完整藏文原文 · 德格版页 当前仅加载第 41 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུམས་ནི་བྱེད་པར་འགྱུར་བ་དག །དེ་ནི་མཁས་པའི་མཚན་ཉིད་དོ། །སེམས་ཅན་སྡུག་བསྔལ་རྣམས་མཐོང་ན། །བསྐལ་པ་བྱེ་བ་མང་པོར་ཡང་། །བདག་གི་དོན་ནི་མེད་གྱུར་ཀྱང་། །ཡལ་བར་འདོར་བར་མི་འགྱུར་རོ། །དོན་རྙེད་ན་ནི་མཛའ་བོ་ཞེས། །ཕན་
D56.041.0085a01.01ཚུན་དུ་ནི་རབ་ཏུ་སྨྲ། །དོན་ནི་བྱེད་པར་མ་གྱུར་ན། །གཅིག་ལ་གཅིག་ནི་གསོད་པར་བྱེད། །འཛམ་བུ་ཡི་ནི་གླིང་འདི་དང་། །སངས་རྒྱས་ཀྱི་ནི་ཞིང་ཀུན་ཏུ། །རིན་ཆེན་བཀང་སྟེ་སྦྱིན་བྱས་ནས། །རྟག་ཏུ་བདག་གི་གྲོགས་སུ་འགྱུར། །གང་དག་མཚོན་རྣམས་རྣོན་པོ་ཡིས། །
D56.041.0085a02.01ཡན་ལག་ཉིང་ལག་གཅོད་པ་ཡི། །སེམས་ཅན་དག་ནི་ཐམས་ཅད་ལ། །སེམས་ནི་མཉམ་པར་རབ་ཏུ་འཇུག །སངས་རྒྱས་དག་གི་ཆོས་རྣམས་ཕྱིར། །བྱིས་པ་རྣམས་ཀྱི་ཆོས་སྤོང་སྟེ། །ཆོས་ལ་ཤིན་ཏུ་གནས་གྱུར་པས། །ཚུལ་ཁྲིམས་རྟག་ཏུ་དག་པར་འགྱུར། །ཆོས་
D56.041.0085a03.01ཀྱི་རྗེས་འཐུན་ཆོས་ཞུགས་ནས། །བྱང་ཆུབ་ཀྱི་ནི་སྤྱད་པ་སྤྱོད། །སངས་རྒྱས་ཀྱི་ནི་བྱང་ཆུབ་ཕྱིར། །རིགས་གསུམ་བདུད་རྩི་རབ་ཏུ་སྦྱིན། །ཚུལ་ཁྲིམས་ཕུང་པོར་གནས་བྱས་ནས། །ཆོས་རྣམས་ཐམས་ཅད་མངོན་པར་བསླབས། །མཁས་པ་ལྷ་དང་བཅས་པ་ཡི། །འཇིག་
D56.041.0085a04.01རྟེན་ནི་མཆོད་པར་འོས། །ཆོས་རྣམས་ཀུན་ལ་ཐེ་ཚོམ་མེད། །བཟོ་ཀུན་ལ་ཡང་རབ་ཏུ་མཁས། །སེམས་ཅན་བསམ་པ་ཤེས་གྱུར་ནས། །སྙན་པའི་ཚིག་ནི་སྟོན་པར་བྱེད། །ཚུལ་ཁྲིམས་ཕུང་པོ་རྣམས་སྦྱངས་ནས། །བྱང་ཆུབ་དམ་པ་སངས་རྒྱས་ཏེ། །ཤིང་མཆོག་དྲུང་དུ་
D56.041.0085a05.01འདུག་བྱས་ནས། །སྡིག་ཅན་བདུད་ནི་སྐྲག་པར་བྱེད། །ཉི་ཟླ་དག་ནི་སྣང་བ་ལྟར། །གཟི་བརྗིད་དྲག་པོའི་འོད་བྱེད་པ། །དེ་ལྟར་སེམས་ཅན་མཆོག་འགྱུར་ཞིང་། །ཤེས་རབ་ཀྱི་ནི་མིག་ལས་བྱུང་། །སེམས་ཅན་རྣམས་ལ་ལག་བྱིན་ཏེ། །དྲིས་པ་ལ་ནི་ལམ་རྣམས་སྟོན། །
D56.041.0085a06.01རྟག་ཏུ་གསོང་པོར་སྨྲ་འགྱུར་ཏེ། །དེ་དག་ལ་ནི་ཕྲག་དོག་མེད། །བདག་དང་རིན་ཆེན་གཞན་དག་ཀྱང་། །མང་པོ་རྣམས་ནི་མྱུར་དུ་གཏོང་། །དེ་ནི་བརྒྱ་ལམ་བྱང་ཆུབ་མཆོག །གཏོང་བར་འགྱུར་བ་མ་ཡིན་ནོ། །དད་དང་ཚུལ་ཁྲིམས་ཕུན་སུམ་ཚོགས། །བདེན་པའི་ཚིག་ལ་
D56.041.0085a07.01