完整藏文原文 · 德格版页 当前仅加载第 44 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྲོ་བར་འགྱུར་བའི་ལས་གང་ཡིན་པ་དེ་ཡང་བྱང་ཆུབ་སེམས་དཔའ་ཐབས་ལ་མཁས་པ་ལ་ཚངས་པའི་འཇིག་རྟེན་དུ་སྐྱེ་བར་འགྱུར་བ་ལ་ལྟོས། དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་དམ་པ་ལ་འདི་སྐད་
D82.044.0038a01.01ཅེས་བཀའ་སྩལ་ཏོ། །རིགས་ཀྱི་བུ་གལ་ཏེ་དགེ་སློང་ཤཱ་རིའི་བུ་དང་། མཽད་གལ་གྱི་བུ་དག་ཐབས་ལ་མཁས་པ་ཡིན་པར་གྱུར་ན་ནི་དགེ་སློང་ཀོ་ཀ་ལི་ཀ་ཡང་སེམས་ཅན་དམྱལ་བར་འགྲོ་བར་མི་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་ངས་མངོན་པར་ཤེས་པའི་ཕྱིར་ཏེ། སྔོན་
D82.044.0038a02.01འདས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཁོར་བ་འཇིག་གི་གསུང་རབ་ལ་དགེ་སློང་དྲི་མེད་ཅེས་བྱ་བ་ཆོས་སྨྲ་བ་ཞིག་བྱུང་བར་གྱུར་ཏོ། །དེ་དགོན་པའི་ཕུག་ཞིག་ན་གནས་སོ། །དེ་དང་ཧ་ཅང་ཡང་མི་རིང་བ་ན་དྲང་སྲོང་ལྔ་བརྒྱ་ཞིག་
D82.044.0038a03.01ཀྱང་གནས་ཏེ། དེའི་ཚེ་ན་དུས་མ་ཡིན་པར་སྤྲིན་ཆེན་པོ་འདུས་ཤིང་ཆར་ཆེན་པོ་བབས་པར་གྱུར་ཏོ། །དེ་ནས་བུད་མེད་གཉིས་ཤིག་གྲོང་བར་གྱི་ལམ་ན་འདུག་པ་དེ་གཉིས་ཆར་པ་དེ་བསྐྱབ་པའི་ཕྱིར་དགེ་སློང་དྲི་མེད་གནས་པའི་ཕུག་ཏུ་ཞུགས་ཏེ། ཕུག་དེ་ནས་ཕྱིར་བྱུང་བ་དང་།
D82.044.0038a04.01དྲང་སྲོང་ལྔ་བརྒྱ་ཙམ་པོ་དེ་དག་གིས་བུད་མེད་དེ་གཉིས་དགེ་སློང་དྲི་མེད་ཀྱི་ཕུག་ནས་ཕྱིར་བྱུང་བ་མཐོང་ངོ་། །མཐོང་ནས་ཀྱང་དྲང་སྲོང་ལྔ་བརྒྱ་ཙམ་པོ་དེ་དག་འདི་སྙམ་དུ་ཨེ་མའོ་དགེ་སློང་དྲི་མེད་འདི་ནི་སྡིག་པ་འདོད་པ་མི་ཚངས་པར་སྤྱོད་པ་ཡིན་ནོ་སྙམ་ནས་ཐབ་དང་ཞེ་སྡང་གི་འདུ་ཤེས་
D82.044.0038a05.01སྐྱེས་པར་གྱུར་ཏོ། །དེ་ནས་དགེ་སློང་དྲི་མེད་ཀྱིས་དྲང་སྲོང་ལྔ་བརྒྱ་ཙམ་པོ་དེ་དག་གི་སེམས་ཀྱི་ཡོངས་སུ་རྟོག་པ་སེམས་ཀྱིས་ཤེས་ནས་དེའི་ཚེ་སྟེང་གི་བར་སྣང་གི་ནམ་མཁའ་ལ་ཏ་ལ་བདུན་སྲིད་ཙམ་དུ་མངོན་པར་འཕགས་ཏེ་འདུག་པ་དྲང་སྲོང་དེ་དག་གིས་མཐོང་ནས་དེ་དག་འདི་
D82.044.0038a06.01སྙམ་དུ་སེམས་ཏེ། བདག་ཅག་གི་བསྟན་བཅོས་དག་ལས་མི་ཚངས་པར་སྤྱོད་པས་ནི་སྟེང་གི་བར་སྣང་ལ་མངོན་པར་འཕགས་ཏེ་འདུག་པར་མི་ནུས་སོ་ཞེས་འབྱུང་སྙམ་ནས། དེ་དག་གིས་དེའི་མོད་ལ་དགེ་སློང་དྲི་མེད་ཀྱི་རྐང་པ་ལ་ཡན་ལག་ལྔས་གཏུགས་ཏེ་ཉེས་པ་ལ་ཉེས་
D82.044.0038a07.01