完整藏文原文 · 德格版页 当前仅加载第 41 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རོལ་མོ་མཁན་ལྔ་བརྒྱ་པོ་དེ་དག་གིས་སིལ་སྙན་གྱི་སྒྲ་ཆེན་པོས་བཅོམ་ལྡན་འདས་ལ་ལན་གསུམ་སྐོར་བ་བྱེད་དོ། །སྲོག་ཆགས་ཁྲི་བོ་དེ་དག་དང་། ཚོང་དཔོན་གྱི་བུ་མིས་བྱིན་ཆུང་མ་བདུན་དང་། ཁྱེའུ་བདུན་དང་། བུ་མོ་བདུན་དང་། བྲན་ཕོ་བདུན་དང་། བྲན་མོ་བདུན་དང་།
D56.041.0202b01.01གཡོག་ཐམས་ཅད་དང་། རོལ་མོ་མཁན་ལྔ་བརྒྱ་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ལ་ལན་གསུམ་སྐོར་བ་བྱེད་དོ། །དེ་ནས་བཅོམ་ལྡན་འདས་སེམས་ཅན་དེ་དག་ལ་ཐུགས་བརྩེ་བའི་སླད་དུ་སྟེང་གི་བར་སྣང་ལ་སྐྱིལ་མོ་ཀྲུང་བཅས་ཏེ་བཞུགས་སོ། །དེ་ནས་རོལ་མོ་མཁན་
D56.041.0202b02.01ལྔ་བརྒྱ་པོ་དེ་དག་གིས་བཅོམ་ལྡན་འདས་སྟེང་གི་བར་སྣང་ལ་སྐྱིལ་མོ་ཀྲུང་བཅས་ཏེ་བཞུགས་པ་མཐོང་ངོ་། །མཐོང་ནས་ཀྱང་དད་པ་སྐྱེས་ནས་སངས་རྒྱས་ཀྱི་མཐུས་རོལ་མོའི་ཆ་སྤྱད་དེ་དག་ཐམས་ཅད་བོར་བ་དང་། སངས་རྒྱས་ཀྱི་མཐུས་དེ་དག་མ་བཟུང་བར་སྟེང་གི་བར་སྣང་ལ་གནས་ཤིང་
D56.041.0202b03.01སྒྲ་འབྱིན་ཏེ། སྒྲ་འབྱིན་བཞིན་དུ་དེ་བཞིན་གཤེགས་པ་བར་སྣང་ལ་བཞུགས་པ་ལ་ལན་གསུམ་སྐོར་བ་བྱེད་དོ། །དེ་ནས་ཚོང་དཔོན་གྱི་བུ་མིས་བྱིན་གཡོག་དང་བཅས་པ་དང་། རོལ་མོ་མཁན་ལྔ་བརྒྱ་ཙམ་པོ་དེ་དག་དང་། སྲོག་ཆགས་ཁྲི་པོ་དེ་དག་གིས་བཅོམ་ལྡན་འདས་ཀྱི་རྫུ་འཕྲུལ་དང་། ཆོ་
D56.041.0202b04.01འཕྲུལ་འདི་མཐོང་ནས་དགའ་མགུ་ཡི་རངས་ཏེ་དགའ་བ་དང་། ཡིད་བདེ་བ་སྐྱེས་ནས་ཐམས་ཅད་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ལོ། །སྟེང་གི་བར་སྣང་ལ་དཔག་ཚད་གཅིག་ཁོར་ཡུག་ཏུ་ཡང་སིལ་སྙན་སྟོང་ཕྲག་དུ་མས་ཡོངས་སུ་མ་བཟུང་བདག་གིས་ཁྱབ་པར་གྱུར་ཏེ། དཔེར་ན་སྦྲང་རྩིའི་
D56.041.0202b05.01སྦྲང་མའི་ཚང་བཞིན་དུ་སྟེང་གི་བར་སྣང་ལ་རྔ་དང་རོལ་མོ་སིལ་སྙན་གྱི་སྒྲ་བྱུང་ངོ་། །དེ་ནས་ཚོང་དཔོན་གྱི་བུ་མིས་བྱིན་གཡོག་དང་བཅས་པ་དང་། རོལ་མོ་མཁན་ལྔ་བརྒྱ་ཙམ་པོ་དེ་དག་དང་། སྲོག་ཆགས་ཁྲི་བོ་དེ་དག་དང་། ཆོས་ཉན་དུ་སྔར་ལྷགས་པ་ལས་སྲོག་ཆགས་དྲུག་སྟོང་ཙམ་ཞིག་དང་། དགེ་སློང་
D56.041.0202b06.01སྟོང་ཉིས་བརྒྱ་ལྔ་བཅུ་པོ་དེ་དག་ཐམས་ཅད་སངས་རྒྱས་ཀྱི་མཐུས་སྟེང་གི་བར་སྣང་ལ་མངོན་པར་འཕགས་པ་དང་། སངས་རྒྱས་ཀྱི་མཐུས་སྟེང་གི་བར་སྣང་ལ་ཁང་པ་བརྩེགས་པ་ལྔ་ལྔ་བྱུང་ངོ་། །རོལ་མོ་མཁན་གྱི་ཁང་པ་བརྩེགས་པ་བཞིས་མདུན་གྱིས་བལྟས་པའི་རོལ་མོ་མཁན་གྱི་ཁང་པ་བརྩེགས་པ་ཐམས་
D56.041.0202b07.01