完整藏文原文 · 德格版页 当前仅加载第 44 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སྐྱེ་བ་དང་། རྒ་བ་དང་། ན་བ་དང་། འཆི་བ་མཐར་དབྱུང་བར་བྱའོ། །ཞེས་སྨྲས་པའི་རྒྱུ་ནི་དེ་ཡིན། རྐྱེན་ནི་དེ་ཡིན་ནོ། །བྱང་ཆུབ་སེམས་དཔའི་ཚིག་དེ་ནི་ཡང་དག་པ་ཡིན་ཏེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་བཙས་
D82.044.0050a01.01མ་ཐག་ཏུ་གད་མོ་ཆེར་དགོད་པར་བྱེད་ཅེ་ན། རིགས་ཀྱི་བུ་བྱང་ཆུབ་སེམས་དཔའ་ལ་ནི་འདོད་ཆགས་དང་ལྷན་ཅིག་སྐྱེས་པའམ། ཞེ་སྡང་དང་ལྷན་ཅིག་སྐྱེས་པའམ། གཏི་མུག་དང་ལྷན་ཅིག་སྐྱེས་པ་རྒོད་པའི་གད་མོ་ཡང་མེད། རྟ་གད་དུ་དགོད་པ་ཡང་མེད་མོད་ཀྱི། འོན་ཀྱང་བྱང་ཆུབ་སེམས་དཔའ་
D82.044.0050a02.01འདི་སྙམ་དུ་སེམས་ཏེ། བྱང་ཆུབ་སེམས་དཔའ་འདི་དག་གིས་ནི་བདག་དང་ལྷན་ཅིག་ཏུ་བྱང་ཆུབ་ཏུ་སེམས་བསྐྱེད་པ་ལས་བདག་གིས་ནི་བྱང་ཆུབ་ཐོབ་པར་གྱུར་གྱི། སེམས་ཅན་འདི་དག་ནི་ལེ་ལོའི་དབང་གིས་འཁོར་བ་ཐིབ་པོར་གནས་པར་གྱུར་པས་ཀྱེ་མ་སེམས་ཅན་འདི་དག་ནི་ཐམས་ཅད་མཁྱེན་
D82.044.0050a03.01པ་ཉིད་ཐོབ་པར་བྱ་བའི་ཕྱིར་སྙིང་རྗེས་བགྲོད་པར་བྱ་བའི་ཆོས་ཐམས་ཅད་ལ་བརྩོན་འགྲུས་རྩོམ་པར་མི་བྱེད་པ་ཡིན་ནོ་ཞེས་དེ་ལྟར་སྙིང་རྗེ་ཆེན་པོ་བསྐྱེད་པ་ན། སེམས་ཅན་དེ་དག་གིས་བྱང་ཆུབ་སེམས་དཔའ་ནི་བསམ་པ་ཡོངས་སུ་རྫོགས་པ་ཡིན་པར་རིག་ལ། བདག་ཅག་ནི་དམན་པ་དང་། བག་
D82.044.0050a04.01མེད་པ་ཡིན་པར་རིག་ནས་དེ་དག་ད་བདག་ལ་ཕྱག་འཚལ་བར་འགྱུར་རོ། །སྙམ་ནས་དེའི་ཕྱིར་བྱང་ཆུབ་སེམས་དཔའ་གད་མོ་ཆེར་དགོད་པར་བྱེད་དེ་དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་དྲི་མ་མེད་པ་བཙས་མ་ཐག་ཏུ་བརྒྱ་བྱིན་དང་།
D82.044.0050a05.01ཚངས་པ་དག་གིས་འཁྲུ་བར་བྱེད་ཅེ་ན། རིགས་ཀྱི་བུ་དེ་ནི་བརྒྱ་བྱིན་དང་། ཚངས་པ་དག་མཆོད་པའི་ལས་བྱེད་པ་ཡང་ཡིན་ལ། འཇིག་རྟེན་ན་ཡང་ཁྱེའུ་དག་བཙས་མ་ཐག་ཏུ་གདོན་མི་ཟ་བར་ཁྲུས་བྱེད་པ་དག་ཡོད་པས་བྱང་ཆུབ་སེམས་དཔས་ཀྱང་འཇིག་རྟེན་ཤེས་པའི་རྗེས་སུ་
D82.044.0050a06.01གདོན་མི་ཟ་བར་འཇུག་པར་བྱ་དགོས་པས་ན་དོན་གྱི་དབང་དེ་མཐོང་བའི་ཕྱིར་བྱང་ཆུབ་སེམས་དཔའ་བཙས་མ་ཐག་ཏུ་བརྒྱ་བྱིན་དང་། ཚངས་པ་དག་གིས་འཁྲུ་བར་བྱེད་དེ། དེ་ཡང་བྱང་ཆུབ་སེམས་དཔའི་ཐབས་ལ་མཁས་པ་ཡིན་ནོ། །ཅིའི་ཕྱིར་བྱང་ཆུབ་སེམས་དཔའ་དགོན་པར་བཙས་
D82.044.0050a07.01