完整藏文原文 · 德格版页 当前仅加载第 41 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཟིན་བཞིན་ཏེ། དེ་བྱུང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། དེ་བྱང་ཆུབ་ཐོབ་པ་ན་དེའི་ཚེའི་ཚད་ནི་ལོ་བྱེ་བ་ཁྲག་ཁྲིག་ཕྲག་བརྒྱ་སྟོང་དུ་འགྱུར་རོ། །སངས་རྒྱས་དེའི་འོད་ཀྱིས་དཔག་ཚད་སྟོང་ཕྲག་བཅུར་ཁྱབ་པར་
D56.041.0116a01.01འགྱུར་རོ། །དེའི་འཁོར་གྱི་དཀྱིལ་འཁོར་ནི་དཔག་ཚད་བརྒྱར་འགྱུར་རོ། །དེའི་ཉན་ཐོས་བྱེ་བ་ཕྲག་བརྒྱ་དང་། །བྱེ་བ་ཁྲག་ཁྲིག་དང་། བྱེ་བ་ཁྲག་ཁྲིག་བརྒྱ་སྟོང་གི་འདུས་པ་འབྱུང་སྟེ། དེའི་ཉན་ཐོས་བྱེ་བ་ནི་དགྲ་བཅོམ་པ་འབའ་ཞིག་སྟེ། ཟག་པ་ཟད་པ། ཉོན་མོངས་པ་མེད་
D56.041.0116a02.01པ། དབང་དང་ལྡན་པར་གྱུར་པ། རྣམ་པར་ཐར་པ་བརྒྱད་ལ་བསམ་གཏན་པ། མངོན་པར་ཤེས་པ་དྲུག་དང་ལྡན་པ་ཤ་སྟག་སྟེ། །ཤཱ་རིའི་བུ་དགྲ་བཅོམ་པ་དེ་དག་དཀོན་མཆོག་གསུམ་འདུས་པ་ཐོབ་པ་ཡོངས་སུ་བརྗོད་པ་འབྱུང་བ་དེ་སྙེད་ཀྱི་དེའི་བྱང་ཆུབ་སེམས་དཔའི་དགེ་འདུན་འབྱུང་
D56.041.0116a03.01སྟེ། ཐམས་ཅད་ཀྱང་སྔོན་མར་གྱུར་པ་ཤ་སྟག་གོ །ཕྱིར་མི་ལྡོག་པའི་ཆོས་བསྟན་ཏེ། ཚད་མེད་གྲངས་མེད་པའི་སེམས་ཅན་གྱི་དོན་བྱས་ནས་ཡོངས་སུ་མྱ་ངན་ལས་འདས་པར་འགྱུར་ཏེ། དེ་ཡོངས་སུ་མྱ་ངན་ལས་འདས་ནས་དམ་པའི་ཆོས་ལོ་བྱེ་བར་གནས་པར་འགྱུར། དེའི་རིང་
D56.041.0116a04.01བསྲེལ་ཡང་རྒྱས་པར་འགྱུར་ཏེ་འདི་ལྟ་སྟེ་དཔེར་ན། ད་ང་ཡོངས་སུ་མྱ་ངན་ལས་འདས་ནས་རིང་བསྲེལ་རྒྱས་པར་འགྱུར་བ་བཞིན་ནོ། །ཤཱ་རིའི་བུ་འདི་ནི་སྐྱེས་བུ་དམ་པས་རྣམ་པར་བརྟག་པ། སྐྱེས་བུ་དམ་པས་བལྟ་བ། བརྩོན་འགྲུས་མ་ཉམས་པ། སྐྱེས་བུ་དམ་པ། བརྩོན་
D56.041.0116a05.01འགྲུས་མི་ཟློགས་པ་སྟེ། དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོས་རྗེས་སུ་དྲན་པའི་སེམས་བསྐྱེད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བརྩོན་འགྲུས་རབ་ཏུ་བརྩམ་པར་བྱ་བར་གྲངས་ཀྱིས་བགྲང་བ་དེ་སྙེད་དུ་བཙལ་ཞིང་བསྐལ་པ་དེ་སྙེད་དུ་ནི་འཁོར་བར་བྱའོ། །
D56.041.0116a06.01བསྐལ་པ་དེ་སྙེད་དུ་ནི་མི་འཁོར་བར་བྱའོ་ཞེས་དེ་ལྟར་མི་བྱའི། །ཤཱ་རིའི་བུ་བསམ་གྱིས་མི་ཁྱབ་པའི་གོ་ཆ་བགོ་བར་བྱ་སྟེ། འཁོར་བའི་མཐའ་མའི་མཐའ་ཇི་ཙམ་པར་བདག་འཁོར་བར་བྱ་བའི་ཡོངས་སུ་བརྟག་པ་བཟུང་སྟེ། བྱང་ཆུབ་ཀྱི་ཕྱིར་བརྩོན་འགྲུས་ལྷོད་པར་མི་བྱ་སྟེ། བརྩོན་འགྲུས་མི་ལྡོག་བརྟུལ་
D56.041.0116a07.01