完整藏文原文 · 德格版页 当前仅加载第 44 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་བསྒྲགས་པར་གྱུར་ན་ནི་འདི་དག་གིས་རབ་ཏུ་སྡང་བའི་སེམས་ཀྱིས་མི་འདི་ཡང་སྲོག་དང་ཕྲལ་ཞིང་བསད་པར་འགྱུར་ལ་འདི་དག་ཐམས་ཅད་ཀྱང་སེམས་ཅན་དམྱལ་བ་ཆེན་པོ་རྣམས་སུ་འགྲོ་བར་འགྱུར་རོ་སྙམ་ནས་དེ་ཡང་འདི་སྙམ་དུ་སེམས་ཏེ།
D82.044.0061a01.01འདི་ལྟར་བདག་གིས་མི་འདི་སྲོག་དང་ཕྲལ་ན་གཞི་དེས་བདག་བསྐལ་པ་འབུམ་དུ་སེམས་ཅན་དམྱལ་བ་ཆེན་པོ་རྣམས་སུ་སྲེག་པར་འགྱུར་ཡང་བདག་གིས་སེམས་ཅན་དམྱལ་བ་ཆེན་པོའི་སྡུག་བསྔལ་མྱོང་བར་འགྱུར་བ་དེ་ལ་སྤྲོ་བར་བྱའི། ཚོང་པ་ལྔ་བརྒྱ་ཙམ་པོ་འདི་དག་
D82.044.0061a02.01སྲོག་དང་ཕྲལ་བར་གྱུར་ན་ཡང་མི་རུང་ན། མི་འདི་ལ་སྡིག་པའི་ལས་དེ་སྙེད་ཅིག་རབ་ཏུ་འཕེལ་བར་གྱུར་ན་ཡང་མི་རུང་བས་བདག་རང་གིས་མི་འདི་སྲོག་དང་འབྲལ་བར་བྱའོ་སྙམ་ནས། རིགས་ཀྱི་བུ་དེ་ལྟར་དེད་དཔོན་སྙིང་རྗེ་ཆེན་པོ་དང་ལྡན་པ་དེས་ཚོང་པ་ལྔ་བརྒྱ་ཙམ་པོ་དེ་
D82.044.0061a03.01དག་ཀུན་ཏུ་བསྲུང་བ་དང་། མི་དེ་ཡང་སེམས་ཅན་དམྱལ་བ་ཆེན་པོ་རྣམས་སུ་འགྲོ་བ་ལས་ཀུན་ཏུ་བསྲུང་བའི་ཕྱིར་སྙིང་རྗེ་ཆེན་པོ་དེ་དང་ཐབས་ལ་མཁས་པ་དེས་བསམས་བཞིན་དུ་ཆོམ་རྐུན་པའི་མི་དེ་མདུང་ཐུང་གིས་བཏབ་སྟེ། སྲོག་དང་ཕྲལ་ནས་འདྲོན་པ་ཐམས་ཅད་ཀྱང་
D82.044.0061a04.01དོན་གྲུབ་ཅིང་རང་རང་གི་གྲོང་ཁྱེར་དུ་ཕྱིན་པར་གྱུར་ཏོ། །རིགས་ཀྱི་བུ་དེའི་ཚེ་དེའི་དུས་ན་དེད་དཔོན་སྙིང་རྗེ་ཆེན་པོ་དང་ལྡན་པ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་ཡིད་གཉིས་དང་ཐེ་ཚོམ་ཟ་བར་གྱུར་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་
D82.044.0061a05.01ན་དེད་དཔོན་སྙིང་རྗེ་ཆེན་པོ་དང་ལྡན་པ་ཞེས་བྱ་བ་དེར་གྱུར་པའི་ཕྱིར་རོ། །ཚོང་པ་ལྔ་བརྒྱ་ཙམ་པོ་གང་དག་གྲུ་བོ་ཆེ་དེ་ཉིད་དུ་ཞུགས་པར་གྱུར་པ་དེ་དག་ནི་གང་དག་བསྐལ་པ་བཟང་པོ་འདི་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་
D82.044.0061a06.01འགྱུར་བ་བསྐལ་པ་བཟང་པོའི་བྱང་ཆུབ་སེམས་དཔའ་ལྔ་བརྒྱ་ཡིན་ནོ། །རིགས་ཀྱི་བུ་ངས་ཐབས་ལ་མཁས་པ་དེ་དང་། སྙིང་རྗེ་ཆེན་པོ་དེས་བསྐལ་པ་འབུམ་དུ་འཁོར་བ་བསྙིལ་ཏེ་བོར་བར་གྱུར་ཏོ། །ཆོམ་རྐུན་པ་དེ་ཡང་དེ་ནས་ཤི་འཕོས་ནས་མཐོ་རིས་ཀྱི་འཇིག་རྟེན་དུ་
D82.044.0061a07.01