完整藏文原文 · 德格版页 当前仅加载第 44 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་རབ་ཏུ་ཉོན་ལ་ཚུལ་བཞིན་དུ་ཡིད་ལ་ཟུང་ཤིག་དང་། ཐབས་ལ་མཁས་པའི་ཕ་རོལ་ཏུ་ཕྱིན་པ་ལ་འཇུག་པ་ཞེས་བྱ་བའི་ཆོས་ཀྱི་རྣམ་གྲངས་བཤད་པར་བྱའོ། །ཇི་ལྟར་བྱང་ཆུབ་སེམས་དཔའ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D82.044.0047a01.01སངས་རྒྱས་མར་མེ་མཛད་ཚུན་ཆད་དུ་ཐབས་ལ་མཁས་པ་བསམ་གྱིས་མི་ཁྱབ་པ་བསྟན་པ་གང་ཡིན་པ་དེ་དག་ལས་ཕྱོགས་ཙམ་ཞིག་བསྟན་པར་བྱ་སྟེ། རིགས་ཀྱི་བུ་གང་གི་ཚེ་བྱང་ཆུབ་སེམས་དཔས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་
D82.044.0047a02.01མེ་མཛད་མཐོང་མ་ཐག་ཏུ་མི་སྐྱེ་བའི་ཆོས་ལ་བཟོད་པ་འཐོབ་པའི་བར་དེར་བྱང་ཆུབ་སེམས་དཔའ་ནི་འཁྲུལ་པ་མེད་པ་དང་། ཅ་ཅོ་མེད་པ་དང་། བརྗེད་པ་མེད་པ་དང་། སེམས་རྣམ་པར་གཡེངས་པ་མེད་པ་དང་། ཤེས་རབ་ཉམས་པ་མེད་པ་ཡིན་ཏེ། རིགས་ཀྱི་བུ་མི་སྐྱེ་བའི་ཆོས་ལ་
D82.044.0047a03.01བཟོད་པ་ཐོབ་པའི་བྱང་ཆུབ་སེམས་དཔའ་ནི་འདོད་ན་ཞག་བདུན་གྱིས་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར། འདོད་ན་བསྐལ་པས་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར། འདོད་ན་བསྐལ་པ་བརྒྱས་ཀྱང་བྱང་ཆུབ་མངོན་པར་རྫོགས་པར་འཚང་
D82.044.0047a04.01རྒྱ་བར་འགྱུར། འདོད་ན་བསྐལ་པ་སྟོང་གིས་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར། འདོད་ན་བསྐལ་པ་འབུམ་གྱིས་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། བྱང་ཆུབ་སེམས་དཔའ་ནི་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་འདོད་
D82.044.0047a05.01ན་བསམས་བཞིན་དུ་སྲིད་པ་ལེན་ཅིང་འགྲོ་བར་ཡང་བྱེད་དོ། །དེ་ནི་ཐབས་ལ་མཁས་པ་དང་། ཤེས་རབ་ཀྱི་སྟོབས་བསྐྱེད་པས་གང་གི་ཚེ་འདོད་པ་དེའི་ཚེ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱེད་ཅིང་། འདོད་ན་ཕྱི་མའི་མཐའི་
D82.044.0047a06.01མུར་ཐུག་པའི་བསྐལ་པ་བརྒྱ་ཕྲག་མང་པོར་ཡང་ཡིད་ཡོངས་སུ་སྐྱོ་བ་མེད་པར་གནས་པར་བྱེད་དེ། དེ་ནི་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །རིགས་ཀྱི་བུ་གཞན་ཡང་ཉན་ཐོས་ཀྱང་ཞི་བའི་ཏིང་ངེ་འཛིན་དག་ལ་སྙོམས་པར་འཇུག་ལ། བྱང་ཆུབ་སེམས་དཔའ་
D82.044.0047a07.01