完整藏文原文 · 德格版页 当前仅加载第 41 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྣམས་ཀྱི་གནས་རྟེན་དང་། །དཔུང་གཉན་མགོན་དུ་གྱུར་པར་ཤོག །ངན་པའི་ལམ་དུ་མི་མཆི་ཞིང་། །རྟག་ཏུ་ལམ་རྣམས་སྟོན་པར་ཤོག །བྱིས་པ་རྣམས་ཀྱི་སྤྱོད་ཡུལ་འདི། །འདོད་པ་ནམ་ཡང་སྟེན་མ་གྱུར། འདུས་བྱས་དག་ཀྱང་རྣམ་སྤངས་
D56.041.0125a01.01ནས། །རྟག་ཏུ་སངས་རྒྱས་འབྱུང་རྙེད་གྱུར། །འཇིག་རྟེན་སྣང་མཛད་མཐོང་ནས་ཀྱང་། །རྐང་གཉིས་དམ་པ་མཆོད་པར་གྱུར། །སྲོག་ཆགས་ཀུན་ལ་ཕན་པའི་ཕྱིར། །བྱང་ཆུབ་དམ་པ་ཡོངས་སུ་བཅོལ། །སྲོག་ཆགས་ཀུན་ལ་ཕན་པའི་ཕྱིར། །མེ་ཏོག་ཕྲེང་བ་སྤོས་རྣམས་དང་། །
D56.041.0125a02.01རྒྱལ་མཚན་དག་དང་གདུགས་རྣམས་ཀྱིས། །གླང་པོ་ཆེན་པོ་བཀུར་སྟི་བགྱི། །སྲོག་ཆགས་ཀུན་ལ་ཕན་པའི་ཕྱིར། །ཆོས་གོས་དག་དང་བསོད་སྙོམས་དང་། །མལ་སྟན་རྣམས་དང་གདིང་བ་ཡིས། །སངས་རྒྱས་རྣམས་ལ་མཆོད་པར་བགྱི། །སྲོག་ཆགས་ཀུན་ལ་ཕན་པའི་ཕྱིར། །
D56.041.0125a03.01རྔ་དང་དུང་དང་རྔ་ཆེན་དང་། །སིལ་སྙན་དག་དང་(པི་བང་,ཝང་)གིས། །འཇིག་རྟེན་སྣང་མཛད་མཆོད་པར་ཤོག །བཟའ་བ་དང་ནི་བཅའ་བ་དང་། །དུས་ཀྱིས་མ་ཕྱེ་བཟའ་བ་རྣམས། །དེ་དག་གིས་ནི་འཇིག་རྟེན་མགོན། །སྐྱོབ་པ་བདག་གིས་མཆོད་པ་བགྱི། །སྲོག་ཆགས་ཀུན་ལ་ཕན་
D56.041.0125a04.01པའི་ཕྱིར། །མཆོད་པ་རྒྱ་ཆེན་བགྱིས་གྱུར་ནས། །དེ་ཉིད་དུ་ནི་རབ་བྱུང་སྟེ། །ཚངས་པར་སྤྱོད་པ་བདག་གིས་སྤྱད། །སྲོག་ཆགས་ཀུན་གྱི་མགོན་དུ་བདག་གྱུར་ཅིག །བདག་ནི་ལམ་གོལ་ནམ་ཡང་འགྲོ་མ་གྱུར། །ཡན་ལག་བརྒྱད་ལྡན་ལམ་མཆོག་རབ་གནས་ནས། །བདག་གིས་སྲོག་
D56.041.0125a05.01ཆགས་བྱེ་བ་དེ་ཉིད་དགྲོལ། །དམན་ལ་འཕགས་མིན་མཆོག་ཏུ་སྨད་པ་ཡི། །འདོད་ལ་བདག་ནི་ནམ་ཡང་སྟེན་མ་འགྱུར། །བག་མེད་ཐམས་ཅད་ཡོངས་སུ་སྤངས་གྱུར་ནས། །བདག་ནི་རྟག་ཏུ་བག་ཡོད་གྱུར་པར་ཤོག །མི་ཁོམ་བརྒྱད་ལམ་ནམ་ཡང་སྐྱེ་མ་འགྱུར། །རྟག་ཏུ་དང་
D56.041.0125a06.01བའི་རིགས་སུ་སྐྱེས་གྱུར་ཅིང་། །སྐྱེས་པར་གྱུར་ནས་མི་མཆོག་རྣམས་མཐོང་ལ། །མཐོང་ནས་དེ་ལ་བདག་ནི་དད་པར་ཤོག །འདི་འདྲའི་ཡེ་ཤེས་དེ་ནི་བཙལ་བའི་ཕྱིར། །དང་བའི་སེམས་ཀྱིས་མེ་ཏོག་ཕྲེང་བ་དང་། །བྱུག་པ་དག་དང་རྫ་རྔ་རྔ་ཆེན་དང་། །རྔ་དང་གླིང་བུ་དག་གིས་རི་མོར་
D56.041.0125a07.01