完整藏文原文 · 德格版页 当前仅加载第 44 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཀུན་ནས་ལྡང་བ་དག་རྣམ་པར་བསལ་ནས། དེ་དག་ཐམས་ཅད་ཀྱི་ཟླ་བ་གསུམ་པོ་དེ་དག་འདས་ནས། ཞག་བདུན་གྱིས་དགྲ་བཅོམ་པ་ཉིད་ཐོབ་པར་གྱུར་ཏོ། །རིགས་ཀྱི་བུ་དེ་ལྟ་བས་ན་དགེ་སློང་ལྔ་བརྒྱ་པོ་དེ་དག་གདུལ་བའི་དབང་གི་ཕྱིར་དང་། བྱང་ཆུབ་
D82.044.0067b01.01སེམས་དཔའ་དེ་དག་ཡོངས་སུ་སྨིན་པར་བྱ་བའི་ཕྱིར། དེ་བཞིན་གཤེགས་པས་ཐབས་ལ་མཁས་པ་དེས་ཟླ་བ་གསུམ་དུ་རྟ་ཆས་ཀྱི་ནས་དག་གསོལ་བར་ཟད་ཀྱི། ལས་ཀྱི་སྒྲིབ་པའི་ཉེས་པ་ནི་མ་ཡིན་ཏེ། དེ་ཡང་དེ་བཞིན་གཤེགས་པའི་ཐབས་ལ་མཁས་པ་
D82.044.0067b02.01ཡིན་ནོ། །ཅིའི་ཕྱིར་དེ་བཞིན་གཤེགས་པ་གསོ་སྦྱོང་ལ་ཞུགས་པ་ན་འོད་སྲུང་ང་ནི་རོ་རྒྱབ་ནས་ཁྱོད་ཀྱི་བྱང་ཆུབ་ཀྱི་ཡན་ལག་དག་ཤོད་ཅིག །ཅེས་བཀའ་སྩལ་ཅེ་ན། རིགས་ཀྱི་བུ་དེའི་ཚེ་ན་ལྷའི་བུ་ཉན་ཐོས་ཀྱིས་འདུལ་བ་གང་དག་སྔོན་དགེ་སློང་འོད་སྲུང་གིས་
D82.044.0067b03.01སངས་རྒྱས་དང་། ཆོས་དང་། དགེ་འདུན་དང་། བག་ཡོད་པའི་བྱ་བ་དག་ལ་ཡང་དང་ཡང་དུ་དད་པ་བསྐྱེད་ཅིང་། ཡང་དག་པར་འཛིན་དུ་བཅུག་པ་བརྒྱད་སྟོང་འཁོར་དེ་ཉིད་དུ་འདུས་པར་གྱུར་ཏེ་འདུག་པས། ལྷའི་བུ་དེ་དག་གིས་སྔོན་ཡང་བྱང་ཆུབ་
D82.044.0067b04.01ཀྱི་ཡན་ལག་གི་གཏམ་དག་ཐོས་ལ། ལྷའི་བུ་དེ་དག་ལ་དགེ་སློང་འོད་སྲུང་མ་གཏོགས་པར་གལ་ཏེ་སངས་རྒྱས་འབུམ་གྱིས་ཆོས་བསྟན་པར་གྱུར་ཀྱང་། དེ་དག་གིས་ཆོས་བསྟན་པ་ཀུན་ཤེས་པར་མི་འགྱུར་བས་ན། དེའི་ཕྱིར་དགེ་སློང་འོད་སྲུང་གིས་བྱང་ཆུབ་ཀྱི་
D82.044.0067b05.01ཡན་ལག་རབ་ཏུ་དབྱེ་བ་རྒྱ་ཆེར་བཤད་པས། ལྷའི་བུ་བརྒྱད་སྟོང་པོ་དེ་དག་གིས་ཡེ་ཤེས་མངོན་པར་རྟོགས་པར་གྱུར་ཏོ། །གཞན་ཡང་སེམས་ཅན་གང་ལ་ལ་དག་ནད་ཀྱིས་གནོད་པར་གྱུར་ཅིང་། ནད་པར་གྱུར་ནས་ཆོས་ཉན་དུ་མ་འོངས་ཤིང་ཆོས་མི་ཉན་པའི་
D82.044.0067b06.01སེམས་ཅན་ཆོས་མ་ཐོས་པ་དེ་དག་འདི་སྙམ་དུ་དེ་བཞིན་གཤེགས་པ་ཆོས་ཀྱི་བདག་པོ་དེ་ཡང་། བྱང་ཆུབ་ཀྱི་ཡན་ལག་གི་གཏམ་དག་གསན་ནས། སྙུན་ནད་ལས་ཡོངས་སུ་ཐར་བར་གྱུར་ན་བདག་ཅག་གི་ཅིའི་ཕྱིར་ཆོས་མཉན་པར་མི་བྱ། སྙམ་དུ་སེམས་
D82.044.0067b07.01