་པ་}མན་ཆད་ཀྱི་བར་ལ་སོ་སོར་བརྟགས་ན་ནང་དང་ཕྱི་རོལ་ན་གང་ཆགས་པར་འགྱུར་བའམ། སྡང་བར་
D82.044.0040b06.01འགྱུར་བའམ། རྨོངས་པར་འགྱུར་བའི་ཆོས་འགའ་ཡང་མ་དམིགས་སོ། །དེས་མ་དམིགས་ནས་འདོད་ཆགས་ཀྱི་སེམས་དང་བྲལ་བར་གྱུར་ཅིང་། དེས་སེམས་ཀྱིས་ཡང་དག་པ་ཇི་ལྟ་བ་བཞིན་དུ་སོ་སོར་བརྟགས་པས་ཆོས་ཐམས་ཅད་མ་སྐྱེས་པར་རིག་ནས་མི་སྐྱེ་བའི་ཆོས་ལ་
D82.044.0040b07.01