完整藏文原文 · 德格版页 当前仅加载第 44 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཡོངས་སུ་སྨིན་པར་བྱས་ཤིང་ལས་ཀྱི་རྣམ་པར་སྨིན་པ་བསྟན་པ་གང་ཡིན་པའི་ལས་ཀྱི་རྣམ་པར་སྨིན་པ་དེས་ཀྱང་ངས་ལོ་དྲུག་ཏུ་དཀའ་བ་སྤྱོད་པ་སྤྱད་པར་གྱུར་པས་སེམས་ཅན་མི་ཤེས་པར་སྤྱོད་པ་གཞན་དག་གིས་ནི་དགེ་སྦྱོང་དང་བྲམ་ཟེ་ཚུལ་ཁྲིམས་དང་ལྡན་པ་
D82.044.0056a01.01དག་ལ་ལྐོག་ནས་ཚིག་རྩུབ་པོ་སྨྲས་ལ། དེ་དག་གིས་ཤེས་ཀྱང་རུང་མི་ཤེས་ཀྱང་རུང་། ཤེས་པ་དང་ལྡན་ཡང་རུང་། ཤེས་པ་དང་མི་ལྡན་ཡང་རུང་སྟེ། བརྗོད་པར་གྱུར་ན་དེ་དག་ཡུན་རིང་པོར་དོན་མེད་པ་དང་། གནོད་པ་དང་སྡུག་བསྔལ་བ་དང་། ལོག་པར་ལྟུང་བར་འགྱུར་
D82.044.0056a02.01བས་ན་སེམས་ཅན་དེ་དག་ལ་ལས་ཀྱི་བྱ་བ་བསྟན་པའི་ཕྱིར་དེ་བཞིན་གཤེགས་པས་དེ་ལ་དེའི་ལས་ཀུན་ཏུ་སྟོན་པར་ཟད་ཀྱི། བྱང་ཆུབ་སེམས་དཔའ་ལ་ནི་ལས་ཀྱི་སྒྲིབ་པ་ཅུང་ཟད་ཀྱང་མེད་དོ། །གཞན་ཡང་སེམས་ཅན་གང་དག་དགེ་སྦྱོང་དང་། བྲམ་ཟེ་ཚུལ་ཁྲིམས་དང་ལྡན་པ་དག་
D82.044.0056a03.01ལ་ཚིག་རྩུབ་པོ་སྨྲས་ནས། བདག་ལ་ནི་ཐར་པའི་སྐལ་བ་མེད་དོ་སྙམ་ནས་འགྱོད་པ་ལ་གནས་ཤིང་ཕྱིན་ཆད་རྩོལ་བར་མི་བྱེད་པའི་སེམས་ཅན་དེ་དག་གི་འགྱོད་པ་བསལ་བར་བྱ་བའི་ཕྱིར་ཡང་ལས་དེ་ཀུན་ཏུ་བསྟན་ཏེ། དེ་དག་འདི་སྙམ་དུ་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་
D82.044.0056a04.01པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་ཚིག་འདི་སྐད་ཅེས་བྱང་ཆུབ་ནི་མཆོག་ཏུ་རྙེད་པར་དཀའ་བ་ཡིན་པས་དགེ་སྦྱོང་མགོ་རེག་ལ་བྱང་ཆུབ་ག་ལ་ཡོད་ཅེས་སྨྲས་ཀྱང་དེ་ལ་རྣམ་པར་གྲོལ་བའི་སྐལ་བ་ཡོད་པར་གྱུར་ན།
D82.044.0056a05.01བདག་ཅག་མི་ཤེས་པ་རྣམས་ལྟ་སྨོས་ཀྱང་ཅི་དགོས་སྙམ་དུ་སེམས་ཞིང་དེ་དག་སྡིག་པའི་ལས་ཀྱི་ཉེས་པ་དེ་ཡང་འཆགས་ལ་གཞན་དག་ཀྱང་མངོན་པར་འདུ་མི་བྱེད་པར་འགྱུར་བའི་ཕྱིར་རོ། །རིགས་ཀྱི་བུ་གཞན་ཡང་མུ་སྟེགས་ཅན་དག་གདུལ་བའི་ཕྱིར་བྱང་ཆུབ་སེམས་དཔས་ལོ་དྲུག་ཏུ་
D82.044.0056a06.01དཀའ་བ་སྤྱོད་པ་ཀུན་ཏུ་བསྟན་གྱི་ལས་ཀྱི་སྒྲིབ་པའི་རྒྱུས་ནི་མ་ཡིན་ནོ། །དེ་ཅིའི་ཕྱིར་ཞེ་ན། དགེ་སྦྱོང་དང་བྲམ་ཟེ་རྒྱ་ཤུག་དང་ཏིལ་དང་འབྲས་འབྲུ་གཅིག་ཙམ་ཟ་ཞིང་ཟས་གཞན་མི་ཟ་བས་རྣམ་པར་དག་པར་འགྱུར་བར་འདོད་པ་དག་ཡོད་པས་དེ་དག་ཚར་གཅད་པའི་ཕྱིར་བྱང་ཆུབ་སེམས་
D82.044.0056a07.01