完整藏文原文 · 德格版页 当前仅加载第 41 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཐོ་བ་མེད་པ་བཟོད་ཀྱི། བདག་ཁ་ན་མ་ཐོ་བ་མི་བཟོད། བདག་ཟག་པ་ཟད་པ་བཟོད་ཀྱི། བདག་ཟག་པ་དང་བཅས་པ་མི་བཟོད། བདག་འཇིག་རྟེན་ལས་འདས་པ་བཟོད་ཀྱི། བདག་འཇིག་རྟེན་པ་མི་བཟོད། བདག་རྣམ་པར་བྱང་བ་བཟོད་ཀྱི། བདག་
D56.041.0101a01.01ཀུན་ནས་ཉོན་མོངས་པ་མི་བཟོད། བདག་མྱ་ངན་ལས་འདས་པ་བཟོད་ཀྱི། བདག་འཁོར་བ་མི་བཟོད་ན་དེ་གཉེན་པོས་སྤོང་བའི་བཟོད་པ་སྟེ། རབ་ཏུ་བཟོད་པ་མ་ཡིན་ནོ། །དེ་ལ་རབ་ཏུ་བཟོད་པ་གང་ཞེ་ན། གང་སྟོང་པ་ཉིད་ཁོང་དུ་ཆུད་པ་དེ་ལ་ལྟ་བ་བསལ་བ་ཡང་མེད། སྟོང་
D56.041.0101a02.01པ་ཉིད་དུ་སྒྲོ་འདོགས་པ་ཡང་མེད། གང་སྟོང་པ་ཉིད་ཁོང་དུ་ཆུད་པ་དེ་ལ་རྣམ་པར་རྟོག་པ་བསལ་བ་ཡང་མེད། མཚན་མ་མེད་པའི་སྒྲོ་འདོགས་པ་ཡང་མེད། གང་སྟོང་པ་ཉིད་ཁོང་དུ་ཆུད་པ་དེ་ལ་སྨོན་ལམ་བསལ་བ་ཡང་མེད། སྨོན་པ་མེད་པར་སྒྲོ་འདོགས་པ་ཡང་མེད། གང་
D56.041.0101a03.01སྟོང་པ་ཉིད་ཁོང་དུ་ཆུད་པ་དེ་ལ་མངོན་པར་འདུ་བྱེད་པ་བསལ་བ་ཡང་མེད། མངོན་པར་འདུ་མི་བྱེད་པར་སྒྲོ་འདོགས་པ་ཡང་མེད། གང་སྟོང་པ་ཉིད་ཁོང་དུ་ཆུད་པ་དེ་ལ་ཉོན་མོངས་པ་བསལ་བ་ཡང་མེད། ཀུན་ནས་ཉོན་མོངས་པ་ཟད་པར་སྒྲོ་འདོགས་པ་ཡང་མེད། གང་སྟོང་པ་
D56.041.0101a04.01ཉིད་ཁོང་དུ་ཆུད་པ་དེ་ལ་མི་དགེ་བ་བསལ་བ་ཡང་མེད། དགེ་བར་སྒྲོ་འདོགས་པ་ཡང་མེད། གང་སྟོང་པ་ཉིད་ཁོང་དུ་ཆུད་པ་དེ་ལ་ཁ་ན་མ་ཐོ་བ་དང་བཅས་པ་བསལ་བ་ཡང་མེད། ཁ་ན་མ་ཐོ་བ་མེད་པའི་སྒྲོ་འདོགས་པ་ཡང་མེད་དེ། གོང་མ་བཞིན་དུ་ཐམས་ཅད་ལ་རྒྱས་པར་བྱ་སྟེ།
D56.041.0101a05.01གང་སྟོང་པ་ཉིད་ཁོང་དུ་ཆུད་པ་དེ་ལ་འཁོར་བ་བསལ་བ་མེད། མྱ་ངན་ལས་འདས་པར་སྒྲོ་འདོགས་པ་ཡང་མེད་དེ། གང་འདི་ལ་བཟོད་པ་དེ་ནི་རབ་ཏུ་བཟོད་པ་ཞེས་བྱའོ། །གང་མ་སྐྱེས། མ་བསྐྱེད། མ་བྱུང་། བྱུང་བར་མ་གྱུར་པ་དེ་ལ་འབྱུང་བ་གང་ཡང་མེད་དོ། །འབྱུང་བ་
D56.041.0101a06.01མེད་པས་མི་ཟད་དེ། གང་མི་ཟད་པ་དེ་རབ་ཏུ་བཟོད་པའོ། །གང་འདུས་བྱས་ཀྱང་མ་ཡིན། འདུས་མ་བྱས་ཀྱང་མ་ཡིན། སྒྲོ་འདོགས་པ་ཡང་མ་ཡིན། མ་བཞག་པ། མ་སྤེལ་བ། ཡང་དག་པར་མ་སྤེལ་བ། མི་སོགས་པ། མི་འབྲི་བ་དེ་ལ་སྐྱེ་བ་གང་ཡང་མེད་དོ། །གང་
D56.041.0101a07.01