完整藏文原文 · 德格版页 当前仅加载第 44 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད་པ་ཐོབ་པར་གྱུར་ཏོ། །དེ་དགའ་བ་དང་། མཆོག་ཏུ་དགའ་བ་དེ་ཉིད་ཀྱིས་སྟེང་གི་བར་སྣང་ལ་ཏ་ལ་བདུན་སྲིད་ཙམ་དུ་མངོན་པར་འཕགས་ཏེ། མཉན་ཡོད་ཀྱི་གྲོང་ཁྱེར་ཆེན་པོ་ལ་ལན་བདུན་བསྐོར་བ་བྱས་ནས་ནམ་མཁའ་དེ་ཉིད་ལས་རྒྱལ་བུ་རྒྱལ་བྱེད་ཀྱི་ཚལ་
D82.044.0041a01.01ག་ལ་བ་དང་། བཅོམ་ལྡན་འདས་ག་ལ་བ་དེར་སོང་ངོ་།། །།བམ་པོ་གཉིས་པ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་སྟེང་གི་བར་སྣང་ལས་ངང་པའི་རྒྱལ་པོ་ལྟར་ཆགས་པ་མེད་པར་འོང་བ་གཟིགས་སོ། །གཟིགས་
D82.044.0041a02.01ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་སྟེང་གི་བར་སྣང་ལས་ངང་པའི་རྒྱལ་པོ་ལྟར་ཆགས་པ་མེད་པར་འོང་བ་མཐོང་ངམ། ཀུན་དགའ་བོས་གསོལ་པ། བཅོམ་ལྡན་འདས་མཐོང་
D82.044.0041a03.01ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་འདིས་ནི་འདོད་ཆགས་ཀྱི་སེམས་ལ་བརྟེན་ཏེ། ཆོས་ཐམས་ཅད་ཡོངས་སུ་བཙལ་བས་བདུད་ཀྱི་སྡེ་བཏུལ་ཞིང་ཆོས་ཀྱི་འཁོར་ལོ་རབ་ཏུ་བསྐོར་ཏོ།
D82.044.0041a04.01དེ་ནས་བུ་མོ་དཔལ་ཡོན་ཅན་གྱི་མཆོག་འཆི་བའི་དུས་བྱས་ནས་བུད་མེད་ཀྱི་ལུས་སྤངས་ཏེ། མཐོ་རིས་ཀྱི་འཇིག་རྟེན་དུ་སྐྱེས་པའི་ལུས་ཐོབ་ཅིང་སུམ་ཅུ་རྩ་གསུམ་པའི་ལྷ་རྣམས་དང་སྐལ་བ་མཉམ་པར་སྐྱེས་སོ། །སྐྱེས་མ་ཐག་ཏུ་དེ་ལ་རིན་པོ་ཆེ་སྣ་བདུན་ལས་བྱས་པའི་
D82.044.0041a05.01གཞལ་མེད་ཁང་དཔག་ཚད་བཅུ་གཉིས་པ་ཡང་བྱུང་བར་གྱུར། དེའི་རིམ་གྲོ་བྱེད་པའི་བསྙེན་བཀུར་མ་ལྷའི་བུ་མོ་ཁྲི་བཞི་སྟོང་ཡང་ཉེ་བར་གནས་པར་གྱུར་ཏོ། །དེའི་མོད་ལ་དེས་བདག་གི་ལས་ཅི་ཞིག་བྱས་ཤིང་བསགས་པས་འདིར་སྐྱེས་པར་གྱུར་སྙམ་དུ་བསམས་པ་དང་།
D82.044.0041a06.01དེ་འདི་སྙམ་དུ་གྱུར་ཏེ། བདག་ནི་མཉན་ཡོད་ཀྱི་གྲོང་ཁྱེར་ཆེན་པོར་ཚོང་དཔོན་གྱི་བུ་མོར་གྱུར་པ་ལས་དེ་ན་བདག་གིས་ཀུན་དུ་ཆགས་པའི་སེམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བྱེད་ལ་བལྟས་པ་དང་། བདག་འདོད་པའི་འདོད་ཆགས་ཀྱིས་ཀུན་ནས་
D82.044.0041a07.01