完整藏文原文 · 德格版页 当前仅加载第 41 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཉིད་གཅིག་པའོ། །མཚན་ཉིད་གང་ཞེ་ན། འདི་ལྟ་སྟེ་མཚན་ཉིད་མེད་པའོ། །མཚན་ཉིད་ཅེས་བྱ་བ་ནི་མཚན་ཉིད་མེད་པ་སྟེ། དེ་ནི་གཉི་ག་ལས་འགྱུར་རོ། །དེ་ཅིའི་ཕྱིར་ཞེ་ན། ཀུན་བརྟག་པ་འམ། ཡང་དག་པར་བརྟག་པ་དེ་ཉིད་མཚན་ཉིད་
D56.041.0160a01.01མེད་པར་བཤད་པ་ཡིན་ནོ། །འདི་ནི་མཚན་ཉིད་དོ། །འདི་ནི་མཚན་ཉིད་མ་ཡིན་པའོ་ཞེས་འདི་ལྟ་སྟེ། ཆོས་ཐམས་ཅད་ལ་མཚན་ཉིད་མེད་པ་མི་སྣང་བ། བླང་བ་མེད་པར་རྟོགས་པ་དེ་ནི་ནན་ཏན་ཞེས་བྱའོ། །ནན་ཏན་ལ་བརྩོན་པར་གྱིས་ཤིག །ཆོས་ཐམས་ཅད་
D56.041.0160a02.01མི་སྒྲིབ་པར་སྣང་བ་ཐོབ་པར་གྱིས་ཤིག །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །གང་ཞིག་བྱང་ཆུབ་སེམས་དཔའི་སྡེ་སྣོད་ལ། །ཤིན་ཏུ་ངེས་པར་ནན་ཏན་གནས་བྱེད་པ། །མཁས་པ་དེ་ནི་ཆོས་ལ་འཛིན་མི་བྱེད། །མི་འཛིན་
D56.041.0160a03.01པས་ན་ནན་ཏན་དེ་འདྲའོ། །མིས་ནི་ཆོས་རྙེད་སྟོང་པར་མི་བྱེད་དོ། །ཆོས་ལའང་དེ་ནི་སྟོང་པར་རློམ་སེམས་མེད། །སྟོང་པའི་ཆོས་ལ་རློམ་སེམས་གང་ཡང་མེད། །རློམ་སེམས་མེད་ཕྱིར་ནན་ཏན་དེ་འདྲའོ། །ཆོས་ལ་ལེན་པ་མེད་ཅིང་འདོར་བ་མེད། །ཆོས་ནི་ཆོས་ལ་
D56.041.0160a04.01ལེན་པར་བྱེད་པ་མེད། །ལེན་པ་མེད་ཕྱིར་འདི་ནི་ཆོས་ཀྱི་མཚན། །དེ་འདྲ་བ་ནི་ནན་ཏན་ཞེས་བྱའོ། །གང་ཕྱིར་ཆོས་ལ་ནམས་ཀྱང་དེ་མི་ཆགས། །དེ་ལ་དེ་ཡི་ཡེ་ཤེས་བླངས་མི་འགྱུར། །ཡེ་ཤེས་མ་བླངས་དེ་ལའང་རློམ་སེམས་མེད། །དེ་འདྲ་བ་ལ་ནན་ཏན་ཞེས་བྱའོ། །
D56.041.0160a05.01མཁས་པས་སྦྱངས་པའི་ཡོན་ཏན་གནས་པར་གྱིས། །ཆོས་འདི་དག་ལ་ཤིན་ཏུ་བརྩོན་པར་གྱིས། །ཆོ་ག་སྤྱོད་པ་དག་ལ་གནས་གྱུར་ན། །དེ་ཚེ་དེ་ཡི་སྒོ་ནི་དག་པར་འགྱུར། །སྒོ་དག་ན་ནི་ཆོས་འདི་འདྲ་བ་ཤེས། །དེ་ན་སེམས་ལ་བསམ་པའང་ཤེས་པར་འགྱུར། །
D56.041.0160a06.01མཁས་པས་དེ་ཚེ་བསམ་པ་ཤེས་ནས་ནི། །འདི་འདྲ་བ་ཡི་ཆོས་ཀྱང་འཆད་པར་འགྱུར། །ཟབ་མོའི་ཆོས་ལ་དོན་དམ་མཁས་གྱུར་ནས། །རྟག་ཏུ་དོན་ལ་རྣམ་པར་གདོན་མི་ཟ། །སྤྱོད་པ་མཐའ་ཡས་ཡོན་ཏན་རྣམས་ཀྱིས་འཕགས། །མཁས་པ་མང་དུ་ཐོས་པ་རྒྱ་མཚོ་འདྲ། །
D56.041.0160a07.01